«Eng yaxshi aktyor» nominatsiyasida «Joker» filmidagi ijrosi uchun Xoakin Feniks «Oskar» mukofotiga sazovor bo‘ldi. 10 fevral kuni 2020 yilda mukofotga loyiq topilgan nominatsiya g‘oliblari e’lon qilindi.
Tailandda harbiy xizmatchining savdo markaziga hujumi oqibatida 26 kishi halok bo‘ldi va 57 kishi jarohat oldi. Ommaviy qotil maxsus operatsiya vaqtida yo‘q qilindi.
15 fevraldan Toshkent-Omsk yo‘nalishi bo‘yicha avtobus qatnovi yo‘lga qo‘yiladi. Chipta narxi 450 ming so‘mni tashkil etadi.
Ravshan Ermatov jismoniy tarbiya va sport vazirining birinchi o‘rinbosari, Elbek Shukurov vazir o‘rinbosari etib tayinlandi.
2018 yilda «Dori-Darmon» dorixonalar tarmog‘i uch yil muddatga 150 mlrd so‘m miqdorida 2 foizli byudjetdan ssuda olgan edi. Kompaniya ssuda muddatini uzaytirishni so‘radi.
Qozog‘iston janubidagi Masanchi qishlog‘ida sodir bo‘lgan ommaviy janjal natijasida 8 kishi vafot etdi, 40 kishi jarohatlandi va 47 kishi hibsga olindi. Prezident topshirig‘i bilan hukumat komissiyasi tuzildi.
Adliya vaziri Ruslanbek Davletov davlat tomonidan himoyachi tayinlash tartibi o‘zgarishini ma’lum qildi. Uning aytishicha, amaldagi tartib samarali natija bermayapti.
Toshkentning Sergeli tumanida 117- yo‘nalishda qatnovchi Isuzu avtobusi ag‘darilib ketdi — uni ikkinchi darajali yo‘ldan chiqib kelgan Captiva turtib yubordi.
Toshkent IIBBda 16 nafar ayol rahbar lavozimlariga tayinlandi. Ular orasida tergov va huquqbuzarliklar profilaktikasi bo‘limlari boshliqlari, IIB boshliqlari o‘rinbosarlari bor.
Sog‘liqni saqlash vazirligi Xitoydan kelgan fuqarolar joylashgan muassasa sharoitlari bilan tanishtirdi. Avvalroq, ijtimoiy tarmoqda Uxandan uchib kelgan va karantinga olingan o‘zbekistonliklar qoniqarsiz sharoitda yashayotgani iddao qilingandi.
Adliya vaziri qamoqxonalarda qiynoqlarga qarshi kurashni ma’muriy boshqaruvdagi islohotlarsiz o‘tkazishga chaqirdi. Uning fikricha, har qanday tizimda boshqaruvni o‘zgartirmay islohot qilish mumkin.
Dam olish kunlari O‘zbekiston hududida ob-havo ko‘p yillik o‘rtacha ko‘rsatkichlardan 10−12 daraja yuqori bo‘ladi. Ayrim joylarda bir oz yomg‘ir yog‘ib o‘tishi mumkin.
Namanganda 22 yoshli shaxs poliklinikada bo‘lim mudirini kaltaklab, yuz va burun qismiga jarohat yetkazdi. Bu yil boshidan buyon OAVga ma’lum bo‘lgan to‘rtinchi shu kabi hodisadir.
Banklar 2019-yilda qariyb 8 trln so‘mlik ipoteka kreditlari ajratdi. Kreditlarning asosiy qismi — 83 foizdan oshig‘i — imtiyozli asosda taqdim etilgan.
Neft-gaz, elektr energiyasining barqaror ta’minotida xalqimiz, tadbirkorlarimiz talabini to‘la qanoatlantira olmayapmiz, dedi prezident. U joriy yilda tabiiy gaz va suyuq uglevodorodlar qazib olish hajmini oshirish bo‘yicha topshiriqlar berdi.
Ichki ishlar vaziri Po‘lat Bobojonov Navoiy viloyatida bir qator tuman IIB boshliqlari va xodimlarni lavozimidan chetlashtirdi.
Toshkentning Chilonzor tumanida noto‘g‘ri joydan ortga qaytib olmoqchi bo‘lgan Matiz haydovchisi o‘z o‘limiga va besh kishining jarohatlanishiga sabab bo‘ldi. Kuzatuv kamerasiga tushib qolgan avariya videosi ijtimoiy tarmoqlarda tarqaldi.
Shifokor va provizorlarning yagona ma’lumotlar bazasini ishlab chiqaruvchisini tender o‘tkazmasdan belgilash taklif etilmoqda. 2021 yil 1 yanvardan vrachlar va provizorlar Innovatsion sog‘liqni saqlash milliy palatasidan ro‘yxatdan o‘tmasdan turib ishlay olmasliklari mumkin.
Adliya vaziri Ruslanbek Davletov tergov va sudlov tizimiga o‘zgartirish kiritish bo‘yicha takliflarini bildirdi. U aybsizlik prezumpsiyasiga rioya etilmaslik holatlariga ham to‘xtaldi.
AQSH elchisi O‘zbekistonga savdo imtiyozlari, turli davlat kreditlari berilmayotganiga sharh berdi. Uning aytishicha, O‘zbekistonning «qora ro‘yxat»dan chiqib ketish yo‘llari bor.
Qo‘shimcha imkoniyatlarga ega bulish uchun saytda ro‘yxatdan o‘ting