Iqtisodiyot
Soliq kodeksiga o‘zgartirishlar kiritildi
Soliq kodeksiga kiritilgan o‘zgartishlar bilan tamaki va alkogolli mahsulotlar uchun yangi stavkalar belgilandi, yuridik shaxslarning mol-mulkiga solinadigan soliq 2 foizdan 1,5 foizga tushirildi. Talabalarga ijaraga berilgan uy-joylardan olingan daromadlar endilikda soliqqa tortilmaydi. Foydali qazilmalarni qazib olish uchun maxsus renta solig‘i joriy etildi.
«Tengsizliklar pandemiyasi». Jahon banki 2021 yil yakuniga bag‘ishlangan sharhlarni e’lon qildi
Jahon banki 2021 yil bo‘yicha bergan sharhida, pandemiya fonida kechayotgan global miqyosdagi notekis iqtisodiy tiklanish, vaksinalardan foydalanish imkoniyatining tengsizligi, daromad yo‘qotilishidagi farqlar va ta’limdagi tafovutlarni qayd etib, o‘tgan yilni «tengsizliklar pandemiyasi» deb atadi. Bank ma’lumotlariga ko‘ra, pandemiya sabab dunyo miqyosida o‘ta qashshoqlikda kun kechirayotgan aholi soni qariyb 100 millionga yetgan.
Afg‘oniston bilan elektr uzatish liniyalari qurilishini davom ettirish bo‘yicha muzokaralar qayta boshlandi
Toshkentda afg‘on energetika kompaniyasi va mamlakat muvaqqat hukumati vakillaridan iborat delegatsiya bilan Afg‘onistonda «Surxon — Puli-Xumri» elektr uzatish liniyasi qurilishini davom ettirish bo‘yicha muzokaralar bo‘lib o‘tdi.
Tashkent Central Park loyihasi uchun individual imtiyozlar 2022 yil oxirigacha uzaytirildi
Hukumat mehmonxona va ikkita biznes markazni o‘z ichiga olgan Tashkent Central Park (Trilliant) majmuasining investor va pudratchilari uchun individual imtiyozlar muddatini yana bir yilga uzaytirdi. Ular 2022 yil oxirigacha barcha turdagi soliqlar, majburiy to‘lovlar va bojxona bojlaridan ozod qilindi. Avvalroq Antimonopoliya qo‘mitasi bunga qarshi chiqqandi.
Barcha kreditlarning qariyb yarmini Toshkent oldi
1 dekabr holatiga ko‘ra, banklarning kredit portfeli 320,8 trln so‘mni tashkil etdi, bu o‘tgan yilga nisbatan 18,5 foizga ko‘pdir. Jami mablag‘larning deyarli yarmi Toshkentga yo‘naltirilgan bo‘lsa, Qoraqalpog‘iston poytaxtdagidan 18,5 baravar kam olgan. Qolgan viloyatlar ham kamroq kredit olishni boshladi.
Uzbekistan Airways Express yanvardan Namangandan Rossiya shaharlariga parvozlarni boshlaydi
2022 yilning 31 yanvaridan Uzbekistan Airways Express havo kemalarida «to‘liq ekonom-klass» tamoyili asosida Namangandan Moskva, Perm, Samara, Omsk, Orenburg, Irkutsk, Krasnodar va Yekaterinburgga to‘g‘ridan-to‘g‘ri muntazam aviaqatnovlarni yo‘lga qo‘yiladi.
Dollarning rasmiy kursi ketma-ket uchinchi kun ko‘tarildi
Dollarning so‘mga nisbatan rasmiy kursi 27,44 so‘mga ko‘tarilib, 10 837,66 so‘m etib belgilandi. Shuningdek, yevro kursi pasaydi, rubl kursi esa ko‘tarildi.
O‘zbekiston 11 oyda Qozog‘istonga 28,6 mingdan ziyod yengil avtomobil eksport qildi
Yanvar-noyabr oylarida O‘zbekiston eksport qilgan yengil avtomobillarning 94,47 foizi Qozog‘iston hisobiga to‘g‘ri kelgan. Keyingi o‘rinlarda Ukraina (744 ta), Rossiya (448 ta), Ozarbayjon (253 ta), Tojikiston (72 ta) va Qirg‘izistonga (30) mashinalar yetkazib berilgan.
Uzcard va Humo kartalaridan pul yechib oluvchi terminal namoyish etildi
Bitta terminalda ham Uzcard, ham Humo kartalariga xizmat ko‘rsatish imkoniyati paydo bo‘ldi. Uzcard va Humo to‘lov tizimlari o‘zaro integratsiyalashuvning birinchi bosqichini tamomladi. Ikkinchi bosqichda kassa terminallari ham umumiy bo‘ladi.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 0,07 so‘mga ko‘tarilib, 10 810,22 so‘m etib belgilandi. Shuningdek, yevro kursi ko‘tarildi, rubl kursi esa pasaydi.
Xorijiy valyutalarni ayirboshlovchi bankomatlar yanvar oxirigacha ish boshlaydi
Uzcard bankomatlarning sentabrdan beri ishlamayotgan dollar ayirboshlash funksiyasini yanvar oyi oxirigacha tiklashni rejalashtirmoqda.
Tadbirkorlikni ro‘yxatdan o‘tkazish to‘lovi 5 barobarga kamaytiriladi
Tadbirkorlik subyektini ro‘yxatdan o‘tkazish to‘lovi miqdori BHMning 20 foizi (54 ming so‘m) etib belgilandi. Ilgari buning uchun BHMning 1 baravarini (270 ming so‘m) to‘lash kerak edi. Shuningdek, tadbirkorlikni qayta ro‘yxatdan o‘tkazish rad etilgan kundan 5 ish kuni ichida boj to‘lamasdan qayta murojaat qilinishi mumkin. Boshqa litsenziyalarni olish ham soddalashtirildi.
Ko‘chmas mulk bozorida shartnomalar soni oshdi
Noyabrda O‘zbekistonda ko‘chmas mulk oldi-sotdisi bo‘yicha 22,5 mingta shartnoma tuzildi, bu bir oy oldingiga nisbatan 4 foizga, o‘tgan yilning noyabriga nisbatan esa 14,4 foizga ko‘pdir. Shu bilan birga, ITIM hisob-kitoblariga ko‘ra, ipoteka asosida uy-joy sotib olish imkoniyatiga ega bo‘lgan aholi ulushi 26 foizni tashkil etadi.
«Yagona transchegaraviy pul o‘tkazmalari» to‘lov tizimi yaratiladi
Milliy bank protsessing markazi negizida xorijiy davlatlardan O‘zbekistonga pul o‘tkazmalarini amalga oshirish uchun «Yagona transchegaraviy pul o‘tkazmalari» to‘lov tizimi ishlab chiqiladi. U pul o‘tkazmalarini «boshqa to‘lov tizimlari bilan bir qatorda jismoniy shaxslarning iltimosi va ixtiyoriy tanloviga ko‘ra» amalga oshiradi.
Yangi namunadagi 50 ming va 100 ming so‘mlik banknotalar muomalaga chiqarildi
27 dekabrdan e’tiroban yangi namunadagi 50 ming va 100 ming so‘mlik banknotalar muomalaga chiqarildi. Markaziy bank «Gazeta.uz»ga 50 ming so‘mlikdagi xatolik bartaraf etilganini ma’lum qildi (foto).
2028-yilgacha IT-mahsulotlar eksportini 1 mlrd dollardan oshiramiz — Sherzod Shermatov
AKT vaziri Sherzod Shermatov 2028-yilgacha dasturiy mahsulotlar va xizmatlar eksportini 1 mlrd dollardan oshirish asosiy maqsad sifatida belgilab olinganini ma’lum qildi.
O‘zbekiston 11 oyda 500 mln dollarga 23 mingdan ziyodroq «inomarka» import qildi
O‘zbekistonga 11 oy davomida qiymati 502,8 mln dollarga teng bo‘lgan 23 mingdan ziyod yengil avtomobil import qilindi. Xususan, xorijdan 13,8 mln dollarga 689 ta elektromobil keltirildi.
O‘zbekistonning tashqi qarzi qariyb 38 mlrd dollarga yetdi
O‘zbekistonning umumiy tashqi qarzi yil boshiga nisbatan 11 foiz yoki 3,7 mlrd dollarga o‘sib, 1-oktabr holatiga ko‘ra, 37,6 mlrd dollarni tashkil qildi. Bunda davlat qarzi 22,9 mlrd dollar, davlat tomonidan kafolatlanmagan tashqi qarz esa 14,7 mlrd dollarga teng bo‘ldi.
Shavkat Mirziyoyev Qashqadaryodagi «Uzbekistan GTL» zavodining ochilish marosimida qatnashdi
Shavkat Mirziyoyev Qashqadaryo viloyatida sintetik suyuq yoqilg‘i ishlab chiqarish bo‘yicha «Uzbekistan GTL» zavodining ochilish marosimida qatnashdi va nutq so‘zladi. Uning so‘zlariga ko‘ra, majmuada ishlab chiqarilgan mahsulotlar hisobiga yiliga 500 mln dollarlik import o‘rni qoplanib, 200 mln dollarlik eksport va 2 trln so‘mlik soliq tushumlari ta’minlanadi. Ushbu loyihaning umumiy qiymati 3,42 mlrd dollarni tashkil etadi.
Qozog‘istondan O‘zbekistonga yangi magistral yo‘l quriladi
Qozog‘iston va O‘zbekiston o‘rtasida 280 kilometrlik yangi avtomobil va temir yo‘l qurilishi rejalashtirilmoqda. Mazkur yo‘lning Markaziy Osiyo davlatlarini Qozog‘istonning janubiy, markaziy va shimoliy hududlari orqali Rossiya bilan birlashtirishi kutilmoqda
Eng ko‘p o‘qilgan xabarlar | So‘nggi yangiliklar
- “Men buni eshitmadim”. Energetika vaziri — “O‘ztransgaz”ning ishonchli boshqaruvga berilgani yo yo‘qligi haqida
- “Hali hech narsa aniq emas”. “O‘zatom” direktori — AES qurilishi bo‘yicha Rossiya bilan muzokaralar haqida
- To‘qimachilik va tikuv-trikotaj yo‘nalishidagi tadbirkorlarda soliq tekshiruvlari o‘tkazilmaydi
- Saudiyaning Vision Invest kompaniyasi Andijon aeroportini rekonstruksiya qilish va boshqarish istagida
Qo‘shimcha imkoniyatlarga ega bulish uchun saytda ro‘yxatdan o‘ting