«O‘zbekiston 24» telekanali direktori Madamin Safarov Milliy teleradiokompaniya raisi o‘rinbosari lavozimiga tayinlandi. Alisher Xo‘jayev esa MTRK raisi bo‘ldi (bunga qadar vazifasini bajaruvchi edi).
Joriy yilda «Raqamli Toshkent» dasturi doirasida transportga chiptalarni onlayn sotib olish, maktablarda onlayn jurnal va kundaliklar, kommunal xizmatlar uchun onlayn to‘lovlar va yagona elektron tibbiy karta yagona tizimi joriy etiladi. May oyidan «Xalq nazorati» portali ish boshlaydi.
Durdona Rahimova Toshkent shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari etib tayinlandi.
Ikki yildan beri ichki ishlar vaziri o‘rinbosari — Toshkent IIBB boshlig‘i lavozimida ishlab kelayotgan Rustam Jo‘rayev Milliy gvardiya qo‘mondoni etib tayinlandi. Ichki ishlar vazirining birinchi o‘rinbosari Aziz Toshpo‘latov uning o‘rnini egalladi. Shuhratjon Sobirov esa IIV rahbarining birinchi o‘rinbosari bo‘ldi.
Abdulla Aripov jamoat tinchligiga tahdid soluvchi chaqiriqlar va ma’lumotlarni tarqatganlar javobgarlikka tortilishidan ogohlantirdi. Uning so‘zlariga ko‘ra, avtomobillar qimmatlashganiga qarshi namoyish o‘tkazishga chaqirgan shaxs ushlangan va u qonun oldida javob beradi.
Prezident tashrifidan so‘ng Xorazm viloyatining Yangiariq tumanida hokim o‘zgardi. Yangibozor va Xozarast tumanlarida ham hokimlarning yangilanishi kutilmoqda.
«Biz yolg‘on, balandparvoz gapirib shu ahvolga keldik. Prezidentga yolg‘on gapirish — Vatanga xiyonat», — dedi prezident Xorazm viloyatida bo‘lib o‘tgan yig‘ilishda. U viloyat rivojlanishda orqada qolib ketganini ta’kidlab, tadbirkorlikni rivojlantirishni tezlashtirish bo‘yicha ko‘rsatmalar berdi.
O‘zbekistonda Navro‘z bayramiga bag‘ishlab o‘tkazilishi rejalashtirilgan qator tadbirlar koronavirus sababli bekor qilindi. Xalq sayli va umumxalq xayriya hashari esa tegishli profilaktik tadbirlar ko‘rilgan holda o‘tkaziladi.
«O‘zavtosanoat» rahbari Shavkat Umurzoqovning so‘zlariga ko‘ra, so‘m devalvatsiyasi, xom-ashyo narxining ko‘tarilishi va past marjaga qaramay, kompaniya avtomobillar narxlarining o‘sishini to‘xtatib turgan edi. U ishlab chiqaruvchi avtomobillar narxini pasaytirish bo‘yicha o‘z majburiyatlarini bajargani — dollarlarda aksariyat modellar 2017 va 2018 yildagiga qaraganda arzonroq ekanini ta’kidladi.
Shavkat Mirziyoyev koronavirus iqtisodiyot va boshqa sohalarga ta’sir ko‘rsatishi mumkinligini ta’kidlab o‘tdi. U aholi salomatligini mustahkamlash tizimini qayta ko‘rib chiqish bo‘yicha topshiriq berdi.
Shavkat Mirziyoyev hududlar rivoji bilan tanishish maqsadida Xorazm viloyatiga jo‘nab ketdi.
Pezident ta’lim, tibbiyot, uy-joy kommunal, transport, qurilish, kadastr va boshqa sohalarni qamrab oluvchi «Raqamli Toshkent» loyihasi bilan tanishdi. Bu yil shahar miqyosida elektron tibbiyot kartasi joriy etiladi.
Qonunchilik palatasi bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri lavozimiga ma’qulladi.
Toshkent shahar prokurorining katta yordamchisi bo‘lib ishlagan Oybek Mannonov Olmazor tumani prokurori etib tayinlandi.
O‘zbekiston hukumati xalqaro moliya va tovar bozorlaridagi vaziyatning mamlakatdagi makroiqtisodiy barqarorlikka salbiy ta’sirini kamaytarish bo‘yicha choralarni ishlab chiqmoqda. So‘m kursi hozircha barqaror deb baholanmoqda.
Brent neft narxi 35 AQSH dollari atrofida bo‘lib turibdi, rubl so‘nggi to‘rt yil ichida keskin arzonlashdi, jahon birjalari qulashni boshladi. Buning sabablari va oqibatlari — «Gazeta.uz» sharhida.
«Toshkentda juda katta resurslar bor. Hozircha ularning yarmidan ham foydalanilmayapti», — dedi Shavkat Mirziyoyev. Prezident hokimlar yerto‘la tozalashni bas qilib, tadbirkorlikni rivojlantirish bilan shug‘ullanish vaqti kelganini ta’kidladi.
Vazirlar Mahkamasi Yevroosiyo iqtisodiy ittifoqi bilan kuzatuvchi-davlat maqomida hamkorlik qilish taklifini ma’qulladi. Ushbu taklif Oliy Majlisga kiritiladi.
«O‘zagrokimyohimoya» boshqaruvi raisi bo‘lib ishlagan Olimjon Isayev Namangan shahri hokimi lavozimiga tasdiqlandi.
Samarqand viloyatining Kattaqo‘rg‘on shahriga senator Gavhar Alimova hokim vazifasini bajaruvchi etib tayinlandi.
Qo‘shimcha imkoniyatlarga ega bulish uchun saytda ro‘yxatdan o‘ting