Transport vazirligi Toshkent shahri uchun 300 dona elektrobus sotib olishni taklif qildi. 3 yil davomida xarid qilinadigan transportlarning umumiy qiymati 1 trln so‘m atrofida bo‘ladi.
O‘zbekistonda XXR raisi Si Szinpinning bo‘lajak davlat tashrifiga tayyorgarlik ko‘rilmoqda. Yil oxiriga qadar Shavkat Mirziyoyevning Janubiy Koreya prezidenti bilan onlayn sammit o‘tkazilishi ham rejalashtirilmoqda.
Toshkent kengaygani sari zavod va fabrikalarni chekka hududlarga ko‘chirish zarurati paydo bo‘ladi. Sirdaryo viloyati hokimi G‘ofurjon Mirzayevning fikricha, Sirdaryo ushbu korxonalarni qabul qilish uchun eng qulay joy. Shuningdek, u Sirdaryoni «ikkinchi Amerika» deb atash bilan nimani nazarda tutganini aytib o‘tdi.
Davlat rahbarining 2020−2025 yillarda respublikada inklyuziv ta’limni rivojlantirish, boshlang‘ich tayanch korreksion sinflarni ochish va maktab-internatlarni optimallashtirishga oid qarori qabul qilindi.
O‘zbekiston tashqi ishlar vaziri Abdulaziz Komilov Hindistonning yangi elchisi Manish Prabxatni qabul qildi.
Nodavlat ta’lim tashkilotlari maxsus sertifikatini olgan yoshlar va xotin-qizlarga o‘z biznesini tashkil etish uchun 33 million so‘mgacha mikrokreditlar ta’minotsiz ajratiladi.
O‘zbekistonda islom moliyalashtirish tamoyillari asosida «sukuk» qimmatli qog‘ozlarini chiqarish, benefitsiar mulk huquqini belgilash va sotish sohasida ingliz huquqi me’yorlarini qo‘llash rejalashtirilmoqda.
Markaziy saylov komissiyasi qaroriga binoan Shuhrat G‘aniyev senatorlar ro‘yxatidan chiqarildi. Bunga uning oldinroq bosh vazir o‘rinbosari etib tayinlangani sabab bo‘ldi.
Demokratiya va inson huquqlari instituti direktori Sayyora Xodjayeva «Gazeta.uz»ga bergan intervyusida nima uchun oiladagi zo‘ravonlik holatlari sudgacha yetib bormasligi, ayollar uchun siyosat va biznesda kvotalar nima uchun zarurligi, nega Xotin-qizlar qo‘mitasi o‘z vazifalarini yangi Mahalla vazirligiga topshirmasdan, Ayollar ishlari bo‘yicha vazirlikka aylanishi lozimligi haqida gapirib berdi.
O‘zbekiston tarixda birinchi marotaba uch yil muddat mobaynida BMTning Inson huquqlari bo‘yicha Kengashiga a’zo 47 davlatdan biri sifatida faoliyat yuritadi.
Antimonopoliya qo‘mitasi va Vazirlar Mahkamasi bosh vazir ishtirokidagi yig‘ilishda populizm haqida aytilgan gaplar noto‘g‘ri talqin etilayotganini ma’lum qildi. AOKA rahbari Asadjon Xodjayev yig‘ilishda «rahbarlarning ommaviy bayonotlar bilan chiqishga mas’uliyat bilan yondashishi zarurligi» aytib o‘tilganini ta’kidladi.
Prezident Sirdaryoda fermer xo‘jaligi dalasida bo‘lib, paxta hosilini ko‘zdan kechirdi. Davlat rahbari paxtani qayta ishlab, xomashyoni tayyor mahsulotga aylantirib, qo‘shimcha qiymat yaratish muhimligini ta’kidladi.
Prezident Shavkat Mirziyoyev Sirdaryo viloyatining Oqoltin tumanidagi «Yangi Toshkent» mahallasini borib ko‘rdi. Bu yerda 130 ta kottej ta’mirlandi.
Qobil Xamdamov Olmaliq shahriga hokim etib tayinlandi. Shaharning avvalgi hokimi Usmon Rahimov o‘g‘lining mojaroli xatti-harakatlari ortidan ishdan olindi.
Prezident Shavkat Mirziyoyev Sardoba suv omboridan zarar ko‘rgan hududlardagi bunyodkorlik ishlari bilan tanishish maqsadida Sirdaryo viloyatiga keldi. Davlat rahbari «Yangi O‘zbekiston» mahallasida bo‘lib, «Agar xalqimizga ma’qul bo‘lsa, bunday uylarni boshqa hududlarda, aholi zich shaharlarda ham quramiz», — dedi.
«Davlat fuqarolik xizmati to‘g‘risida"gi qonun loyihasiga «Sovg‘a siyosati» deb nomlangan alohida bob kiritiladi. Qolaversa, Davlat xizmatchilarining odob-ahloq kodeksi ham ishlab chiqiladi.
Bosh vazir Abdulla Aripov yig‘ilishda Monopoliyaga qarshi kurashish qo‘mitasining harakatlarini populistik deb atadi. Internet foydalanuvchilari qo‘mitani qo‘llab-quvvatlashdi va o‘zlarini ham populist deb atashdi.
«Intellektual mulk masalasini davlat siyosati darajasiga ko‘tarmas ekanmiz, O‘zbekiston bundan o‘n yildan keyin ham raqobatdosh bo‘lmaydi», — deya ma’lum qildi Shavkat Mirziyoyev. Prezident pulli ko‘ngilochar saytlardagi kino, serial, qo‘shiq, multfilmlar mualliflariga daromad to‘lash masalasini o‘rganishni topshirdi.
Navoiy va Qashqadaryo viloyatlarida shahar va tuman hokimlarining xotin-qizlar masalalari bo‘yicha maslahatchilariga xizmat mashinalari topshirildi. Prezident topshirig‘iga binoan barcha viloyatlarda hokim maslahatchilariga xizmat mashinalari ajratilishi kutilmoqda.
O‘zbekiston prezidenti Tojikiston prezidentini saylovda qozongan g‘alabasi bilan tabrikladi. Tomonlar bo‘lajak oliy darajadagi uchrashuvlar uchun yangi kun tartibini ishlab chiqish muhimligini ta’kidladi.
Qo‘shimcha imkoniyatlarga ega bulish uchun saytda ro‘yxatdan o‘ting