Qoraqalpog‘istondagi YTHda 28 yoshli yigit vafot etdi
Amudaryo tumanida Damas va Lacetti o‘rtasida bo‘lgan yo‘l transport hodisasi oqibatida Lacetti boshqaruvidagi 28 yoshli yigit vafot yetdi. Damas haydovchisi va yo‘lovchisi esa og‘ir tan jarohati olib, shifoxonaga yotqizildi.
O‘zbekiston Turkiya bilan mahkumlarni topshirish bo‘yicha kelishuvni tasdiqladi
Shavkat Mirziyoyev O‘zbekiston va Turkiya o‘rtasida mahkumlarni topshirish bo‘yicha hukumatlararo bitimni ratifikatsiya qilish to‘g‘risidagi qonunni imzoladi.
Afg‘oniston Mozori Sharifda vayron bo‘lgan Navoiy yodgorligini tiklash choralarini ko‘radi — O‘zbekiston TIV
O‘zbekiston TIV Afg‘onistonda Alisher Navoiy yodgorliklari vayron qilinganiga munosabat bildirdi. Afg‘oniston tomoni bilan bog‘langan vazirlik bu vandalizm «noma’lum shaxslarning o‘zboshimchalik va o‘ylamasdan qilgan harakati» ekanini bildirib, yodgorliklarni tiklash choralari ko‘rilishini ma’lum qildi.
2022 yilda O‘zbekistonda 5,1 mln kishi xorijga sayohat qildi
O‘zbekistonlik sayyohlar soni yil davomida ikki baravarga ko‘payib, 5,16 mln kishiga yetdi. Sayohatlar uchun eng mashhur yo‘nalishlar Qirg‘iziston, Qozog‘iston va Tojikiston davlatlari bo‘ldi.
Qozog‘iston prezidenti O‘zbekiston bilan mahkumlarni alishish bo‘yicha kelishuvni ma’qulladi
Qasim-Jomart Toqayev O‘zbekiston bilan mahkumlarni alishish bitimini ratifikatsiya qilish to‘g‘risidagi qarorni imzoladi. Hozirda Qozog‘istonda 486 nafar o‘zbekistonlik qamoqda saqlanayotgani aytildi. O‘zbekistonda esa 20 nafar qozog‘istonlik mahkum bor.
«Avtomobilga navbatlar yo‘q bo‘ladi, faqat ozgina sabr qiling» — «O‘zavtosanoat» rahbari
«O‘zavtosanoat» raisi Shavkat Umurzoqov avtomobilni navbatsiz olish uchun «shapka»ni qonuniylashtirishga qarshi ekanini ma’lum qildi. Uning fikricha, navbatlar muammosini faqat ishlab chiqarishni ko‘paytirish bilan yengish mumkin. Kompaniya 2023 yilda yarim million avtomobil ishlab chiqarishni rejalashtirmoqda.
Namangandagi sexda sodir bo‘lgan portlash oqibatida 2 kishi halok bo‘ldi
Namangan tumanidagi cho‘yan quyish sexida sodir bo‘lgan portlash oqibatida 2 kishi halok bo‘ldi. Yana bir ishchi tan jarohati oldi. Holat bo‘yicha jinoyat ishi qo‘zg‘atildi.
Markaziy Osiyo davlatlari vazirlari qishloq xo‘jaligi samaradorligini oshirishni muhokama qildi
Markaziy Osiyo mamlakatlari qishloq xo‘jaligi vazirlari soha samaradorligini oshirish, uni modernizatsiya qilish masalalarini muhokama qildi. Buning uchun ham ichki, ham tashqi manbalardan yirik moliyaviy investitsiyalar talab etilishi aytildi.
Andijon va Navoiyda aholi hamda tadbirkorlar quyosh panellari o‘rnatishga majburlanayotgani aytilmoqda
Andijon va Navoiy viloyatlarida aholi quyosh panellari o‘rnatishga majburlanayotgani haqida xabarlar tarqaldi. Hokimliklar jarayon «faqat tavsiya sifatida» va «hech bir majburlovlarsiz» kechayotganini bildirdi. Iqtisodchi Otabek Bakirovga ko‘ra, «ratsional harakat ongli va ongsiz ravishda obro‘sizlantirilmoqda».
O‘zbekistonda mahkumlarning jazoni o‘tash davridagi mehnati pensiya tayinlashda hisobga olinadi
Prezident imzolangan qonun bilan endi ozodlikdan mahrum etishga hukm qilingan shaxslarning jazoni ijro etish muassasalarida bajaradigan har qanday ishi, agar ushbu ish bajarilgan davr uchun jazoni ijro etish muassasasi tomonidan ijtimoiy soliq to‘langan bo‘lsa, pensiya tayinlashda ish stajiga qo‘shib hisoblanadi.
Xorazmning ikki tumaniga hokimlar tayinlandi
Zafar Abdrimov Hazorasp tumaniga hokim etib tasdiqlandi. Shuningdek, avval Urganch tumani prokurori bo‘lgan Ruslan Jumaniyazov Yangibozor tumaniga hokim bo‘ldi.
Banklarda dollarning sotish kursi yana ko‘tarilib, 11 425 so‘mga yetdi
Tijorat banklari 16 fevral kuni aholidan 1 AQSh dollarini 11 310 — 11 375 so‘mdan sotib olmoqda, sotish kursi esa aksariyat banklarda 11 425 so‘m.
Farg‘ona vodiysida gaz «zapravka»lari bosqichma-bosqich ochilishi mumkin
Energetika vazirligi mahalliy hokimliklar bilan kelishilgan holda hafta oxirigacha vodiy viloyatlaridagi AGTKSHlar faoliyatini bosqichma-bosqich tiklash choralari ko‘rilayotganini ma’lum qildi.
Qamchiq dovonida qor ko‘chdi, avvalroq transport harakati to‘xtatilgandi
«Toshkent-O‘sh» yo‘lining Qamchiq dovonidan o‘tuvchi qismida qor ko‘chkilari sodir bo‘ldi. Hozirda yo‘llar tozalanmoqda, yo‘lovchilar uchun isitish punktlari tashkil etildi. Farg‘ona vodiysiga qo‘shimcha poyezd qatnovi yo‘lga qo‘yildi.
Jahon yangiliklari dayjesti
Turkiya prezidentining jahon hamjamiyatiga minnatdorchilik bildirgani, AQShda hindularning hukumatni sudga bergani, Isroil va Turkiya o‘rtasida to‘g‘ridan-to‘g‘ri aviaqatnovlarning yo‘lga qo‘yilayotgani, Madridda taksi haydovchilari yo‘lni to‘sib qo‘ygani va boshqalar — «Gazeta.uz»ning jahon yangiliklari dayjestida.
Toshkentda ko‘p qavatli uy ustida «uy» qurilgani aniqlandi
Qurilish vazirligi Toshkentdagi yangi ko‘p qavatli turar joy binolaridan birining tomida uy ko‘rinishidagi noqonuniy qurilish aniqladi. Uning egasiga jarima solinib, 15 kun ichida uni buzish topshirildi.
15 fevral kuni O‘zbekistonda sodir bo‘lgan eng muhim xabarlar dayjesti
«Svet», gazni noqonuniy ishlatish o‘g‘rilik jinoyati sifatida belgilanishi, 4 yigit zo‘rlangani aytilgan ayol, Onix mashinasi taqdimoti, vaqtincha yopilgan «Sirdaryo» va «S.Najimov» chegara bojxona postlari, yangi tayinlovlar, xotinini o‘ldirib, 19 yilga qamalgan erkak va boshqalar — «Gazeta.uz»ning kun dayjestida.
Toshkentda orqaga yurayotgan Captiva ikki yoshli bolani bosib ketdi
Toshkentda ko‘p qavatli uylar hovlisida orqaga harakatlanayotgan Captiva ikki yoshli bolani bosib ketdi. Bola olgan tan jarohatlari tufayli olamdan o‘tdi.
O‘zbekistonning gaz va energiya kompaniyalari parlament oldida hisobdor bo‘lishi kerak — deputat
O‘zbekistondagi konlarga xorijiy kompaniyalarni jalb qilish ishlariga parlamentning ham mas’ul bo‘lishi — har qanday ehtimoliy ta’sirlarning oldini oladi, deb hisoblaydi Qonunchilik palatasi deputati Bobur Bekmurodov. «Gaz va energiya kompaniyalari parlament oldida hisobdor bo‘lishi kerak», — dedi u.
Xitoyning CEEC kompaniyasi O‘zbekistonning uchta hududida umumiy quvvati 2 GVt bo‘lgan quyosh FESlarini quradi
Xitoyning China Energy Engineering Corporation kompaniyasi Qashqadaryo, Buxoro va Samarqand viloyatlarida umumiy quvvati 2 GVt bo‘lgan quyosh fotoelektr stansiyalarini quradi. Ularning birinchisi shu yil oxirigacha ishga tushirilishi kutilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting