Iqtisodiyot
O‘zbekistonda iyun oyida eng ko‘p «Cobalt» avtomobili ishlab chiqarildi
O‘zbekistonda so‘nggi 6 oyda deyarli 38 ming ta «Cobalt» avtomobili ishlab chiqarildi. Bu ko‘rsatkich o‘tgan yilning shu davriga nisbatan 154,2 foizga o‘sgan. Iyun oyining o‘zida 7557 ta «Cobalt» ishlab chiqarilgan.
Inqirozga qarshi kurashish jamg‘armasining daromad va xarajatlari ma’lum qilindi
Inqirozga qarshi kurashish jamg‘armasi hisobiga 7,44 trln so‘m kelib tushdi, jamg‘arma xarajatlari esa 6,4 trln so‘mga teng bo‘ldi. Eng ko‘p mablag‘ — 2,2 trln so‘m ijtimoiy sohaga yo‘naltirildi.
Xorazmda injiniring kompaniyasi xodimlarining 2,7 mlrd so‘mni o‘zlashtirgani aniqlandi
Xorazm viloyatida “Yagona buyurtmachi xizmati” injiniring kompaniyasi mansabdor shaxslari qurilish ob’ektlarini soxta pudratchilarga tendersiz berish orqali 2,7 mlrd so‘mlik byudjet pullarini o‘zlashtirgani aniqlandi.
Shakar zavodlari ishlab chiqarishni nega to‘xtatdi
O‘zbekistonning ikkita eng yirik shakar zavodi «Angren shakar» va «Xorazm shakar» xom ashyo yetishmovchiligi sababli ishlab chiqarishni to‘xtatib qo‘ydi. Korxonalarning omborlarida kuniga ming tonnadan realizatsiya qilinadigan 47 ming tonnadan ortiq shakar zaxirasi mavjud, shuning uchun tanqislik kuzatilmaydi. «Gazeta.uz» ning aniqlashicha, mahalliy ishlab chiqaruvchilar import qiluvchilar bilan raqobat sababli qiyinchiliklarga duch kelishmoqda.
Umumiy ovqatlanish sohasini qo‘llab-quvvatlash to‘g‘risidagi prezident farmoni loyihasi tayyorlandi
SSP umumiy ovqatlanish sohasini qo‘llab-quvvatlash to‘g‘risidagi prezident farmoni loyihasi tayyorlanganini xabar qildi. Soliq imtiyozlarini uzaytirish, kafe va restoranlarga yozgi teraslarini joylashtirish tartibini joriy etish hamda muassasalarga kunu tun ishlashga ruxsat berish rejalashtirilmoqda.
Rossiyaga gaz eksporti to‘xtatildi, Xitoyga eksport uch baravar qisqardi
Koronavirus pandemiyasining tashqi bozorlarga ta’siri sababli, O‘zbekistonda olinadigan tabiiy gazning Xitoyga eksporti 3 baravarga qisqardi, Rossiyaga eksport to‘xtatildi.
Honeywell Buxoro NQIZ uchun texnologiyalar taqdim etadi
Amerikaning Honeywell kompaniyasi Buxoro neftni qayta ishlash zavodiga «Yevro-5» standartidagi benzin ishlab chiqarish texnologiyasini taqdim etdi. Kompaniya bilan texnologik uskunalar hujjatlari paketini ishlab chiqish bo‘yicha bitim va litsenziya shartnomasi ham imzolandi.
Sulton Tex Group bosh vazir o‘rinbosari va Qishloq xo‘jaligi vazirini sudga berdi
Sulton Tex Group kompaniyasi bosh vazir o‘rinbosari O‘ktam Barnoyev, qishloq xo‘jaligi vaziri Jamshid Xo‘jayev va uning birinchi o‘rinbosari Shuxrat Teshayevni sudga berdi.
So‘m yil boshidan 7,2 foizga qadrsizlandi
2020 yilning birinchi yarmida mamlakat ichki bozorida chet el valyutasiga bo‘lgan talab $8,2 mlrd, umumiy taklif hajmi esa $4,3 mlrdni tashkil etdi. Markaziy bank ichki valyuta bozoriga $2,2 mlrd intervensiya kiritdi. Shuningdek, yil boshidan milliy valyuta kursi 7,2 foizga qadrsizlandi.
Jismoniy shaxslar tomonidan xorijiy valyuta sotib olish 3 barobarga oshdi
2020 yili birinchi yarmida jismoniy shaxslar 2,2 mlrd AQSH dollariga teng chet el valyutasini sotgan. Bu ko‘rsatkich o‘tgan yilga nisbatan 57 foizga oshgan. Shu bilan birga, jismoniy shaxslar 2019 yilning mos davriga nisbatan 3 barobar ko‘proq chet el valyutasini sotib olishgan (2019 yili — $557 mln, 2020 yili — $1,7 mlrd).
O‘zbekistonga pul o‘tkazmalari miqdori barqarorlasha boshladi
Iyun oyida O‘zbekistonga 621 mln dollar jo‘natildi, bu yil boshidan beri eng yuqori ko‘rsatkich. Olti oy ichidagi o‘tkazmalarining umumiy hajmi 2,4 mlrd dollarni tashkil etdi.
Samarqandda tibbiyot chiqindilarni xavfsiz usulda yo‘q qilishga 1,5 mln yevro ajratildi
Yevroittifoq va Fransiya taraqqiyot agentligi Samarqandda tibbiyot chiqindilarini xavfsiz yo‘q qilish loyihasi uchun 1,5 mln yevro miqdorida mablag‘ ajratdi.
Dollarning rasmiy kursi uchinchi hafta davomida ko‘tarilmoqda
Dollarning rasmiy kursi 10 so‘mga qimmatlab, jami 10 194 so‘m etib belgilandi. Yevro kursi deyarli 62,5 so‘mga ko‘tarildi, rubl kursi esa 1,4 so‘mga (143 so‘m) qimmatladi. AQSH milliy valyutasini qimmatlashishi uchinchi hafta kuzatilmoqda.
USAID O‘zbekistonda 18,9 million dollarlik agrobiznesni rivojlantirish loyihasini boshladi
USAID O‘zbekistonda agrobiznesni rivojlantirish loyihasini ishga tushirmoqda, bu qo‘shimcha qiymat ishlab chiqaradigan tarmoqlar sonini ko‘paytirish hamda mazkur jarayonga yoshlar va ayollarni jalb qilishga yordam beradi. Loyiha 18,9 million dollarga baholanmoqda.
“Tadbirkorga xiyonat qilgan — siyosatimizga xiyonat qilgan bo‘ladi” — prezident
Shavkat Mirziyoyev hokimlar va bankirlarni tadbirkorlar bilan ishlash tizimi yo‘qligi sababli tanqid qildi. Uning so‘zlariga ko‘ra, 59 ta tuman va shahrda biznes muhit “yomon” deb baholangan. “Tadbirkorga xiyonat qilgan odam — siyosatimizga xiyonat qilgan bo‘ladi”, — dedi prezident.
Prezident SES va o‘t o‘chirish xizmatining «tushunarsiz» talablariga izoh berdi
Tadbirkorlar karantin qoidalariga amal qilishda sanitariya va yong‘in xavfsizligi idoralari tomonidan tushunarsiz va bir-biriga zid talablarga duch kelmoqda, deya ma’lum qildi prezident.
O‘zbekiston ilk bor “Raqobatbardosh sanoat unumdorligi” indeksiga kiritildi
O‘zbekiston birinchi marotaba “Raqobatbardosh sanoat unumdorligi” indeksiga kiritilib, 152 ta mamlakat orasida 92-o‘rinni, MDH davlatlari orasida esa 5-o‘rinni egalladi. Eng yuqori o‘rinlarni Germaniya, Xitoy va Janubiy Koreya davlatlari band etdi.
1 oktyabrdan davlat korxonalarini tashkil etishga cheklovlar qo‘yiladi
Prezident mamlakatda raqobat muhitini rivojlantirish va iqtisodiyotda davlat ishtirokini qisqartirish to‘g‘risidagi farmonga imzo chekdi. 1 oktyabrdan boshlab besh yoki undan ortiq xususiy kompaniyalar mavjud bo‘lgan bozorlarda davlat korxonalarini tashkil etishga yo‘l qo‘yilmaydi.
O‘zbekiston va Koreya o‘rtasidagi savdo aylanmasi 2,7 mlrd dollarni tashkil etdi
2019 yil yakunlariga ko‘ra, O‘zbekiston va Janubiy Koreya o‘rtasidagi savdo aylanmasi o‘tgan 5 yil davomida eng yuqori natija — 2,7 mlrd dollarni tashkil etdi. 6−7 iyul kunlari O‘zbekiston delegatsiyasining Seulga amaliy tashrifi davomida yangi kelishuvlarga erishildi.
Moliya vazirligi banklar ustidan nazoratni kuchaytiradi
Moliya vazirligi kuzatuv kengashlaridagi mustaqil xorijiy direktorlar orqali davlat banklari ustidan nazoratni kuchaytirishni rejalashtirmoqda. Moliya vaziri Timur Ishmetovning ta’kidlashicha, ba’zi banklar «tushunarsiz sharoitlarda» katta kreditlarni tasdiqlashgan.
Eng ko‘p o‘qilgan xabarlar | So‘nggi yangiliklar
- “Men buni eshitmadim”. Energetika vaziri — “O‘ztransgaz”ning ishonchli boshqaruvga berilgani yo yo‘qligi haqida
- To‘qimachilik va tikuv-trikotaj yo‘nalishidagi tadbirkorlarda soliq tekshiruvlari o‘tkazilmaydi
- Saudiyaning Vision Invest kompaniyasi Andijon aeroportini rekonstruksiya qilish va boshqarish istagida
- Gaz va elektr tariflarining oshishi inflyatsiyaga qanday ta’sir qiladi?
Qo‘shimcha imkoniyatlarga ega bulish uchun saytda ro‘yxatdan o‘ting