Қозоғистон энергетика вазири Болат Акчулаков Қозоғистоннинг куздан бошлаб Баку-Тбилиси-Жайҳан йўналиши бўйича нефть ташиш нияти ҳақидаги маълумотни рад этди. Аввалроқ Reuters Қозоғистон ҳукумати нефтнинг бир қисмини Россияни четлаб ўтиб экспорт қилмоқчи экани ҳақида хабар берган эди.
Якшанба куни Еревандаги «Сурмалу» савдо мажмуасида йирик портлаш юз берди. Бунинг оқибатида камида 6 киши ҳалок бўлди. Яна 60 дан ортиқ киши жароҳатлангани айтилмоқда, 17 киши эса бедарак йўқолган деб ҳисобланмоқда.
Қозоғистон ўз нефтининг бир қисмини Россия ўз қувурларини ёпиб қўйиш билан таҳдид қилгани боис муқобил йўллар орқали сотишни режалаштирмоқда, дея хабар қилди Reuters. Бунинг учун Озарбайжоннинг энг йирик нефть қувуридан фойдаланишни ҳам кўзламоқда.
Япониянинг амалдаги бош вазири Фумио Кисиданинг Вазирлар Маҳкамаси тўлиқ таркиб билан истеъфога чиқди. Истеъфо Япония ҳукуматида бўлиши кутилаётган ўзгаришлар фонида юз берди.
АҚШ Конгресси Вакиллар палатаси спикери Нэнси Пелоси Хитой ҳукуматининг огоҳлантиришларига қарамай, Тайванга келди. Хитой ТИВ норози бўлиб: «АҚШ хавфли йўлдан узоққа бормаслиги керак», дея маълум қилди. ХХР армияси орол атрофида ҳарбий машғулотлар ўтказишни режалаштирмоқда.
АҚШ президенти Жо Байден «Ал-Қоида» етакчиси Айман аз-Завоҳирий Афғонистон пойтахти Кобулда ўтказилган аксилтеррор операцияси чоғида ўлдирилганини маълум қилди. Шу билан бирга, унинг оила аъзолари жабрланмаган, тинч аҳоли орасида қурбонлар йўқ.
Иқлим ўзгариши муаммоси йилдан-йилга долзарблашиб бормоқда. Нима сабабга кўра иқлим бунчалик инжиқ бўлиб қолди? Бу ҳолатни ўзгартириш учун биз нима қилишимиз лозим? Бизни келажакда нималар кутмоқда? «Газета.uz» ушбу мақолада барчамизни қийнаётган саволларга жавоб беради.
Қозоғистон Россия билан муносабатларини қайта кўриб чиқишга қарор қилди ҳамда АҚШ, Туркия ва Хитой тимсолида иттифоқчи қидира бошлади, деб ёзади WSJ. Мамлакат савдо йўлларини диверсификация қилишга тушди, мудофаа бюджетини оширди ва Туркия билан жанговар дронларни ишлаб чиқаришга келишиб олди.
Алишер Усмоновнинг жиянлари Буюк Британия санкциялари рўйхатига киритилди. Британия ҳукумати маълумотларига кўра, улар Лондоннинг иккита элит ҳудудида уйларга эга. Уларнинг активлари музлатилган.
«Толибон»га Афғонистонда инклюзив сиёсий жараённи бошлаш учун ҳали ҳам кеч эмас, деди Евроиттифоқ махсус вакили Томас Никлассон. У аксарият афғонлар қарорлар қабул қилиш жараёнидан четда қолганини таъкидлаб, инсон ҳуқуқларининг поймол этилиши ва қўрқувга асосланган жамият қуриш хавфи ҳақида гапирди.
Ўзбекистон мобиль интернет нархининг арзонлиги бўйича дунёда 15-ўринга чиқди. Мамлакатда 1 ГБ мобил интернетнинг ўртача нархи йил давомида деярли 40 фоизга, уч йил ичида эса қарийб 9 мартага арзонлашган.
Жаҳон соғлиқни сақлаш ташкилоти раҳбари маймунчечакни глобал фавқулодда ҳолат деб эълон қилди. Дунёда аллақачон 16 мингдан ортиқ касалликка чалиниш ҳолатлари аниқланган ва Европага чечак тарқалиши катта таҳдид солмоқда.
Истанбулда Украина, Туркия, Россия ва БМТ ўртасида украин донини денгиз орқали экспорт қилиш бўйича битим имзоланди. «Бу бутун дунёдаги миллионлаб одамлар учун озиқ-овқат танқислиги фалокатининг олдини олишга ёрдам беради. Бу умид маёғидир», — деди БМТ бош котиби Антониу Гутерриш.
Драупади Мурму 64,03% овоз билан Ҳиндистон президенти этиб сайланди. У Пратибха Патилдан кейин мамлакат тарихидаги иккинчи аёл президент бўлди.
Шри-Ланканинг янги президенти этиб собиқ бош вазир Ранил Викрамасингхе сайланди. У 134 та, рақиби эса 82 та овоз олди.
ЖССТ Ганада икки киши Марбург вируси аломатлари сабабли вафот этганини маълум қилди. Бу янги касаллик эмас. Уни кўпинча Эбола вирусининг «қариндоши» деб аташади. Аммо у қаердан пайдо бўлди? У хавфлими? «Газета.uz» ушбу саволларга жавоб беради.
Украина президенти бош прокурор Ирина Венедиктова ва хавфсизлик хизмати раҳбари Иван Бакановни ишдан бўшатди. У бу қарорни миллий хавфсизлик асосларига қарши кўплаб жиноятлар, шунингдек, Украина ҳуқуқ-тартибот идоралари ходимлари ва Россия махсус хизматлари ўртасидаги алоқалар билан изоҳлади.
Жаҳон шахмат рейтингида ўзбекистон илк бор кучли йигирматаликка кирди. Биринчи учта ўринни АҚШ, Россия, Хитой эгаллаб турибди. Марказий Осиё давлатларидан Қозоғистон — 37, Қирғизистон — 76, Тожикистон — 85, Туркманистон — 116 — ўринда бормоқда.
Қозоғистон президенти Қасим-Жомарт Тоқаев Россияда ўз фаолиятини тўхтатган ёки ушбу бозорни бутунлай тарк этган йирик хорижий компанияларнинг Қозоғистонга кўчиб ўтиши учун қулай шарт-шароитлар яратиш бўйича топшириқ берди.
Қирғизистон президенти давлат ва муниципал мактаблари директорларини танлов асосида ишга қабул қилишни жорий этиш тўғрисидаги фармонни имзолади. Мактаб директорлари 5 йил муддатга тайинланади, шундан сўнг улар яна рақобатлашиши керак бўлади.
Қўшимча имкониятларга эга булиш учун сайтда рўйхатдан ўтинг