Saylov-2023
Muddatidan ilgari O‘zbekiston prezidenti saylovi boshlandi
O‘zbekistonda muddatidan ilgari prezidentlik saylovi boshlandi.
So‘rovnoma: Odamlar bo‘lajak prezidentdan nimalar kutyapti?
Prezidentlikka nomzodlarni taniysizmi? Nomzodlarning saylovoldi dasturi bilan tanishib chiqdingizmi? Bo‘lajak prezidentdan nimalar kutayapsiz? “Gazeta.uz” shu va boshqa savollar bilan Toshkent aholisiga mikrofon tutdi. Video.
Shavkat Mirziyoyev Toshkent shahrini obodonlashtirish bo‘yicha 7 yillik rejani taqdim etdi
Shavkat Mirziyoyev Toshkentda bo‘lib o‘tgan saylovoldi yig‘ilishida 2030-yilga borib poytaxtdagi yashil hududlar maydoni 5 barobarga ko‘payishini ta’kidladi. 100 kilometr uzunlikdagi veloyo‘laklar, saylgohlar, bog‘ va xiyobonlar qurish ham rejalashtirilgan.
“Poytaxtda dizel yoqilg‘isida harakatlanadigan birorta avtobus qolmaydi” — Shavkat Mirziyoyev
O‘zLiDePdan prezidentlikka nomzod Shavkat Mirziyoyev poytaxtga 1200 ta elektrobus olib kelinishi va ularning jamoat transportidagi ulushi 50 foizga yetkazilishini aytdi. “Dizel yoqilg‘isida harakatlanadigan birorta avtobus qolmaydi”, — dedi nomzod.
Prezidentlikka nomzodlar vakillarining ikkinchi teledebati 2-iyul kuni o‘tkaziladi
2-iyul kuni soat 18:00 da prezidentlikka nomzodlar vakillarining ikkinchi teledebati bo‘lib o‘tadi. U davlat boshqaruvi tizimi va sud-huquq sohasini rivojlantirishga bag‘ishlanadi.
YeXHT DIIHB O‘zbekistondagi saylovoldi kampaniyasi “sust” o‘tayotganini qayd etdi
O‘zbekistonda saylovoldi kampaniyasi nisbatan sust o‘tmoqda, deyiladi YeXHT DIIHB missiyasi oraliq hisobotida. Unda aytilishicha, rasmiylar YeXHTning ilgari bergan ayrim tavsiyalarini inobatga olgan, qolganlarini esa saylovdan keyin ko‘rib chiqishni rejalashtirgan.
XDP pensionerlarning hayot darajasini yaxshilashni taklif etmoqda
27-iyun sanasida XDPdan prezidentlikka nomzod Ulug‘bek Inoyatovning Navoiy viloyatida saylovoldi uchrashuvi bo‘lib o‘tdi.
“Ular — haqiqiy qahramon”. Shavkat Mirziyoyev — xorijdagi migrantlar haqida
O‘zLiDePdan prezidentlikka nomzod Shavkat Mirziyoyev Qashqadaryodagi saylovchilar bilan uchrashuvda xorijda mehnat qilayotgan o‘zbekistonliklarni “qahramon” deb atadi. Saylovoldi dasturidan og‘ir ahvoldagi migrantlarning xarajati qoplab berilishi, huquqiy va Call-markazlar tashkil etilishi va boshqalar o‘rin olgan.
Prezident saylovida muddatidan oldin ovoz berish 28-iyundan boshlanadi
O‘zbekiston prezidenti saylovida muddatidan oldin ovoz berish 28-iyundan boshlanib 5-iyulda yakunlanadi. Muddatidan oldin ovoz berish vaqti ish kunlari soat 9:00 dan soat 18:00 ga qadar, dam olish va bayram kunlari soat 11:00 dan soat 17:00 ga qadar davom etadi.
“Yangi O‘zbekistonni birgalikda quramiz”. Shavkat Mirziyoyevning saylovoldi dasturi
O‘zLiDeP partiyasidan prezidentlikka nomzod Shavkat Mirziyoyevning saylovoldi dasturida ta’lim va sog‘liqni saqlash sohasidagi islohotlar davom ettirilishi, sud mustaqilligini oshirish va milliy manfaatlaridan kelib chiqqan holda tashqi siyosat olib borish qayd etilgan.
Ekopartiya nomzodi 2009-yildan keyin tug‘ilganlarga sigaret sotishni taqiqlashni taklif qildi
Ekologik partiyadan prezidentlikka nomzod Abdushukur Xamzayev 2030-yildan boshlab 2009-yildan keyin tug‘ilganlarga yoshidan qat’i nazar sigaret sotishni taqiqlashni taklif qildi. Shuningdek, u 2030-yildan ichki yonuv dvigatelli avtomobillarni sotish va import qilishni taqiqlash tarafdoriligini ta’kidladi.
Saylov uchustkalari brayl trafaretlari bilan ta’minlanadi — MSK
Markaziy saylov komissiyasi O‘zbekiston prezidenti sayloviga doir saylov byulletenini to‘ldirish uchun Brayl alifbosi asosida tayyorlanadigan trafaret namunasi tasdiqlandi hamda ushbu trafaretlar bilan har bir saylov uchastkasini ta’minlash choralari belgilandi.
Shavkat Mirziyoyev Xorazmda saylovoldi kampaniyasini davom ettirmoqda
Saylovoldi tashviqotini Nukusdan boshlagan O‘zLiDePdan prezidentlikka nomzod Shavkat Mirziyoyev Urganchga keldi.
Aholidan mol-mulk va yer solig‘i bo‘yicha penya kechib yuboriladi — Shavkat Mirziyoyev
Shavkat Mirziyoyev Nukusda bo‘lib o‘tgan saylovoldi uchrashuvida O‘zbekiston aholisining 500 mlrd so‘m mol-mulk solig‘i va yer solig‘i bo‘yicha penyadan kechib yuborilishini aytib, “Ochiq budjet” loyihasiga ajratiladigan mablag‘ni oshirishga va’da berdi. Loyihalar g‘alaba qozonishi uchun 1500 ta ovoz olishi kerak.
“Olis ovullardagi bolalar uchun avtobuslar qatnovini Qoraqalpog‘istondan boshlaymiz” — Shavkat Mirziyoyev
Boshlang‘ich sinf o‘quvchilariga bepul ovqat berish Qoraqalpog‘istondan boshlangan edi. Olis ovullardagi bolalar uchun maktab avtobuslari qatnovini yo‘lga qo‘yish ham shu zamindan boshlanadi, deya ma’lum qildi Shavkat Mirziyoyev. Shuningdek, u respublika maktablarida to‘lib-toshgan sinflar bo‘lmasligiga va’da berdi.
Shavkat Mirziyoyev: “O‘zbekiston va Qoraqalpog‘istonning munosib farzandi bo‘lishga harakat qilaman”
Shavkat Mirziyoyev prezidentlikka nomzod sifatida saylovchilar bilan ilk uchrashuvini Nukusda o‘tkazdi. U har kunini xalqqa xizmat qilishga bag‘ishlashga va’da berdi. Nafaqat O‘zbekiston, balki Qoraqalpog‘istonning farzandi ekanini yana bir bor ta’kidladi. “Shunga munosib bo‘lish uchun harakat qilaman”, — dedi u.
“Yashil taraqqiyot uchun!” Abdushukur Xamzayevning saylovoldi dasturi
Ekologik partiyasidan prezidentlikka nomzod Abdushukur Xamzayev saylovoldi dasturida 2030-yildan boshlab, 2009-yildan keyin tug‘ilganlarga sigaret sotishni ta’qiqlash, chiqindilardan energiya manbai sifatida foydalanish, 100 yoshdan oshgan daraxtlarga tabiiy yodgorlik maqomini berish kabi masalalar o‘rin olgan.
“Adolat — har bir inson uchun!” Robaxon Mahmudovaning saylovoldi dasturi
“Adolat” partiyasidan prezidentlikka nomzod Robaxon Mahmudova sud qarorlarini ijro qilish vakolatini prokuratura va ichki ishlar organlaridan adliya idoralariga berish, yagona Tergov qo‘mitasini tuzish, bolalarga bepul stamotologiya xizmati ko‘rsatilish kabi masalalarni o‘z saylovoldi dasturiga kiritdi.
“Ijtimoiy davlat sari”. Ulug‘bek Inoyatovning saylovoldi dasturi
XDPdan prezidentlikka nomzod Ulug‘bek Inoyatov eng kam iste’mol xarajatlarini qonun darajasida belgilash, kommunal xizmatlar tariflari ustidan jamoatchilik nazoratini kuchaytirish, tibbiy xizmatlarni raqamlashtirish, “maktab solig‘i”ni joriy etish kabi masalalarini o‘z saylovoldi dasturida ilgari surdi.
DIIHB O‘zbekistonda prezident saylovini kuzatish missiyasini ochdi
Yevropada xavfsizlik va hamkorlik tashkilotining Demokratik institutlar va inson huquqlari bo‘yicha byurosi O‘zbekistonda bo‘lib o‘tadigan prezident saylovini kuzatish uchun missiyasini ochdi. Ekspertlar saylovning xalqaro standartlar va milliy qonunchilikka muvofiqligini baholaydi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting