Iste’mol savati bir kishi uchun bir oyda 2 mln 157 ming so‘mni tashkil etdi
Iste’molchilar huquqlarini himoya qilish federatsiyasi dekabr oyida o‘tkazgan o‘rganishlar natijasida iste’mol savati bir kishi uchun bir oyda 2 mln 157 ming so‘mni tashkil etmoqda. Unga ko‘ra, bir insonning oylik non iste’moli 10 donani tashkil etmoqda.
Jizzax yo‘lida COVID-19 testini noqonuniy sotayotgan shaxs qo‘lga olindi
Jizzax yo‘lida dorixonadan tashqarida noqonuniy tarzda COVID-19 testlari, pulsoksimetr, maxsus tibbiyot kislorod maskasi va boshqalarni noqonuniy sotayotgan shaxs qo‘lga tushgan. Unga nisbatan jinoiy ish qo‘zg‘atildi.
Yangiyo‘lda maktab o‘quvchisini olib ketmoqchi bo‘lgan erkak qidirilmoqda
Yangiyo‘lda maktabdan chiqqan birinchi sinf o‘quvchisini o‘zi bilan olib ketmoqchi bo‘lgan shaxsni qidirish bo‘yicha ishlar olib borilmoqda. Ushbu hodisa haqidagi ma’lumot ijtimoiy tarmoqlarda paydo bo‘ldi.
Bosh vazir o‘rinbosari — amaldorlar prezident bilan uchrashuvda nima uchun bloknotlarga qaydlar yozib borishi haqida
Prezident bilan uchsharuvlarda amaldorlar bloknotlarga qaydlar yozib borishi — “bu shakllangan siyosiy madaniyat va biz uni hurmat qilishimiz kerak”, dedi Sardor Umurzakov. Uning so‘zlariga ko‘ra, o‘ziga tegishli bo‘lgan topshiriqlarni yozib boradi, keyin esa tizimlashtiradi va ulardan o‘z chiqishida asosiy masalalarni o‘rtaga tashlashda foydalanadi.
Xorijda vafot etganlarning jasadini olib kelishda ko‘maklashuvchi jamg‘arma tashkil etiladi
Xorijda qiyin ahvolga tushgan fuqarolarni qaytarish uchun avia yoki temiryo‘l chiptalarini to‘lashda ko‘maklashuvchi jamg‘arma tashkil etilishi kutilmoqda. Bundan tashqari vafot etgan fuqarolarni O‘zbekistonga olib kelishda ham moddiy yordam ko‘rsatilishi ko‘zda tutilgan.
TIV polshalik jurnalistdan uzr so‘radi
O‘zbekiston tashqi ishlar vazirligi polshalik jurnalist Agneshka Pikulitskadan uzr so‘radi. Vazirlik shilqimlikda ayblangan xodim ishdan bo‘shatilganini ma’lum qildi. Jurnalistning akkreditatsiyasini rasmiylashtirish 3 fevral kuni yakunlanadi, deyiladi TIV bayonotida.
Jeff Bezos Amazon kompaniyasi direktorligidan ketadi
Dunyoning eng boy odamlaridan biri bo‘lgan Jeff Bezos Amazon kompaniyasi direktorlik lavozimidan ketdi. Endilikda u kompaniyaning direktorlar kengashini boshqaradi. Amazon rahbari vazifasini veb-servislar bosh direktori Endi Yassi egallaydi.
Namanganda 4 balli zilzila sodir bo‘ldi
Kechasi Namanganda 4 balli zilzila qayd etildi. Uning epitsentri Namangan viloyatining Chortoq tumanida bo‘lgan.
«Raqobatsiz natija bo‘lmaydi». Prezident partiya rahbarlari bilan uchrashdi
«Biz mamlakatning iqtisodiy-ijtimoiy hayoti bilan bog‘liq deyarli barcha masalalarni prezident hujjatlari bilan tartibga solishga majbur bo‘lyapmiz», — deya ta’kidladi prezident siyosiy partiya rahbarlari bilan uchrashuvda. Uning so‘zlariga ko‘ra, deputatlar tashabbusi bilan taklif etilgan qonunlar soni «barmoq bilan sanarli».
Aleksey Navalniy 3,5 yilga qamaldi
Sud Rossiya muxolifati yetakchisi Aleksey Navalniyga tayinlangan shartli hukmni qamoq jazosiga o‘zgartirdi — u 3,5 yilgacha ozodlikdan mahrum qilindi. Navalniy umumiy rejimdagi koloniyaga joylashtiriladi.
Toshkentda noqonuniy bunyod etilayotgan ko‘p qavatli uy qurilishi to‘xtatildi
Qurilish sohasida nazorat inspeksiyasi Yakkasaroy tumanida ko‘p qavatli uy qurilishi qonunbuzarliklar sababli to‘xtatildi. Quruvchi ishlarni inspeksiyani xabardor qilmasdan boshlagan, ob’ektda mualliflik va texnik nazorat o‘tkazmagan.
Jahon yangiliklari dayjesti
Isroil va Kosovo diplomatik aloqalarni o‘rnatgani, Xitoyda koronavirusga qarshi soxta vaksinalarning musodara qilingani, Google kompaniyasining kamsitish holatlari uchun 3,8 mln dollar to‘lashi va boshqa yangiliklar — «Gazeta.uz»ning jahon yangiliklari dayjestida.
Xonanda Jasur Umirov 5 yilga qamaldi
Sud xonanda Jasur Umirovni litsey o‘quvchisini zo‘rlashda aybdor deb topdi va 5 yilga ozodlikdan mahrum qildi. Ushbu ishda ishtirok etgan yana ikki kishi jinoyatni yashirgani va yolg‘on guvohlik bergani uchun 1,5 yilga ozodlikdan mahrum etildi.
Jazoni ijro etish bosh boshqarmasiga yangi rahbar tayinlandi
Navoiy viloyati IIB boshlig‘i lavozimida faoliyat yuritib kelgan polkovnik Tursunov Rustam Raxmonovich IIV Jazoni ijro etish bosh boshqarmasi boshlig‘i lavozimiga tayinlandi.
Dilshod Kenjayev prezident maslahatchisining o‘rinbosari etib tayinlandi
2018 yildan beri Xalq ta’limi vaziri o‘rinbosari lavozimida ishlagan Dilshod Kenjayev prezident maslahatchisining o‘rinbosari bo‘ldi.
Toshkentda pensiya pullarini «yeb ketgan» «Xalq banki» kassiriga jinoyat ishi qo‘zg‘atildi
Mirzo Ulug‘bek tumani «Xalq banki» filiali sayyor kassa hisobchisi 170 mln so‘m miqdoridagi pensiya va nafaqalarni talon-taroj qilganligi aniqlandi. Bank hodimi ushbu pullarni o‘tgan yilning sentyabr oyidan buyon tarqatmasdan, o‘zlashtirgani ma’lum bo‘ldi.
Toshkent viloyati hokimiga yangi o‘rinbosar tayinlandi
Yoshlar ishlari agentligi Toshkent viloyati boshqarmasi boshlig‘i lavozimida ishlab kelgan Zuhra Mirg‘oziyeva Toshkent viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlandi.
Oyligidan olib qolinayotgan o‘qituvchilar shikoyat qilishi uchun ishonch raqamlari ma’lum qilindi
Xalq ta’limi tizimidagi turli nohaqliklar, yuzaga kelgan muammoli vaziyatlarda murojaat qilish mumkin bo‘lgan ishonch raqamlari e’lon qilindi. Bundan tashqari, o‘qituvchilarning yozma ravishda shikoyatlarini yo‘llash imkoniyati mavjud bo‘lgan web-platforma yo‘lga qo‘yildi.
Mahalla qo‘mitalari uchun 1,7 trln so‘mga 3000 ga yaqin bino quriladi
O‘zbekistonda 2021−2022 yillarda mahalla qo‘mitalari uchun 2951 ta bino qurilishi rejalashtirilgan. Buning uchun jami 1,7 trln so‘mdan (161,6 mln dollar) mablag‘ ajratiladi.
«Rustam kimligini hech kim bilmaydi». Polshalik jurnalist TIV bilan uchrashuv haqida
O‘zbekiston TIV xodimi tomonidan unga shilqimlik qilinganini aytgan polshalik jurnalist Agneshka Pikulitska vazirlik bilan uchrashganligini ma’lum qildi. Uning so‘zlariga ko‘ra, TIV holat bo‘yicha tekshiruv o‘tkazolmaydi, chunki Rustam kimligini hech kim bilmaydi. Jurnalist uni TIVda bir necha marotaba ko‘rganligini aytmoqda. Senat raisi Tanzila Narbayeva holatga munosabat bildirib, hodisa puxta o‘rganilib, aybdorlar jazolanishini ta’kidladi. «Ammo bu respublikada amalga oshirilayotgan islohotlarga soya solmasligi lozim», — dedi Narbayeva.
Qo‘shimcha imkoniyatlarga ega bulish uchun saytda ro‘yxatdan o‘ting