Siyosat
Prezident Mirzaobod tumanida amalga oshirilayotgan ishlarni ko‘zdan kechirdi
Shavkat Mirziyoyev Mirzaobod tumanida bo‘lib, favqulodda holatdan talofat ko‘rgan joylarda amalga oshirilayotgan ishlarni ko‘zdan kechirdi. Mirzaobodliklar bilan uchrashuv davomida davlat rahbari mazkur hududda 360 kvartirali 9 ta ko‘p qavatli uy barpo etilishi va 616 ta kottej ta’mirlanishi hamda 15 mingga yaqin ish o‘rni yaratilishi rejalashtirilganini ma’lum qildi.
Suv toshqinidan jabr ko‘rgan har bir xonadon egasiga 40 million so‘mlik moddiy yordam ko‘rsatiladi
Shavkat Mirziyoyev Sardoba tumanida mahalliy aholi vakillari bilan uchrashuv o‘tkazdi. Davlat rahbari suv toshqinidan zarar ko‘rgan 4,5 mingdan ziyod xonadon egalarining har biriga 40 million so‘mlik moddiy yordam ko‘rsatiladi. Shuningdek, ta’mirlanadigan va yangi quriladigan uylar davlat tomonidan bepul qurib-ta'mirlab beriladi.
Prezident Sirdaryo viloyatiga keldi
Shavkat Mirziyoyev suv toshqinidan jabr ko‘rgan hududlarda olib borilayotgan ishlarni ko‘zdan kechirish uchun Sirdaryo viloyatiga keldi. Davlat rahbari Sardoba tumanida 1480 xonadondan iborat 37 ta uy barpo etiladigan turar joylar poydevoriga tamal toshi qo‘ydi.
Barqaror rivojlanish bo‘yicha Parlament komissiyasi ilk bor yig‘ildi
2030-yilgacha barqaror rivojlantirish sohasidagi Milliy maqsadlar va vazifalarning amalga oshirilishini nazorat qilish bo‘yicha Parlament komissiyasining birinchi majlisi bo‘lib o‘tdi.
Vazirlar Mahkamasi tuzilmasiga o‘zgarishlar kiritildi
Vazirlar Mahkamasi ijro etuvchi tuzilmasida qator lavozimlar tugatildi va yangi lavozimlar kiritildi.
Qoraqalpog‘istonda Sog‘liqni saqlash vaziri tayinlandi
Atadjan Xamrayev Qoraqalpog‘iston Respublikasining Sog‘liqni saqlash vaziri etib tayinlandi. U hozirga qadar Jo‘qorg‘i kenges raisining o‘rinbosari sifatida faoliyati yuritib kelayotgan edi.
Samarqand uchta chegaradosh tuman hisobiga kengaytiriladi
Samarqandning turar joy fondi va infratuzilmalari cheklangani sababli shaharni uchta chegaradosh tuman hisobiga kengaytirish rejalashtirilmoqda. Prezident ishtirokidagi majlisda Samarqand va Qashqadaryo misolida korxonalarni qayta tiklash muhokama qilindi.
Xitoy O‘zbekistonga navbatdagi insonparvarlik yordamini jo‘natdi
Xitoy Xalq Respublikasi O‘zbekistonga jami 2,5 tonnaga yaqin 13 turdagi tibbiyot vositalaridan iborat navbatdagi insonparvarlik yordamini jo‘natdi. Ular asosan yuqumli kasalliklardan himoyalovchi tibbiyot niqoblari, ko‘zoynaklar, maxsus kiyimlar, masofadan turib tana haroratini o‘lchovchi termometr, dezinfeksiyalovchi apparat kabi eng zarur buyum va vositalardir.
Sherzod Kudbiyev — Soliq qo‘mitasi raisi, Bexzod Musayev — bosh vazir o‘rinbosari etib tayinlanishi kutilmoqda
«Milliy tiklanish» demokratik partiyasining Oliy Majlis Qonunchilik palatasidagi fraksiyasi Sherzod Kudbiyevni Davlat Soliq qo‘mitasining raisi lavozimiga ma’qulladi. DSQning sobiq rahbari Behzod Musayev esa bosh vazirning ijtimoiy rivojlantirish masalalari bo‘yicha o‘rinbosari lavozimiga nomzodi ma’qullangan.
Navoiy viloyati hokimining yangi o‘rinbosari tayinlandi
Dushanov Yashin Ravshanovich Navoiy viloyati hokimining yoshlar siyosati, ijtimoiy rivojlantirish va ma’naviy-ma'rifiy ishlar bo‘yicha o‘rinbosari lavozimiga tayinlandi.
Bosh prokuror — tizimni nopok va nomunosib xodimlardan tozalash to‘g‘risida
Bosh prokuror Nig‘matulla Yo‘ldoshev tizim nopok va nomunosib xodimlardan tozalanayogani haqida ma’lum qildi. 2019 yilda prokuratura organlaridan qariyb 400 nafar korrupsiyaga moyil va xizmat vazifalarini lozim darajada bajarmagan xodimlar ishdan bo‘shatilgan.
BMT bosh kotibi O‘zbekiston va Qozog‘iston xalqiga hamdardlik bildirdi
BMT bosh kotibi Antoniu Gutterish O‘zbekiston prezidentiga yo‘llagan maktubida suv toshqinidan jabrlangan O‘zbekiston xalqi va qo‘shni Qozog‘iston xalqiga hamdardlik bildirdi. Shuningdek, Gutterish global miqyosda o‘t ochishni to‘xtatish bo‘yicha u e’lon qilgan da’vatni O‘zbekiston prezidenti Shavkat Mirziyoyev qo‘llab-quvvatlagani uchun minnatdorchilik bildirdi.
Alisher Usmonov Qozog‘istonga ajratgan pullar xalqqa tarqatilmoqda
Alisher Usmonov jamg‘armasi tomonidan ajratilgan 5 mln dollar suv toshqini natijasida evakuatsiya qilingan Turkiston viloyati Maqtaaral tumanidagi 30 mingdan ortiq kishiga bo‘lib beriladi. Evakuatsiya qilingan 5202 ta oilaning hujjatlari to‘liq to‘plangandan so‘ng, ularga belgilangan 422 ming tenge (1000 AQSH dollari) beriladi.
Abdulaziz Kamilov SHHTning videokonferensiyasida ishtirok etadi
Tashqi ishlar vaziri Abdulaziz Kamilov Shanxay hamkorlik tashkilotiga a’zo davlatlar tashqi ishlar vazirlarining videokonferensiya shaklidagi uchrashvida ishtirok etishi ma’lum bo‘ldi. Konferensiyada COVID-19 koronavirus pandemiyasi sharoitidagi hamkorlikning holati, istiqbollari va Afg‘onistondagi siyosiy vaziyat muhokama qilinadi.
“Barcha aybdorlarga nisbatan, albatta, choralar ko‘riladi”
Senat Sardoba suv omboridagi texnogen ofat bo‘yicha hukumatga parlament so‘rovi yubormaydi. Senat raisi Tanzila Norboyeva jinoyat ishi ochilgani va ushbu masala shaxsan prezident nazoratida ekanini ta’kidladi.
“Maishiy korrupsiyadan — elitar korrupsiyaga”. Bosh prokuror — korrupsiyaga qarshi yangi organ haqida
O‘zbekistonda tashkil etiladigan Korrupsiyaga qarshi kurash agentligi mustaqil huquqni muhofaza qilish organi maqomida bo‘ladi. U parlament a’zolari, prezident adminstratsiyasi, hukumat a’zolari va boshqa mansabdor shaxslar ishini ham o‘rganadi. “Maishiy korrupsiyadan elitar korrupsiyani o‘rganish darajasiga chiqiladi”, — deya ma’lum qildi bosh prokuror.
Jamshid Qo‘chqorov YeIH va YeOII o‘rtasidagi prinsipial farqni aytib o‘tdi
“Biz hozir birovdan qochib yoki birovga qarshi bu yerga [YeOIIga] a’zo bo‘lib kirayotanimiz yo‘q”. Bosh vazir o‘rinbosari Jamshid Qo‘chqorov YeIH va YeOII bilan hamkorlik o‘rtasidagi “prinsipial farqni” aytib o‘tdi. TIV o‘rinbosari Ilhom Ne’matov YeOIIda qatnashish boshqa davlatlar bilan munosabatlarning yomonlashishiga olib kelmasligini ta’kidladi.
Senatorlar O‘zbekistonning YeOIIda kuzatuvchi sifatida ishtirok etishini ma’qulladilar
Senat ko‘pchilik ovoz bilan O‘zbekistonning YeOII bilan kuzatuvchi davlat sifatida hamkorligini ma’qulladi. 100 senatordan 91 nafari ovoz berishda ishtirok etdi. Ulardan 71 nafari qarorni ma’qulladi, 16 kishi «qarshi», 4 kishi betaraf bo‘ldi.
Abdulla Aripov va Askar Mamin Qozog‘istonda yangi mikrorayon uchun poydevor qo‘ydi
O‘zbekiston va Qozog‘iston hukumatlari rahbari Maqtaaral tumani Mirzakent posyolkasida yangi mikrorayon qurilishini boshlab berdi. Bosh vazirlar ilk turar joylar poydevorlarini qo‘yish marosimida qatnashdi.
Prezident: Urushda O‘zbekiston xalqining ishtiroki haqida yangi ma’lumotlarga ega bo‘ldik
Arxiv ma’lumotlarining ochilishi va boshqa davlatlar bilan hamkorlik O‘zbekiston xalqining Ikkinchi jahon urushidagi ishtiroki to‘g‘risidagi ma’lumotlarni aniqlashtirish imkonini berdi. Prezidentning ma’lum qilishicha, frontga qariyb 2 million o‘zbekistonlik safarbar qilingan, 538 mingdan ortiq kishi halok bo‘lgan, 158 mingdan ziyodi bedarak yo‘qolgan.
Eng ko‘p o‘qilgan xabarlar | So‘nggi yangiliklar
- Ziyorat turizmi, islom moliyasi, “Halol” sertifikatlashtirish — O‘zbekiston va Malayziya o‘rtasida qo‘shma bayonot imzolandi
- Malayziya bosh vaziri O‘zbekistonga keldi (foto)
- Senatning ellik ikkinchi yalpi majlisi 18-may kuni chaqiriladi
- Qozog‘iston prezidenti “Markaziy Osiyo davlatlarini bo‘lmoqchi bo‘lgan tashqi kuchlarga” qarshilik ko‘rsatishga chaqirdi
Qo‘shimcha imkoniyatlarga ega bulish uchun saytda ro‘yxatdan o‘ting