Iqtisodiyot
YI sanksiyalarining 12-paketi O‘zbekiston va Qozog‘iston kompaniyalarini o‘z ichiga olishi mumkin
O‘zbekiston, Qozog‘iston va Singapur kompaniyalari Yevropa Ittifoqining Rossiyaga qarshi sanksiyalarining 12-paketiga kiritilishi mumkin, deb xabar berdi Bloomberg. Hujjat loyihasida Rossiya olmoslarini yetkazib berishni taqiqlash va neft narxining yuqori chegarasiga qo‘shimcha cheklovlarni ham o‘z ichiga oladi.
O‘zbekistonda elektr tariflari oshgani tadbirkorlarning quyosh panellarini o‘rnatishini tezlashtirdi
Tadbirkorlar elektr energiyasi tariflari oshirilganidan so‘ng o‘z obyektlariga quyosh panellarini tezroq o‘rnata boshladi, deya ma’lum qildi O‘zbekiston energetika vaziri Jo‘rabek Mirzamahmudov. Shuningdek, u panellalarni o‘rnatishda to‘siqlar mavjudligi haqida Qonunchilik palatasida aytilgan gaplarni rad etdi.
Test: So‘mdan so‘mni farqlay olasizmi?
30 yil muqaddam “so‘m"ni joriy etish yo‘lida ilk qadamlardan biri tashlangan — “so‘m-kupon” muomalaga chiqarilgandi. 7,5 oylik “o‘tish davri"dan so‘ng O‘zbekiston o‘z milliy valyutasiga ega bo‘lgan. O‘tgan davr davomida so‘m o‘zgarishlarga uchradi, “Gazeta.uz” esa aynan so‘nggi o‘zgarishlar asosida test tayyorladi.
O‘zbekiston, Ozarbayjon va Qozog‘iston Yevropaga “yashil” energiya eksport qilishni rejalashtirmoqda
O‘zbekiston, Ozarbayjon va Qozog‘iston “yashil” energiyani Yevropaga eksport qilish loyihasi istiqbollarini muhokama qildi. Buning uchun qo‘shma korxona tashkil etilishi mumkin. Loyiha uch mamlakat iqtisodiyoti va energetika tizimlari aloqalarini mustahkamlaydi, dedi investitsiyalar vaziri Laziz Kudratov.
Universalbank va Humo rahbarlari — foydalanuvchilar kartalaridan pul o‘g‘irlangani haqida
Universalbank kuzatuv kengashi rahbari Anvar Irchayev 7 kishi kartalaridagi pul o‘g‘irlangani bo‘yicha ariza bilan murojaat qilganini ta’kidladi. Gap 300 mln so‘m haqida ketmoqda. Hozirda huquq-tartibot idoralari pul o‘tkazilgan kartalar foydalanuvchilarini aniqlamoqda. Humo rahbari ham vaziyatga izoh berdi.
“Mening birinchi uyim” dasturi doirasida qanday imtiyoz va subsidiyalar berish taklif etilmoqda?
“Mening birinchi uyim” dasturi bo‘yicha prezident qarori loyihasi e’lon qilindi. Imtiyozli uylar so‘nggi 5 yilda uy-joyga egalik qilmagan oilalarga 20 yil muddatga bo‘lib to‘lash shartida sotilishi, oylik to‘lovning bir qismini qoplash uchun 5 yil davomida har oy 1 mln so‘m subsidiya ajratilishi kutilmoqda.
QIWI Uzbekistan ilovasi 18-dekabrdan ishlamaydi
18-dekabrdan QIWI Uzbekistan ilovasi faoliyati to‘xtaydi. Kompaniya foydalanuvchilardan Uzcard va HUMO kartalariga pul o‘tkazib olishini so‘radi. Xizmat ilovaning yopilishini O‘zbekiston Markaziy banki tomonidan xalqaro pul o‘tkazmalariga joriy etilgan taqiqdan keyingi cheklangan funksionallik bilan izohladi.
Chevrolet Onix narxi keskin oshdi
UzAuto Motors Chevrolet Onix`ning beshta pozitsiyasi narxini sezilarli darajada oshirdi. Endi eng arzon Onix 149 mln so‘m o‘rniga 177 mln so‘mdan sotilmoqda. Kompaniya narxlarning oshishi sabablarini ochiqlamadi.
O‘zbekistonga gaz yetkazib berilishi Rossiyadagi gaz quvurlariga bosimni oshirdi
O‘zbekistonga gaz yetkazib berish boshlanishi bilan “Gazprom” Rossiya gaz transporti tizimidagi oqimlarni qayta konfiguratsiya qilish, shuningdek, mamlakatdagi yerosti gaz saqlash tizimi ishini qayta ko‘rib chiqishga majbur bo‘ldi, dedi “Gazprom PXG” bosh direktori Igor Safonov.
$500 mlnlik bug‘-gaz elektr stansiyasi qurilishi loyihasi bo‘yicha davlat va Cengiz Enerji majburiyatlari belgilab olindi
Prezident Jizzax viloyatida 550 MVtlik bug‘-gaz elektr stansiyasini qurish to‘g‘risidagi qarorni imzoladi. Investor va loyiha kompaniyasi 500 mln dollarlik investitsiya jalb etish majburiyatini oladi, davlat kompaniyalari esa 25 yil davomida elektr energiyasi sotib olish, gaz va suv yetkazib berishni kafolatlaydi.
O‘zbekiston banklariga hujum bo‘lgani va Humo kartalaridan yirik miqdorda pul o‘g‘irlangani rad etildi
Humo to‘lov tizimi xakerlar O‘zbekiston banklariga hujum qilgani va Humo kartalaridan yirik miqdorda pul o‘g‘irlagani haqidagi xabarlarni rad etdi. Markaziy bank ham banklar va to‘lov tizimlariga hech qanday kiberhujum bo‘lmaganini bildirdi.
“Snos”lar bo‘yicha qarzdorligi bor hokimliklarga budjetning oshirib bajarilgan qismidan mablag‘ sarflash taqiqlanadi
Hokimliklarga aholi va biznesdan “snos” yoki mulkni olib qo‘yish bo‘yicha qarzi bo‘lgan holatda, budjet daromadlarining prognozdan oshirib bajarilgan qismidan mablag‘ sarflash taqiqlanadi. O‘zbekiston hukumati qonun hujjatlariga bu bo‘yicha tegishli o‘zgartirishlar kiritadi.
Rossiyaning Ozon marketpleysi O‘zbekistonda sotuvlarni yo‘lga qo‘ydi
Rossiyaning Ozon marketpleysi O‘zbekiston hududida faoliyat boshladi. Kompaniya 2024-yilda mamlakatda o‘zining logistika infratuzilmasini, jumladan, ombor majmualari va yetkazib berish xizmatlarini, shuningdek, brendlangan topshirish punktlarining franshiza tarmog‘ini rivojlantirish niyatidaligini ma’lum qildi.
2024-yilda xususiy sektorda “dekret puli” hajmi qisqarayotganiga izoh berildi
Iqtisodiyot va moliya vazirligi 2024-yilgi davlat budjeti loyihasida “dekret puli” prognozi qisqarganini izohlarkan, 2023-yilda xususiy sektorda ishlayotgan 130 ming ayolga 300 mlrd so‘m ajratish rejalashtirilgani, biroq 9 oyda atigi 12 ming ayolga 24,6 mlrd so‘m nafaqa berilganini qayd etdi.
Markaziy bank Oson`ning litsenziyasini tikladi
Markaziy bank Brio Group MCHJning (Oson brendi) to‘lov tashkiloti faoliyatini amalga oshirish uchun litsenziyasini tikladi. Kompaniya litsenziyasining amal qilish muddati 17-oktabrda to‘xtatib qo‘yilgandi. Undan avval esa Oson`ga qonun talablarini buzgani uchun jarima sanksiyasi qo‘llangan.
O‘zbekistonda biznesni rivojlantirish kompaniyasi tashkil etilmoqda
O‘zbekistonda kichik va o‘rta biznesni qo‘llab-quvvatlash uchun yangi vositalarni joriy etish maqsadida biznesni rivojlantirish kompaniyasi tashkil etilmoqda. U kapitalni moliyalashtirish, xizmat ipotekasi va boshqa yordamlarni ko‘rsatadi. Kompaniya budjetdan 1,2 trln so‘m va 100 mln dollarlik kreditlar oladi.
Qozog‘iston o‘zining g‘arbiy hududlarini O‘zbekiston bilan bog‘lash uchun Beyneu-Shalkar avtomobil yo‘lini quradi
Qozog‘iston bosh vaziri Alixon Smailov mamlakatning g‘arbiy viloyatlarini O‘zbekiston bilan bog‘lash uchun Beyneu-Shalkar avtomobil yo‘li qurilishini ma’lum qildi. Bu yo‘l Yevropa-Kavkaz-Osiyo transport yo‘lagi shakllantirishni yakunlashga xizmat qiladi.
O‘zbekiston Afg‘onistondagi temiryo‘lni “qulay narxda” ta’mirlab beradi
O‘zbekiston va Afg‘oniston temiryo‘l kompaniyalari rahbarlari Hayraton — Naybobod — Mozori Sharif temiryo‘lining bir qismini ta’mirlashga kelishib oldi. “O‘zbekiston temir yo‘llari” rahbari Zufar Narzullayev ta’mirlash ishlarini “sifatli, qulay narxda va 50 foizlik chegirma bilan amalga oshirishga” va’da berdi.
Albayrak Holding O‘zbekistonda yo‘l qoidabuzarliklarini qayd etuvchi qurilmalarni o‘rnatmoqda
Turkiyaning Albayrak Holding kompaniyasi O‘zbekiston shaharlarida yo‘l harakati qoidabuzarliklarini qayd etuvchi avtomatlashtirilgan foto va video qurilmalarni o‘rnatish loyihasini amalga oshirmoqda.
1-yanvardan mikroqarzlar limiti 100 mln so‘mgacha oshiriladi
2024-yil 1-yanvardan mikroqarzning eng yuqori miqdori 50 mln so‘mdan 100 mln so‘mgacha oshiriladi. Shuningdek, mikromoliya tashkilotlari tomonidan islomiy moliyalashtirishga oid xizmatlar ko‘rsatishning normativ-huquqiy bazasi ishlab chiqiladi.
Eng ko‘p o‘qilgan xabarlar | So‘nggi yangiliklar
- UzAuto Motors`ning foydasi birinchi chorakda qariyb 5 barobar oshdi
- “Hali hech narsa aniq emas”. “O‘zatom” direktori — AES qurilishi bo‘yicha Rossiya bilan muzokaralar haqida
- O‘zbekiston YeTTB bilan “Asakabank”ni xususiylashtirish bitimini imzoladi
- Budjet defitsiti inflyatsiyaga bevosita ta’sir qiladi — MB raisi Mamarizo Nurmuratov
Qo‘shimcha imkoniyatlarga ega bulish uchun saytda ro‘yxatdan o‘ting