28 май куни Таиланд Вазирлар Маҳкамаси кўпроқ сайёҳларни жалб қилиш учун бир қатор янги виза имтиёзларини тасдиқлади, деб хабар бермоқда Bangkok Post нашри.
Жумладан, визасиз режим, талабалар учун узоқроқ қолиш имконияти ва нафақахўрлар учун мажбурий тиббий суғурта даражасини пасайтириш бунга мисолдир.
Ҳукумат вакили Чай Вачаронкенинг сўзларига кўра, визасиз кириш ҳуқуқига эга давлатлар сони 57 дан 93 тага кўпаяди. 36 та янги давлат қаторига Албания, Камбоджа, Хитой, Ҳиндистон, Ямайка, Қозоғистон, Лаос, Мексика, Марокаш, Панама, Руминия, Шри-Ланка ва Ўзбекистон киради.
Аввалги тартибда Ўзбекистон фуқаролари Таиландга етиб боргандан сўнг 30 кун қолиш шарти билан виза олишлари керак эди.
Ушбу схема бўйича ташриф буюрувчиларнинг қолиш муддати ҳам 60 кунгача узайтирилди, дейди ҳукумат вакили.
Бундан ташқари, ишлаш ва зиёрат туризмини хоҳловчилар 180 кунгача бўлган муддатга амал қиладиган беш йиллик визаларни олишлари мумкин, бу эса яна 180 кунга узайтирилиши мумкин. Ҳукумат вакилининг сўзларига кўра, аввал улар ҳар бири 30 кунлик икки марта қолиш ҳуқуқига эга эди.
Қайд этилишича, олий таълим мақсадида келган чет эллик талабалар ўқишни тугатгандан сўнг дарҳол мамлакатни тарк этишлари шарт эмас, балки бир йил давомида қолишлари мумкин эди.
Юқорида кўрсатилган чора-тадбирлар 1 июнь, шанба кунидан кучга киради.
