Mahalla qo‘mitalari uchun 1,7 trln so‘mga 3000 ga yaqin bino quriladi
O‘zbekistonda 2021−2022 yillarda mahalla qo‘mitalari uchun 2951 ta bino qurilishi rejalashtirilgan. Buning uchun jami 1,7 trln so‘mdan (161,6 mln dollar) mablag‘ ajratiladi.
«Rustam kimligini hech kim bilmaydi». Polshalik jurnalist TIV bilan uchrashuv haqida
O‘zbekiston TIV xodimi tomonidan unga shilqimlik qilinganini aytgan polshalik jurnalist Agneshka Pikulitska vazirlik bilan uchrashganligini ma’lum qildi. Uning so‘zlariga ko‘ra, TIV holat bo‘yicha tekshiruv o‘tkazolmaydi, chunki Rustam kimligini hech kim bilmaydi. Jurnalist uni TIVda bir necha marotaba ko‘rganligini aytmoqda. Senat raisi Tanzila Narbayeva holatga munosabat bildirib, hodisa puxta o‘rganilib, aybdorlar jazolanishini ta’kidladi. «Ammo bu respublikada amalga oshirilayotgan islohotlarga soya solmasligi lozim», — dedi Narbayeva.
Navoiyda geoturizm doirasida sayyohlarga oltin qazib olish ko‘rsatiladi
Kelgusida Amantoytov va Dovgiztov konlarini sayyohlar tashrif buyuradigan turistik maskanga aylantirish rejalashtirilgan. Konlarda xorijiy va mahalliy sayyohlarga oltin qazib olish jarayoni ko‘rsatiladi.
Tojikistondan O‘zbekistonga elektr energiyasi yetkazib berilishi to‘xtatildi
Tojikiston O‘zbekistonga elektr energiyasi yetkazib berishni to‘xtatdi. Ushbu qaror mamlakatning barcha daryolarida suv oqimi kamayishi natijasida cheklovlar joriy etilgani sababli qabul qilindi.
OTMga kirishda maktab bitiruvchilarining baholarini hisobga olish tartibi belgilanmoqda
2023−2024 o‘quv yilidan boshlab OTMga kirish imtihonlarida maktab bitiruvchilarining so‘nggi 6 yillik baholari o‘rtacha ko‘rsatkichini inobatga olish rejalashtirilmoqda. O‘rtacha ko‘rsatkich test sinovlari tugagach, tanlovdan oldin qo‘shilishi taklif etilgan. Qabul testlarida maksimal ballning 30 foizidan kam ball to‘plagan abituriyentlar kvota bo‘yicha tanlovda ishtirok etmasligi belgilanmoqda.
Senat Konstitutsiya va boshqa qonunlarga o‘zgartirishlar kiritish masalasini ko‘rib chiqadi
Oliy Majlis Senati 5 fevral kuni bo‘lib o‘tadigan 12-yalpi majlisda bir qator qonunlar, shuningdek, Konstitutsiyaga o‘zgartirishlar kiritish masalasini ko‘rib chiqadi.
«Britancha» koronavirus: qisqa savollarga batafsil javoblar
O‘zbekistonda ham aniqlangan koronavirusning «britancha» shtammi haqiqatan ham yuquvchanmi, uning eski shtammlardan qanday farqi bor, avval koronavirusga chalinganlarga ham yuqishi mumkinmi, vaksinalar ularga ta’sir ko‘rsata oladimi va boshqa savollarga batafsil javoblar.
Farg‘onada «Tico» yo‘l chetida ketayotgan fuqaroni urib yubordi. Piyoda vafot etdi
Farg‘ona viloyatida «Tico» haydovchisi yo‘lning chetida harakatlanayotgan piyodani urib yuborgan. Fuqaro tan jarohatidan vafot etdi. Holat yuzasidan jinoyat ishi qo‘zg‘atildi.
Toshkentning «Eski shahar» hududida Milliy savdo shaharchasi barpo etiladi
10 ta yirik tijorat banki tomonidan umumiy qiymati 1,5 mlrd dollar bo‘lgan loyihalar taqdim etildi. Asaka banki ishtirokida Toshkent shahrining «Eski shahar» hududida savdo shaharchasi barpo etilishi, O‘zsanoatqurilishbank tomonidan esa «Urgut» da umumiy qiymati 100 mln dollardan ortiq loyihani amalga oshirilishi rejalashtirilmoqda.
TIV xalqaro jurnalistga akkreditatsiya bermadi. Jurnalist TIV xodimi unga tegajog‘lik qilganini aytmoqda
Guardian, Al Jazeera, The Diplomat xalqaro nashrlari uchun yozadigan mustaqil jurnalist Agneshka Pikulitska-Vilchevska O‘zbekiston Tashqi ishlar vazirligi unga akkreditatsiya bermaganligini ma’lum qildi. Akkreditatsiya bo‘yicha javob qonun bo‘yicha 2 oyda emas, 6 oyda berilgan. Jurnalist TIV xodimi unga tegajog‘lik qilganini, ijobiy maqolalar yozishini so‘raganligini aytmoqda.
Jahon yangiliklari dayjesti
Qirg‘izistonda Mudofaa vazirligining qayta tuzilayotgani, Italiyada koronavirusga qarshi vaksinatsiyaning tahdid ostida qolgani, Janubiy Koreyada karantin cheklovlarining 14 fevralga qadar uzaytirilgani va boshqa yangiliklar — “Gazeta.uz"ning jahon yangiliklari dayjestida.
Sobiq vazir Qarshi davlat universitetiga rektor etib tayinlandi
Jismoniy tarbiya va sport vaziri lavozimida ishlagan Dilmurod Nabiyev Qarshi davlat universiteti rektori etib tayinlandi.
O‘n nafar O‘zbekiston fuqarosi Rossiyadan ekstraditsiya qilindi
Rossiya Federatsiyasi Bosh prokuraturasi mulkka qarshi jinoyatlar va giyohvand moddalar savdosida ayblanayotgan o‘n nafar O‘zbekiston fuqarosini jinoiy javobgarlikka tortish uchun O‘zbekiston Respublikasining vakolatli organlariga topshirdi.
Farg‘onada yoqilg‘i ishlab chiqarish zavodi ishchilari ishsiz qolishdan xavotirda
Farg‘ona viloyatidagi Oltiariq yoqilg‘i ishlab chiqarish zavodi ishchilari deyarli 11 oydan beri korxonaga xom ashyo yetkazilmaganligini, ish to‘xtab qolib, mart oyidan ishchilar soni qisqartirilishi mumkinligini aytmoqda. Farg‘ona neftni qayta ishlash zavodi rahbariyati «Daryo» nashriga zavod yopilmasligini, ish o‘rinlari qisqartirilishi, lekin xodimlar ishdan bo‘shatilmasligini ma’lum qilgan.
Qozog‘istonlik haydovchilar guvohnoma va «texpasportlar» olib yurmaslik huquqiga ega bo‘ldi
Qozog‘istonda haydovchilar o‘zi bilan haydovchilik va transport vositalarini qayd qilish guvohnomasini olib yurmaslikka ruxsat berildi. Politsiya xodimlari haydovchilar ma’lumotlarini planshetlar orqali tekshirishadi.
Qobul Do‘sov mast holda mashina haydab, YPX xodimlari bilan tortishdi
Sobiq deputat Qobul Do‘sov mast holda mashina boshqarib, YPX xodimlari bilan tortishdi. Toshkent IIBB holat yuzasidan ma’lumot berdi.
Fanlardan o‘z vaqtida baho olmagan talabalar uchinchi semestr uchun qo‘shimcha mablag‘ to‘laydi
Oliy ta’lim vazirligi o‘qish davomida fanlardan o‘z vaqtida baho olmagan talabalar uchun uchinchi semestr tashkil etilishini ma’lum qildi. Yozda bo‘lib o‘tadigan ushbu semestrda qatnashadigan talabalar qo‘shimcha mablag‘ to‘lashlari kerak bo‘ladi.
Toshkentda «Nexia» piyodani urib yubordi. Piyoda vafot etdi
Toshkent shahrida «Nexia» avtomobili yo‘lni belgilanmagan joyida kesib o‘tayotgan piyodani urib yubordi. YTH natijasida 38 yoshli piyoda tibbiyot muassasasiga yetib bormay vafot etdi.
Chilonzor savdo kompleksida 25 ming dollarga auksion orqali do‘kon olib bermoqchi bo‘lgan shaxslar ushlandi
Auksion orqali bozor muhandisi va uning sherigi 25 ming AQSH dollariga Chilonzor savdo kompleksida qurilishi rejalashtirilayotgan do‘konni olib bermoqchi bo‘lgani aniqlandi. Fuqarolar ashyoviy dalillar bilan ushlanib, holat yuzasidan jinoyat ishi qo‘zg‘atildi.
Yanvar oyida inflyatsiya 1% ni tashkil etdi
Yanvar oyida inflyatsiya 1% ni tashkil etdi. Oziq-ovqat mahsulotlari 1,2 foizga, nooziq-ovqat mahsulotlari 0,5 foizga, xizmatlar 1,4 foizga qimmatlashdi. Inflyatsiyaning asosiy omillaridan biri mevalar va sabzavotlar narxlarining mavsumiy o‘sishi bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting