Poytaxtda 5-mart kuni “Xavfsiz hayot uchun” aksiyasi doirasida yurish marafoni o‘tkaziladi. Shu sababli ayrim ko‘chalar avtotransport harakati uchun yopiladi.
Marhamat tumanidagi «Kelajak nuri» kutubxonasi elektrdan qarzdorligi ko‘payib ketgani uchun yopilgani aytilgandi. Hokimlik vaqtincha yopilishga yog‘ingarchilik sababli bino tomi ta’mirtalab holga kelgani, hozirda ishlar olib borilayotganini ma’lum qildi.
G‘ijduvon tumanida avtomobillarga gaz quyish kompressor shoxobchalarining 3 tasida tabiiy gaz talon-toroj qilingani aytilmoqda. Oqibatda davlat manfaatlariga 11,8 mlrd so‘m zarar yetkazilgan. Mansabdorlarga nisbatan jinoyat ishi qo‘zg‘atildi.
Turkmanistonda prezident nomidan 8 mart sovg‘asi sifatida xotin-qizlarga 60 manatdan pul beriladi. Bu davlat kursi bo‘yicha 17 dollar, «qora bozor»da esa 3 dollar degani. Bog‘cha tarbiyalanuvchilariga birinchilardan bo‘lib prezident sovg‘asini topshirish boshlangan.
Ijtimoiy tarmoq faoli Emine-Lemara Mirzaahmedova hibsga olindi. Toshkent viloyati IIBBga ko‘ra, unga nisbatan ikkita modda doirasida jinoyat ishi qo‘zg‘atilgan. Jinoyat ishiga blogerlik faoliyatining aloqasi yo‘q, unga tegishli qurilish firmasida budjet mablag‘lari talon-toroj qilingan, deyiladi xabarda.
«Hududiy elektr tarmoqlari» AJning Samarqand hududiy filiali yuristi shu yerda direktor o‘rinbosari sifatida ishlovchi ayolni to‘shakka taklif qilgani, rozi bo‘lmasa, unga qarshi jinoyat ishi ochish bilan qo‘rqitgani aytilmoqda. Viloyat hokimi o‘tkazgan yig‘ilishda yurist ishdan olindi. Ayolning murojaati o‘rganilmoqda.
Ismaloq va qo‘ziqorinli sho‘rva, qatlama xamirdan pishirilgan ko‘k somsa, ko‘k piyoz va tuxumli quyma pirog, ismaloqli turkcha oladya va boshqalar — Zira.uz bahoriy mavsumga mos ko‘katli taomlar ro‘yxatini taqdim etadi.
Mart oyidagi bayramlar munosabati bilan Toshkent — Andijon yo‘nalishida 4 ta qo‘shimcha poyezd harakati yo‘lga qo‘yiladi.
Jurnalistlar va jamoat faollari O‘zbekiston prezidentiga «yashirin, lekin kuchli senzura» yuzasidan murojaat qilishdi. Murojaat mualliflari davlat rahbaridan matbuotning tom ma’nodagi mustaqilligini ta’minlashda tarixiy yordam berishini so‘rashdi.
Toshkentning IIBB ota-onalarni o‘smirlar o‘rtasida keng tarqalayotgan «Ryodan» anime ishqibozlari harakatidan ogohlantirdi. Xabarda aytilishicha, bolalarning anime va mangaga bo‘lgan qiziqishini qoralab bo‘lmaydi. Lekin bu qiziqishi tufayli noma’lum shaxslar ta’siriga tushib qolmasligiga ishonch hosil qilish kerak.
O‘zbekiston va Qozog‘iston huquq-tartibot idoralari jamoat tartibini ta’minlash va tartibsizliklarga qarshi kurashish bo‘yicha Belarus tajribasini o‘rgandi, deya ma’lum qildi Belarus ichki ishlar vaziri Ivan Kubrakov.
Toshkentda lochin va boshqa hayvonlarning noyob turlarini genetik identifikatsiyalash uchun DNK laboratoriyasi yaratilmoqda. Bu ularning noqonuniy aylanishining oldini oladi va qo‘shimcha ravishda mamlakatdagi fauna holatini ko‘rsatadi.
O‘zbekiston va Qozog‘iston prezidentining norasmiy uchrashuvi, nogironlarni navbatsiz qabul qiladigan amaldorlar, Toshkentga yangi avtobuslar va elektrobuslar, sel va qor ko‘chishi xavfi, O‘zbekistonning yangi AQShdagi elchisi, IELTS`dan 9 ball olgan 2 o‘zbekistonlik va boshqalar — «Gazeta.uz»ning kun dayjestida.
O‘zbekiston madaniyat va turizm vaziri Ozodbek Nazarbekov tadbirkorlar mehmonxonalar inter’er va dizaynlariga milliylik va o‘zlik aks etgan detallarni kiritishlari lozim, deb hisoblaydi.
O‘zbekiston va Qozog‘iston prezidentlari Chimkentdagi norasmiy uchrashuvda ikki davlat o‘rtasida sanoat, energetika, qishloq xo‘jaligi, transport va logistika sohalarida hamkorlikni chuqurlashtirish bo‘yicha ko‘rsatmalar berdilar.
Hindiston politsiyasi O‘zbekistonda 20 nafar bolaning o‘limiga sababchi bo‘lgan «Dok-1 Maks» yo‘talga qarshi siropini ishlab chiqargan Marion Biotech farmatsevtika kompaniyasi xodimlarini hibsga oldi.
12 mart kuni V Tashkent International Marathon va O‘zbekistonning 14 ta shahrida bir vaqtda «Yangi nafas» ommaviy yugurish musobaqasi o‘tkazilishi rejalashtirilmoqda.
Toshkentga ilk bor U-20 Osiyo Kubogi uchun kelgan Tojikiston yoshlar terma jamoasi ustozi Oleg Kubaryov o‘yin oldidan o‘tkazilgan matbuot anjumanida mashg‘ulotlar maydonlari sifatsizligi, mashg‘ulotlar uchun sharoitlar esa jamoalar darajasiga mos kelmasligini ta’kidladi.
Prezidentning 27 fevral kungi qaroriga asosan, endilikda nogironlar amaldorlar qabuliga navbatsiz kiradi. Adliya vazirligi rasmiysining aytishicha, nogironlar ularni qabul qilmagan mansabdor shaxslar ustidan Vazirlar Mahkamasi, sudlar, prokuratura va adliya organlariga murojaat qilishi mumkin.
Uchqo‘rg‘on tumanida Spark avtomobili haydovchining ehtiyotsizligi oqibatida kanalga tushib ketdi. Mashina chiqarib olindi, hech kimga jarohat yetmagan.
Qo‘shimcha imkoniyatlarga ega bulish uchun saytda ro‘yxatdan o‘ting