Туркия президенти Ражаб Тоййиб Эрдоған қарори билан Тожикистон фуқаролари учун визасиз режим бекор қилинди.
Исроил Ғазога инсонпарварлик ёрдами етказилиши учун янги йўналишлар, жумладан, ҲАМАС билан уруш бошланганидан бери ёпиқ бўлган анклав шимолидаги «Эрез» назорат-ўтказиш пунктини очишини маълум қилди. БМТ аввалроқ Ғазонинг шимолий вилоятларида оммавий очарчилик хавфидан огоҳлантирганди.
Оқ уй АҚШнинг NASA космик агентлигига Ой ва бошқа самовий жисмлар учун ягона вақт стандарти ишлаб чиқишни топширди. Бу Ой атрофидаги космик кемалар ва сунъий йўлдошлар учун вақт эталони бўлиб хизмат қилади.
3 апрель куни Тайванда сўнгги 25 йилда энг кучли зилзила содир бўлди. Оролнинг зилзилаларга мойиллиги бор, аммо уларнинг 23 млн нафар аҳолига таъсирини зилзилаларга кўрилган тайёргарлик сабаб камайтириш имкони топилган. Тайвань буни қандай уддалади — Reuters, AP ва National Post ҳикоялари.
Тадқиқотчилар ёнувчанликни камайтириш учун турли хил истеъмол маҳсулотларига қўшиладиган ёнишдан сақлайдиган моддалар — антипиренлар саратон касаллигидан ўлим хавфини сезиларли даражада ошириши мумкинлигини аниқлади.
Россия ИИВ хорижликларнинг мамлакатда вақтинча бўлиш муддатини йил давомида 90 кунгача қисқартиришни, шунингдек, киришда мажбурий бармоқ излари ва барча миграция ҳужжатлари ўрнини босувчи ягона шахсий гувоҳнома жорий этишни таклиф қилди.
«Крокус сити ҳолл»даги терактдан камида икки ҳафта олдин АҚШ Россияни айнан шу концерт зали ҳужум учун потенциал нишон экани ҳақида огоҳлантирган, деб ёзди Washington Post. Аввалроқ Россия разведка идоралари олинган маълумотлар жуда умумий бўлганини айтган эди.
Тайваннинг шарқий қирғоғида 7,4 магнитудали зилзила содир бўлди. Бироздан сўнг 6,5 магнитудали яна бир зилзила қайд этилди. Зилзила Тайвандаги сўнгги 25 йил ичида содир бўлган энг кучлиси экани маълум қилинди. Видео.
Истанбулда кўп қаватли уйнинг ертўласида жойлашган тунги клубда содир бўлган ёнғин оқибатида 29 киши ҳалок бўлди, яна етти киши жароҳатланди. Ёнғин таъмирлаш ишлари вақтида юз берган, ҳозирда унинг келиб чиқиш сабаби аниқланмоқда.
Исроил Дамашқдаги Эрон консуллигига ракета ҳужуми уюштирди, оқибатда Ислом инқилоби қўриқчилари корпусининг етти аъзоси, жумладан, икки генерал ҳалок бўлди. Теҳрон «кескин жавоб» бўлишини ваъда қилди.
Қирғизистон президенти Садир Жапаров нотижорат ташкилотлари тўғрисидаги қонунга уларни «хорижий вакиллар» деб эълон қилишга рухсат берувчи ўзгартиришларни имзолади. У қонун «мамлакатга фойда келтириши»ни айтди ва бундай ташкилотлар «таъқиб қилинмаслигига» ваъда берди.
Ғазодаги ҳаво ҳужумида World Central Kitchen озиқ-овқат ташкилотининг етти ходими ҳалок бўлди. Ташкилот бунда Исроилни айблади, аммо Исроил армияси зарба учун жавобгарликни ўз зиммасига олмади. WCK сектордаги ишини тўхтатмоқда. Ғазонинг 300 мингга яқин аҳолиси яқин орада очликдан ўлим топиши мумкин.
Ўн минглаб одамлар Тель-Авив ва Қуддус кўчаларига чиқиб, Исроилда муддатидан олдин сайловлар ўтказиш ва ҲАМАС гаровидагиларни озод қилишни талаб қилди. Бу намойишлар Ғазо уруши бошланганидан бери мамлакатдаги энг йириклари бўлди. Полиция намойишчиларни тарқатиш учун сув пуркагичлардан фойдаланди.
Туркиядаги муниципал сайловда 20 йил ичида илк бор мухолиф партия ғолиб бўлди. Барча йирик шаҳарлар, жумладан, Анқара ва Истанбулда мухолифат номзодлари ғалаба қозонди. Президент Эрдўған партияси мағлубиятга учраганини тан олди ва халқ иродасини эътиборсиз қолдирмасликка ваъда берди.
Россиянинг Олтой ўлкасида Ўзбекистон фуқароси Москвадаги «Крокус Сити Ҳолл»да содир этилган теракт ҳақида омма олдида айтган фикрлари учун терроризмни оқлаганликда айбланиб, қамоққа олинди. Унга беш йилгача қамоқ жазоси берилиши мумкин.
Нью-Йорк суди FTX криптобиржаси асосчиси Сем Бэнкман-Фридни мижозлардан миллиардлаб доллар ўғирлагани учун 25 йилга озодликдан маҳрум қилди. АҚШ прокуратураси буни Қўшма Штатлар тарихидаги энг йирик молиявий фирибгарликлардан бири деб атади.
Тожикистон Миллий хавфсизлик давлат қўмитаси Россия хавфсизлик кучлари билан биргаликда ИШИД ва «Крокус сити ҳолл» концерт залига ҳужум қилганларга алоқадорликда гумон қилинган тўққиз нафар шахсни қўлга олди. Терактда жароҳатланганлар сони 380 нафардан ортди.
Калифорния университети (АҚШ) янги тадқиқотига кўра, иқлим ўзгариши оқибатида қутб музликларининг эриши Ернинг айланиш тезлигига таъсир қилмоқда, бу эса, ўз навбатида, глобал вақт ҳисобини ўзгартириб юбориши мумкин.
Латвия ташқи ишлар вазири Кришьянис Кариньш бош вазир бўлган вақтида бюджет ҳисобидан шахсий самолётларда учгани билан боғлиқ можаро туфайли ўз лавозимини тарк этишини эълон қилди. У бош вазирлик пайтида 32 марта шахсий самолётларда чет эл сафарларига борган ва бу бюджетга 613 минг еврога тушган.
Россия армияси Украинага қарши янги йирик ҳужумни бошлаши мумкин, Киевнинг унга бардош бера олиш қобилияти эса бир йил аввалгига нисбатан «ишончсизроқ кўринмоқда», деб ёзди Economist. Украина зудлик билан кўпроқ қўшин мобилизация қилиши ва ишончли мудофаа чизиғи қуриши керак.
Қўшимча имкониятларга эга булиш учун сайтда рўйхатдан ўтинг