Energetika vazirligi chorshanba kuni soat 17:00 dan keyin gaz bosimi to‘liq tiklanib, normal holatda iste’molchilarga yetkazilishini ma’lum qildi.
Uy-joy kommunal xizmat ko‘rsatish vaziri o‘rinbosari Qurbon Tursunov chorshanba kuni soat 18:00 ga qadar respublika bo‘yicha issiq va sovuq suv ta’minoti to‘liq tiklanishini ma’lum qildi. Uning so‘zlariga ko‘ra, ayni vaqt Toshkent shahridagi 1 foiz xonadongina issiq suv bilan ta’minlanmagan.
Statistika qo‘mitasi O‘zbekistonda 2021 yilda o‘rtacha oylik ish haqi 20 foizga o‘sib, 3,2 mln so‘mga yetganini ma’lum qildi. Biroq ushbu raqamlar amaldagisidan farq qilishi mumkin. Bunga sabab qishloq xo‘jaligi va kichik biznes subyektlari bo‘yicha ko‘rsatkichlar umumiy statistikada aks etmagan.
Poytaxt hokimligi huzuridagi «Munitsipal aktivlarni boshqarish markazi» DUK xodimi 3 sherigi bilan 30 sotix yerni 420 ming dollarga sotmoqchi bo‘lib, 42 ming dollarni avans sifatida olgan vaqtida ushlangani aytilmoqda. Jizzax va Samarqandda Davlat kadastrlar palatasining tuman filiallarida rahbar va xodim, Sirdaryoda esa bir fuqaro korrupsiyada gumonlanib, qo‘lga olingan.
1992−1994 yillarda Davlat bojxona qo‘mitasining Surxondaryo viloyati boshqarmasi tomonidan Afg‘onistondan O‘zbekistonga olib o‘tilayotgan 15 tonna 447 kgdan ko‘proq giyohvandlik moddalari, shu jumladan, 1167 kg «gashish» to‘xtatib qolingani aks etgan tarixiy lavhalar e’lon qilindi. Yuklar ortilgan konteynerlar daryo orqali kemalarda olib kelingan.
O‘zbekiston musulmonlari idorasi 1-fevraldan boshlab Saudiya Arabistoniga har kuni bittadan aviareys amalga oshirilishini ma’lum qildi. 10-fevraldan esa har kuni 2 tadan, Ramazon oyi davomida esa har kuni 3 tadan avia qatnov yo‘lga qo‘yiladi.
2021 yilda O‘zbekistonga qiymati 16,9 mln dollarga teng bo‘lgan 809 ta elektromobil import qilingan. Ularning 90% Xitoydan olib kelingan. Elektromobillar importi 2020 yilga nisbatan 679 taga yoki 6,2 baravarga oshgan.
Energetika vazirligi 26 yanvardan boshlab avtomobillarga gaz quyish shoxobchalari faoliyati vaqtincha cheklanishi, yuridik iste’molchilarga tabiiy gaz yetkazib berish esa to‘xtatilishini ma’lum qildi. Elektr energiya va tabiiy gaz to‘liq hajmda IES, ijtimoiy soha obyektlari va aholiga yetkazib beriladi.
Kuchli qor yog‘ishi oqibatida Istanbul xalqaro aeroporti faoliyati to‘liq to‘xtatilgan. Shu sababli Uzbekistan Airways 26 yanvar kungi Toshkent — Istanbul — Toshkent hamda Istanbul — Farg‘ona — Istanbul yo‘nalishidagi reyslarni bekor qildi.
Parrandachilik xo‘jaliklariga o‘z xo‘jaliklarida yetishtirilib, sotilgan parranda go‘shtining har bir kilogrami uchun subsidiya miqdori oshirilmoqda.
DXX Farg‘onada o‘zbek-qirg‘iz davlat chegarasi hududida joylashgan uyda qariyb 1 mlrd so‘mlik 436 ta Redmi Note 10s telefoni yashirib qo‘yilganini aniqladi.
Ketma-ket ikki kunlik pasayishdan so‘ng kasallanishlar soni yana ortdi — seshanba kuni 1174 kishi koronavirus yuqtirib oldi. 4 nafar bemor esa vafot etdi. Qolaversa, 114 kishida pnevmoniya aniqlandi.
Energetika vazirligi respublikaning ayrim hududlarida elektr energiya ta’minoti navbatma-navbat yetkazib berilishini ma’lum qildi. Bunga 64 ta gaz konining ishi vaqtincha to‘xtatilib, IESlarda ishlab chiqarish hajmi qisqarishi sabab bo‘lgan. Qolaversa, Farg‘ona vodiysi, Surxondaryo va Toshkent viloyati hamda poytaxtning ayrim joylarida gaz pasaygan yoki umuman o‘chgan.
Noodatiy qorong‘u ko‘chalar, chiroq tutgan o‘tkinchilar, ishlamaydigan bankomatlar, kun bo‘yi postini tark etmagan yo‘l nazoratchilari — energiyasiz qolgan Toshkent “Gazeta.uz” muxbiri Shuhrat Latipov obyektivida.
Toshkentga qalin tuman tushdi. Poytaxt aholisi havoda yana chang paydo bo‘lganligini taxmin qildi. Biroq O‘zgidromet havo ifloslanishi ruxsat etilgan konsentratsiyadan oshmaganligini ma’lum qildi.
IIV butun mamlakat bo‘yicha elektr o‘chishi munosabati bilan jamoat tartibini saqlash, yo‘llarda tartibni ta’minlash va mol-mulklarni qo‘riqlashga barcha shaxsiy tarkib jalb etilganini ma’lum qildi.
Energetika vazirligi hududlarda elektr ta’minotini tiklash bilan bog‘liq vaziyat haqida ma’lumot berdi. Toshkentning ayrim tumanlarida hamon elektr energiyasi qisman yo‘q. Qashqadaryo esa butunlay elektrsiz qolgan.
Toshkent xalqaro aeroporti quyuq tuman tushishi munosabati bilan samolyotlarni qabul qilishni to‘xtatdi. Biroq Toshkentdan Tel-Aviv, Olmaota, Moskva, Sankt-Peterburg va Krasnodarga reyslar amalga oshirildi.
Markaziy Osiyo energotizimidagi yirik avariya tufayli O‘zbekiston Afg‘onistonga elektr energiyasini yetkazib berishni to‘xtatdi. Afg‘onistonning DABS kompaniyasi ilk bor Turkmaniston elektrini Kobulga ulashga muvaffaq bo‘ldi.
«Xududgazta’minot» kompaniyasi tabiiy gazdan qarzdorlik uchun avtomatik ravishda o‘chirish vaqtinchalik to‘xtatilganini ma’lum qildi.
Qo‘shimcha imkoniyatlarga ega bulish uchun saytda ro‘yxatdan o‘ting