Siyosat
Prezident Toshkentda Botir Zokirov haykali ochilish marosimida qatnashadi
Shavkat Mirziyoyev 16-may kuni Toshkentda O‘zbekiston xalq artisti Botir Zokirov haykali ochilish marosimida ishtirok etadi. Shuningdek, madaniyat va san’at sohasidagi yangi obyekt va loyihalar bilan tanishiladi.
Portugaliyaning O‘zbekistondagi yangi elchisidan ishonch yorliqlari qabul qilindi
O‘zbekiston TIV rahbari Baxtiyor Saidov Portugaliyaning yangi elchisi Madalena Fisherdan ishonch yorliqlarini qabul qilib oldi.
Daniya va Litva O‘zbekistonga yangi elchilar tayinladi
O‘zbekiston tashqi ishlar vaziri Daniya elchisi Yakob Xenningsen va Litva elchisi Egidiyus Navikasdan ishonch yorliqlarini qabul qildi.
Iqtisodiyot
O‘zbekiston Afg‘onistondan 1 mln tonnadan ortiq ko‘mir import qilishni rejalashtirmoqda
O‘zbekiston Afg‘onistondan 1 mln tonnadan ortiq ko‘mir import qilish, shuningdek, Mozori Sharifdagi Imom Al-Buxoriy madrasasida qurilish ishlarini boshlash, Transafg‘on temiryo‘li loyihasining texnik-iqtisodiy asoslarini ishlab chiqish loyihalarini amalga oshirish niyatida, deb xabar berdi Afg‘oniston TIV.
“Shunaqasi ham bo‘lgan”. Energetika vaziri — neft va gaz sanoatida investorlar bilan shartnomalarni qayta ko‘rib chiqish haqida
Energetika vaziri Jo‘rabek Mirzamahmudov neft-gaz sohasida investorlar bilan tuzilgan shartnomalarni qayta ko‘rib chiqishga oid savollarga javob berdi. Uning aytishicha, ayrim hollarda investorlarga qo‘shimcha majburiyatlar yuklangan, biroq ular investitsiya muhitining yomonlashuvi xavfi tufayli oshkor etilmagan.
Toshkentda ijara narxlari pasayishda davom etmoqda — MHTI
Aprel oyida Toshkentda o‘rtacha ta’mirlangan xonadonlar uchun ijara narxlari martga nisbatan o‘rtacha 0,9 foizga, to‘liq ta’mirlangan xonadonlar uchun esa o‘rtacha 1,12 foizga pasaydi. O‘rtacha ta’mirlangan uy-joy uchun nisbatan arzon ijara narxlari Sergeli va Olmazor tumanlarida bo‘lib turibdi.
“O‘zbekneftgaz” va “Gazprom neft” Burg‘ilash ishlarini boshqarish markazini ishga tushirdi. Loyiha nima beradi?
“O‘zbekneftgaz” Rossiyaning “Gazprom neft” kompaniyasi ko‘magida quduqlarni burg‘ulash muddatini 45 foizga, ularni qurish tannarxini esa 35 foizga qisqartirish imkonini beruvchi Burg‘ilash ishlarini boshqarish markazini ochdi. Kompaniya yetkazib beruvchi bilan 4,45 mln va 243,3 ming dollarlik ikkita shartnoma tuzdi.
Jamiyat
Ko‘chmas mulk xaridida nimalarga e’tibor berish kerak? Mutaxassislar tavsiyasi
Fuqarolar ko‘chmas mulk xaridi uchun shartnoma tuzayotganda noqulay sharoitga tushishi yoki firibgarga aldanib qolishi mumkin. “CaEX Bizning uylar 2024” ko‘rgazmasida ekspertlar shartnomada nimaga e’tibor berish kerakligi, boshqa davlatlarda xaridor va davlat budjeti qanday sug‘urta qilinishini tushuntirdi.
Qisqa yomg‘irdan so‘ng Toshkent ko‘chalarini suv bosdi (video)
Kunning birinchi yarmida Toshkent shahrida yog‘ib o‘tgan qisqa va shiddatli yomg‘ir ko‘chalarni suvga to‘ldirdi. Tarqalgan videolarda mahallalar, avtomobil yo‘llari va bozorlarni suv bosganini ko‘rish mumkin. Video.
Samarqandda uy qulab tushgani bo‘yicha jinoyat ishi qo‘zg‘atildi
Pastdarg‘om tumanida qulab tushgan uy egasi IIBga murojaat qilib, unga 300 ming dollar miqdorida moddiy zarar yetkazilganini bildirdi. Holat yuzasidan jinoyat ishi qo‘zg‘atildi. Qurilish vazirligi uning qo‘shnisi loyiha hujjatlariga amal qilmasdan yer qazish ishlarini olib borganini ma’lum qildi.
“Ayollar ko‘proq ruhiy zo‘ravonlikka uchramoqda, 86−87 foiz zo‘ravonlik oilalarda kuzatilyapti” — IIV vakili
Xotin-qizlar ko‘proq ruhiy, shuningdek, jismoniy va iqtisodiy zo‘ravonlikka uchramoqda, dedi IIV Huquqbuzarliklar profilaktikasi xizmati boshlig‘i o‘rinbosari Umida Abdullayeva. Uning aytishicha, 86−87 foiz zo‘ravonlik oilalarda kuzatilyapti. 2024-yilning uch oyida ayollarga 10 mingdan ziyod himoya orderi berilgan.
O‘zbekistonda Haj mavsumi 23-maydan boshlanadi
O‘zbekistonda 2024-yilgi Haj mavsumi 23-maydan boshlanadi. Saudiya Arabistonining Madina shahriga O‘zbekistonning 10 ta shahridan 7-iyunga qadar har kuni aviaqatnovlar amalga oshiriladi.
Toshkentda ikkita avtobus to‘qnashdi
Toshkent shahri Yashnobod tumanida MAN va Yutong avtobuslari to‘qnashdi. YTHda jarohat olganlar yo‘q, surishtiruv ishlari olib borilmoqda.
Toshkentda bir qator ko‘cha va chorrahalar ta’mirlanadi — ro‘yxat
Maydan sentabr oyiga qadar Toshkentning qator chorraha va ko‘chalarida rekonstruksiya ishlari olib boriladi. Jarayon soat 22:00 dan 06:00 gacha bajarilishi reja qilinmoqda. Hokimlik “ish jarayonida noqulayliklar tug‘ilishi muqarrar ekani”, biroq barcha imkoniyatlarni ishga solishini bildirdi.
Rehina Mariya Kastijio YUNISEFning O‘zbekistondagi vakolatxonasi rahbari bo‘ldi
Rehina Mariya Kastijio BMT Bolalar jamg‘armasi (YUNISEF)ning O‘zbekistondagi vakolatxonasi rahbari bo‘ldi. Bungacha u fondning Xorvatiya va Paragvaydagi vakolatxonalarini boshqargan.
Andijonda Lacetti piyodalar o‘tish joyida o‘tayotgan fuqaroni urib yubordi
Paxtaobod tumanida 21 yoshli Lacetti haydovchisi svetoforning yashil chirog‘ida piyodalar o‘tish joyidan o‘tayotgan fuqaroni urib yubordi. YTH oqibatida 41 yoshli piyoda oyoq sinishi bilan bog‘liq jarohat oldi.
Toshkent shahridagi Bobur ko‘chasining ayrim qismlarida yo‘l bir tomonlama yopildi
Yakkasaroy tumanidagi Bobur ko‘chasining ayrim qismlarida yo‘l bir tomonlama noma’lum muddatga yopildi. U yerda 15-may kuni soat 22:00 dan boshlab ta’mirlash ishlari boshlandi. Haydovchilardan yondosh ko‘chalardan harakatlanish so‘ralgan.
Antikorrupsiya agentligi 8,1 mlrd so‘mlik noqonuniy davlat xaridlari oldi olinganini ma’lum qildi
Korrupsiyaga qarshi kurashish agentligi 19 ta holatda 8,1 mlrd so‘mlik davlat xaridlarining qonunchilikka zid amalga oshirilishi oldi olinganini ma’lum qildi. Eng ko‘p qonun buzilishi holatlari ta’lim va sog‘liqni saqlash sohalarida aniqlangan.
Farg‘ona va Surxondaryoda bola o‘g‘rilari paydo bo‘lgani haqidagi xabarlar yolg‘on ekani aytildi
Telegram kanallarida Farg‘ona va Surxondaryo viloyatlarida bola o‘g‘rilari paydo bo‘lgani bilan izohlangan videolar tarqaldi. Ikki viloyat IIBlari ushbu xabarlar asossiz ekani, videolarda esa boshqa holatlar tasvirlanganini ma’lum qildi.
Dubai Unlocked surishtiruvi: O‘zbekiston sobiq bosh prokurori o‘g‘lining Dubayda 8 mln dollarlik ko‘chmas mulki bor
Xalqaro jurnalistlar Dubaydagi mulk egalari haqida ma’lumot beruvchi Dubai Unlocked surishtiruvini e’lon qildi. Unda O‘zbekiston sobiq bosh prokurori Rashitjon Qodirovning o‘g‘li — qidiruvga berilgan Alisherbek Qodirovning umumiy qiymati deyarli 8 mln dollar bo‘lgan 4 ta ofisga egalik qilishi aytilgan.
Toshkentda fuqaroni 2 mln so‘m evaziga ishga joylab qo‘ymoqchi bo‘lgan metropoliten xodimasi ushlandi
Toshkent metropoliteni xodimasi firibgarlikda gumonlanib ushlandi. U fuqaroni 2 mln so‘m evaziga ishga joylab qo‘yishni va’da qilgani aytilmoqda.
Madaniyat
Toshkentda Botir Zokirov haykali ochildi (foto)
Toshkentda O‘zbekiston xalq artisti Botir Zokirov haykali ochildi. Marosimda Shavkat Mirziyoyev va Farrux Zokirov ishtirok etdi. Prezident xonandaning memorial muzeyi, estrada san’ati xalqaro tanlovi va uning nomidagi stipendiya tashkil etilishini ma’lum qildi.
Jahon
“Chorshanba kunlari bo‘sh ekansan”. Bayden Trampni teledebatga chaqirdi va uning sudlardan bo‘shamayotganiga sha’ma qildi
AQSh prezidenti Jo Bayden bo‘lajak saylovlardagi raqibi Donald Trampni teledebatga chaqirdi va uning sudlardan bo‘shamayotganiga, faqat chorshanba kunlari vaqti bo‘lishiga sha’ma qildi. Tramp debat bo‘yicha chorlovni qabul qildi. Bayden jamoasi debatlar oldindan ovoz berish boshlanishidan avval o‘tishini istamoqda.
Slovakiya bosh vaziri suiqasddan so‘ng barqaror, ammo og‘ir ahvolda — Reuters
Suiqasd uyushtirilgan Slovakiya bosh vaziri Robert Fitso operatsiyadan keyin barqaror, ammo og‘ir ahvolda qolmoqda. Hujumda 71 yoshli yozuvchi gumonlanmoqda, u qotillikka urinishda ayblanmoqda.
Bizni o‘qiyotganingiz uchun rahmat!
