Jizzax viloyati Do‘stlik tumanidan o‘tuvchi M-39 magistral yo‘li bo‘yida koronavirusni aniqlovchi test hamda boshqa tibbiyot buyumlarini hujjatlarsiz sotayotgan vaqtida ushlangan. Bu haqda Bosh prokuratura «Gazeta.uz»ga xabar berdi.
Departamentning Do‘stlik tuman bo‘limi va Jizzax viloyati bojxona boshqarmasi hamkorligida o‘tkazilgan tadbirda tibbiy buyumlarni dorixona va ularning filiallaridan tashqarisida muomalaga kiritib, hech qanday hujjatlarsiz sotilayotgani aniqlangan. U tadbirkor sifatida davlat ro‘yxatidan o‘tmagan.
«Fuqaro D.R. umumiy qiymati 171,9 mln so‘mlik, 3 ming komplekt COVID-19`ni aniqlovchi testlar, pulsoksimetr, maxsus tibbiyot kislorod maskasi va boshqa buyumlarni tuman hududidan o‘tuvchi M-39 magistral yo‘li bo‘yida sotayotgan vaqtida ushlangan», deyiladi xabarda.
Unga nisbatan JKning 186−3-moddasi 3-qismi bilan jinoyat ishi qo‘zg‘atildi va tergov olib borilmoqda.
