Iqtisodiyot
Tabiiy gaz importchilari bojxona bojini to‘lashdan ozod qilindi
Tabiiy gazni eksportga realizatsiya qilishda aksiz solig‘i stavkasining nol foiz miqdorida belgilangani, tabiiy gaz importchilarining bojxona bojidan ozod qilinayotgani, geologiya-qidiruv va izlanish ishlarining qator soliq va to‘lovlardan ozod qilinayotgani va boshqa yangiliklar — prezident yer qa’ridan foydalanuvchilarni soliqqa tortish bo‘yicha yangi farmonni imzoladi.
Jahon banki 2021 yilda O‘zbekistonda YAIM o‘sishi prognozini yaxshiladi
Jahon banki O‘zbekistonning YAIM o‘sishi bo‘yicha prognozini qaytadan ko‘rib chiqdi va uni 4,8 foizdan 6,2 foizga oshirdi. Iqtisodiy faollikning tiklanishiga ichki investitsiyalar, xalqaro savdo va pul o‘tkazmalarining tiklanishi sabab bo‘lmoqda.
Dollarning rasmiy kursi pasaydi
Dollarning so‘mga nisbatan rasmiy kursi 17,02 so‘mga pasayib, 10 671,04 so‘m etib belgilandi. Shuningdek, yevro va rubl kurslari ham pasaydi.
Yevropada energiya inqirozi: gaz narxining keskin o‘sishi sabablari va oqibatlari
Yevropada tabiiy gaz narxlari o‘tgan yilning mos davriga nisbatan olti baravarga o‘sdi. 5 oktabr kuni tabiiy gaz fyucherslari narxi ming kub metr uchun qariyb 1200 dollarga yetdi. Yaqinlashayotgan isitish mavsumida gaz tanqisligi xavfi xonadonlarni isitish, elektr energiyasi ta’minoti va sanoat ishlab chiqarishga jiddiy xavf tug‘dirishi mumkin. Yevropa gaz bozorida naxrlarning rekord darajada ko‘tarilishining sabablari va buning oqibatlari haqida «Gazeta.uz» maqolasida.
O‘zbekiston va Turkmaniston elektr energiya yetkazib berish bo‘yicha qo‘shimcha kelishuv imzoladi
Turkmanistondan O‘zbekistonga elektr energiyasi yetkazib berish haqidagi kelishuv yana bir yilga uzaytirildi. Umumiy hajmlar va narxlar oshkor qilinmadi, ammo ITSV rahbarining birinchi o‘rinbosari Laziz Qudratovning so‘zlariga ko‘ra, tariflar avvalgi darajada saqlanib qolgan.
O‘zbekiston «quruqlik portlari» to‘g‘risidagi bitimga qo‘shildi
O‘zbekiston xalqaro yuklarni tashishni soddalashtirishga mo‘ljallangan «Quruqlik portlari» to‘g‘risidagi hukumatlararo bitimga qo‘shildi.
UzAuto Motors Turkmanistonda avtomobil ishlab chiqarishni yo‘lga qo‘yishi mumkin
«O‘zavtosanoat» va «Turkmenistan-Motors» o‘rtasida imzolangan memorandumga ko‘ra, Turkmaniston hududida UzAuto Motors avtomobillarini ishlab chiqarish yo‘lga qo‘yilishi mumkin. Turkmaniston tomoni o‘zbek tovarlarini 300 million dollarga sotib olishni rejalashtirmoqda.
Dollarning rasmiy kursi ko‘tarildi
Dollarning so‘mga nisbatan rasmiy kursi 10,40 so‘mga ko‘tarilib, 10 688,06 so‘m etib belgilandi. Shuningdek, yevro va rubl kurslari ham ko‘tarildi.
Eksportyorlarga tashish xarajatlarining 50 foizgacha qismi qoplab beriladi
Hukumat qaroriga muvofiq, mahsulotlarini O‘zbekiston bilan chegaradosh bo‘lmagan davlatlarga eksport qiluvchilarga tashish harajatlarining 50 foizgacha qismi to‘lab beriladi. Ariza va tegishli hujjatlar Eksportni rag‘batlantirish agentligiga taqdim etiladi. Kompensatsiya taqdim etish shartlari va uni rad etish tartibi ham belgilab berildi.
Dollarning rasmiy kursi to‘rt kunlik o‘sishdan so‘ng biroz pasaydi
Dollarning so‘mga nisbatan rasmiy kursi 14,94 so‘mga pasayib, 10 677,66 so‘m etib belgilandi. Shuningdek, yevro va rubl kurslari ham pasaydi.
2024 yilgacha ayrim tovarlarni O‘zbekistonga olib kirishda bojxona boji bekor qilindi
Prezident farmoniga ko‘ra, qator tovarlar uchun 2024 yil 1 yanvargacha bojxona boji bekor qilindi. Ular orasiga o‘quv laboratoriya va maxsus asbob-uskunalar va jihozlar, taqiqlanmagan o‘yin avtomatlari, videoo‘yinlar uchun uskunalar va bouling uchun avtomatik uskunalar, stomatologiya va kosmetologiya asbob-uskunalari, butlovchi buyumlar va ularning ehtiyot qismlari hamda sarflash materiallari va boshqa tovarlar kirgan.
Xarid chekini ro‘yxatdan o‘tkazganlarga xarid summasining 1 foizi qaytariladi
2022 yil 1 yanvardan boshlab chakana savdo, umumiy ovqatlanish va xizmat ko‘rsatish obyektlarida xaridni amalga oshirgan va ushbu xaridni soliq organlarining maxsus mobil ilovasida ro‘yxatdan o‘tkazganlarga o‘sha xarid summasining 1 foizi budjetdan qaytariladi. Keshbek har oy yakunida jismoniy shaxslarning bank kartalariga o‘tkaziladi. Chek bermaganlik holati haqida xabar berganlarga undirilgan jarimaning 20 foizi mukofot tariqasida to‘lanadi.
Tendersiz amalga oshirish mumkin bo‘lgan davlat xaridlari ro‘yxati qisqarishi kutilmoqda
Prezident qarori loyihasiga ko‘ra, to‘g‘ridan-to‘g‘ri shartnoma bo‘yicha amalga oshiriladigan davlat xaridlari ro‘yxati qisqartirilishi kutilmoqda. Shuningdek, 2022−2025 yillarda davlat xaridlari sohasini rivojlantirish Strategiyasi ishlab chiqilishi ko‘zda tutilgan.
Bu Andersson — UzAuto Motors`dagi vazifalari haqida
UzAuto Motors bosh direktori Bu Andersson ushbu lavozimdagi vazifalari haqida gapirdi. «Men supermen emasman, lekin ular mendan yanada sifatli mahsulotlar, yangi modellar, jumladan, avtomobillar, qulayroq narxlarda va eng yaxshi xizmatlarni taqdim etishimni xohlashyapti. Aksiyadorlarimiz ishlab chiqarish va samaradorlikni oshirishni xohlayapti. Bunga erishishning yagona yo‘li esa boshqaruv jamoasi bilan qattiq ishlash va qiymat yaratishdir», — dedi kompaniya bosh direktori.
«Davlat banklarini saqlab turish hukumatga qimmatga tushmoqda» — Timur Ishmetov
Moliya vaziri Timur Ishmetov taraqqiyotning ma’lum bosqichlarida davlat banklarining bo‘lishi mantiqliroq ekani, biroq u har doim xususiy bank sektori tarafdoriligini ma’lum qildi. Hukumat davlat banklari yordamida tayanch bank xizmatlaridan teng foydalanishni ta’minlash, yoshlar va ayollar tadbirkorligini qo‘llab-quvatlash imkoniga ega bo‘ladi. Biroq bu fiskal xatarlarni keltirib chiqarishi mumkin va davlatga qimmatga tushadi.
YeTTB va IFC TBC Bank Uzbekistan aksiyalarining bir qismini sotib oladi
Yevropa tiklanish va taraqqiyot banki hamda Xalqaro moliya korporatsiyasining har biri TBC Bank Uzbekistan’ning 20% gacha bo‘lgan aksiyalarni sotib olishni rejalashtirmoqda. Bu 2017 yildan beri YeTTBning o‘zbek bank sektoriga kiritgan birinchi sarmoyasi hisoblanadi.
Dollarning rasmiy kursi ketma-ket to‘rtinchi kun ko‘tarildi
Dollarning so‘mga nisbatan rasmiy kursi 0,09 so‘mga ko‘tarilib, 10 692,00 so‘m etib belgilandi. Shuningdek, yevro kursi pasaydi, rubl kursi esa ko‘tarildi.
Antimonopoliya qo‘mitasi UzAuto Motors shartnomalaridagi qo‘shimcha to‘lovlar bandini o‘rganadi
Antimonopoliya qo‘mita rahbari Shaxrux Sharaxmetovning aytishicha, qo‘mita UzAuto Motors shartnomalaridagi avtomobil variantlarining nomuvofiqligi bilan bog‘liq qo‘shimcha to‘lovlar bandini o‘rganadi.
VTB banki NKMKning investitsiya dasturini moliyalashtiradi
Rossiyaning VTB banki Navoiy kon-metallurgiya kombinatining investitsiya dasturini moliyalashtirish uchun 1 mlrd dollarlik kredit liniyasini taqdim etdi.
Toshkent issiqlik ta’minoti tizimi boshqaruvi Veolia qo‘liga o‘tdi
Toshkent issiqlik ta’minoti tizimi 30 yil muddatga Fransiyaning Veolia kompaniyasi boshqaruviga topshirildi. Birinchi ikki yilda Bektemir va Sergeli tumanlarida isitish tizimini modernizatsiya qilish bo‘yicha sinov loyihasi amalga oshiriladi, so‘ngra butun shaharni qamrab oluvchi «ulkan modernizatsiya dasturi»ni ishga tushirish kutilmoqda.
Eng ko‘p o‘qilgan xabarlar | So‘nggi yangiliklar
- Turkmaniston O‘zbekistonni Tojikistonning issiqxona pomidori bozoridan siqib chiqarmoqda — EastFruit
- UzAuto Motors`ning foydasi birinchi chorakda qariyb 5 barobar oshdi
- Energiya tariflari oshishi fonida kambag‘allik chegarasi yana bir bor oshirildi
- O‘zbekistonda eng ko‘p ish beruvchi 10 ta kompaniya nomi e’lon qilindi
Qo‘shimcha imkoniyatlarga ega bulish uchun saytda ro‘yxatdan o‘ting