Жаҳон
Дания, Нидерландия ва АҚШ Украинага F-16 қирувчиларини топшириш жараёнини бошлади
Дания ва Нидерландия АҚШ кўмагида Украинага F-16 қирувчи самолётларини жўнатиш жараёнини бошлади. Киев шу йилнинг ёзида улардан фойдаланишни бошлаши кутилмоқда.
Копенгагенда экологик масъулиятли сайёҳлар мукофотланади
Дания пойтахти Копенгаген велосипед ҳайдаган ёки чиқинди йиққан сайёҳларни бепул тушлик ёки тадбир чипталари билан тақдирлашга қарор қилди. Расмийлар шу тарзда сайёҳларнинг экологияга зарарини қоплашни истамоқда.
Грузиянинг Европа Иттифоқига аъзолик жараёни тўхтатилди
Европа Иттифоқи Грузиянинг иттифоққа қўшилиш жараёнини тўхтатди. Мамлакатда «хорижий агентлар» тўғрисидаги қонуннинг қабул қилиниши номзодга кўрсатилган қадамлардан чекиниш деб баҳоланди. Еврокенгаш, шунингдек, Тбилисини «кузги парламент сайловлари эркин ва адолатли ўтишини таъминлашга» чақирди.
Россия Украинага ялпи ҳужумлар уюштирди, Киевдаги болалар шифохонасига зарар етди
Россиянинг Украина шаҳарларига уюштирилган кенг кўламли ракета ҳужуми оқибатида камида 20 киши ҳалок бўлди, 65 дан ортиқ киши жароҳатланди. Киевда мамлакатдаги энг йирик болалар шифохонасига жиддий зарар етди.
Франциядаги парламент сайловларида сўл коалиция ғалаба қозонди
Сўл партияларнинг «Янги халқ фронти» коалицияси Франциядаги парламент сайловларининг иккинчи босқичида ғалаба қозониб, 182 ўринни қўлга киритди. Биринчи турда ғалаба қозонган ўта ўнглар учинчи бўлди.
Масъуд Пезешкиён Эрондаги президентлик сайловида ғалаба қозонди
Эронда ўтган президентлик сайловининг иккинчи босқичида Масъуд Пезешкиён ғалаба қозонди. Этник озарбайжон бўлган Пезешкиёнга 16,4 млн эронлик — сайловда қатнашганларнинг 54,8 фоизи овоз берди. Унинг рақиби Саид Жалилий эса 13,5 млн овоз тўплади.
Исроил ҲАМАС билан музокараларни тиклашга рози бўлди
Исроил ҲАМАСдан Ғазода ўт очишни тўхтатиш бўйича янги таклифлар олди ва бир неча ой давомида берк кўчага кириб қолган музокараларни давом эттиришга рози бўлди.
Дунё мамлакатлари ҳаво ифлосланишига қарши қандай курашмоқда?
Ҳаво ифлосланиши инсон саломатлиги учун энг жиддий экологик таҳдидлардан бири. Муаммо йилига 4,2 млн кишининг бевақт ўлими сабаби бўлмоқда. Дунё мамлакатлари бунга қарши қандай курашаётгани — Марказий Осиёда тоза ҳаво яратиш конференцияси шарҳида.
Британия сайловларида лейбористлар ғалаба қозонди, Кир Стармер янги бош вазир бўлади
Британияни 14 йил бошқарган Консерватив партия парламент сайловларида мағлуб бўлди. Навбатдаги бош вазир Кир Стармер бошчилигидаги Лейбористлар партияси кўпчилик овозларни қўлга киритди.
«Охиригача». Байден президентлик пойгасидан чиқишдан бош тортди
АҚШ президенти Жо Байден Дональд Трамп билан муваффақиятсиз дебатдан сўнг сайловда ўз номзодини қайтариб олмаслигини айтди. «Ҳеч ким мени ташқарига итариб юбормаяпти. Мен бу пойгада охиригача қатнашаман», — деди у.
Беларусь ШҲТнинг 10-аъзосига айланди
Беларусь Шанхай ҳамкорлик ташкилотининг 10-тўлақонли аъзосига айланди. Қарор ШҲТнинг Остонадаги саммитида маъқулланди.
Жо Байден сайловолди пойгасидан чиқса, унинг ўрнини Камала Ҳаррис эгаллаши мумкин — Reuters
Жо Байденнинг Дональд Трамп билан дебатдаги муваффақиятсиз чиқиши Демократик партия ичида ваҳима ва унинг номзодини алмаштириш ҳақидаги гап-сўзларга сабаб бўлди. АҚШ вице-президенти Камала Ҳаррис энг яхши альтернатив ҳисобланяпти, деб ёзди Reuters.
Ҳиндистонда диний йиғиндаги тиқилинчда 120 дан ортиқ одам ҳалок бўлди
Ҳиндистоннинг Уттар-Прадеш штатида диний йиғинда юз берган тиқилинчда камида 121 киши ҳалок бўлди, 30 дан ортиқ киши жароҳат олди. Қурбонларнинг кўпчилигини аёллар ташкил этди.
АҚШ ишчиларни иссиқдан асраш стандартларини қабул қилишни режалаштирмоқда
АҚШ Меҳнат вазирлиги мамлакатда илк бор ишчиларни аномал иссиқдан ҳимоя қилиш бўйича стандартларни таклиф қилди. Агар у тасдиқланса, иш берувчилардан иссиқ ҳарорат билан курашиш режаларига эга бўлиш ва ишчиларга соя ҳамда сувдан фойдаланиш имкониятини бериш талаб қилинади.
Исроил ҳарбий раҳбарлари ўқ-дори тақчиллиги фонида Ғазода сулҳ тузиш тарафдори — NYT
Исроил ҳарбий раҳбарияти снарядлар тақчиллиги шароитида, ҳатто ҲАМАС ҳозирча ҳокимиятда қолса ҳам, Ғазода сулҳ тузиш тарафдори, деб ёзди New York Times. Бу, ҳарбийларга кўра, гуруҳ қўлидаги гаровга олинганларни озод қилишнинг энг яхши йўли бўлади.
АҚШ Олий суди Трампнинг жиноий таъқибдан қисман дахлсизлигини тан олди
АҚШ Олий суди собиқ президентларнинг жиноий жавобгарликка тортилишдан қисман дахлсизлиги ҳақида қарор чиқарди. Суд бу қарорни Дональд Трампнинг Капитолийга бостириб киришга алоқадорлиги ҳақидаги иш билан боғлиқ даъвоси бўйича қабул қилди.
Олимлар парранда гриппи пандемияси «секинлик билан ривожланмоқда» деб қўрқади — Reuters
Парранда гриппи тарқалишини кузатаётган олимлар H5N1 пандемияси «секинлик билан ривожланмоқда» деб қўрқмоқда, деб ёзди Reuters. ЖССТ аввалроқ сутэмизувчиларда вирус билан касалланиш жиддий муаммо эканини тан олган эди.
Франциядаги парламент сайловларининг биринчи турида ўта ўнглар ғалаба қозонди
Франция парламенти сайловларининг биринчи турида Марин Ле Пеннинг «Миллий бирлашув» партияси етакчилик қилди. Бу ўта ўнглар учун тарихий рекорд. Агар партия иккинчи турда кўпчилик овозни қўлга кирита олса, бош вазирлик лавозимини Ле Пеннинг протежеси — 28 ёшли Жордан Барделла эгаллаши мумкин.
Қозоғистон регулятори Toncoin криптовалютаси билан савдо қилишни маъқуллади
Қозоғистонда энди Toncoin криптовалютаси билан тегишли лицензияга эга платформаларда эркин савдо қилиш мумкин. Қарор Павел Дуровнинг мамлакатга ташрифи чоғида қабул қилинди.
«Фожиа». Байден ва Трампнинг биринчи дебати қандай ўтди?
АҚШда Жо Байден ва Дональд Трамп ўртасидаги илк сайловолди дебати бўлиб ўтди. Номзодлар иқтисод, Украинадаги урушни муҳокама қилишди ва бир-бирларини «энг ёмон президентлар» деб аташди. Томошабинлар республикачини танлашини билдирди, Байденнинг «тушунарсиз» нутқи демократлар орасида ваҳима уйғотди.
Энг кўп ўқилган хабарлар | Сўнгги янгиликлар
- «Демократия ҳар қандай унвондан муҳимроқ». Байден сайловдан нега воз кечганини изоҳлади
- КХДР Жанубий Кореяга чиқинди шарларини учиришда давом этмоқда, улардан бири президент қароргоҳига тушди
- АҚШ Махфий хизмати раҳбари Трампга суиқасддан сўнг истеъфога чиқди
- «Исроил тўлиқ ғалабагача курашади». Нетаньяҳу АҚШ Конгрессида нутқ сўзлади
Қўшимча имкониятларга эга булиш учун сайтда рўйхатдан ўтинг