Март ойида Ўзбекистонда 2023 йилнинг мартига нисбатан газ (-6,5 фоиз) ва нефть (-11,1 фоиз), шунингдек, бензин (-1,6 фоиз) қазиб олиш камайди. Кўмир қазиб олиш эса бироз ошди (+0,9 фоиз).
Йил бошидан буён Ўзбекистоннинг ташқи савдо айланмаси 9,9 млрд долларга (+10,5 фоиз) етди. 2,66 млрд долларни ташкил этган импорт ва экспорт ўртасидаги фарқ февралда 1,3 млрд долларлик олтин сотилиши ҳисобига бироз қисқарди. Туркия, Қозоғистон ва Қирғизистон билан савдо айланмаси ҳажми камайди.
Февралда Ўзбекистонда газ, нефть, электр энергияси ва бензин ишлаб чиқариш ҳажми пасайди. Ой давомида газ қазиб олиш 284,4 млн куб метрга, бензин ишлаб чиқариш 8,1 минг тоннага, электр ишлаб чиқариш 626,6 млн кВт/соатга камайди. Нефть ишлаб чиқариш ҳажми кетма-кет еттинчи ой пасайди.
Ўзбекистонда февралда сўнгги саккиз йилдаги энг паст — 0,3 фоизлик инфляция қайд этилди, йиллик инфляция 8,35 фоизгача секинлашди. Статистика агентлигига кўра, деярли барча асосий турдаги озиқ-овқат маҳсулотлари нархи арзонлашди, бензин ўртача 1,1 фоизга қимматлади, маиший техника нархлари ошди.
Ўзбекистонда 2023 йилда қарийб 3600 нафар вояга етмаганлар жиноят содир этди. Беш йил давомида бу кўрсаткич қарийб 4,4 баробарга ошди. Йил давомида товламачилик 70, безорилик 60, қасддан баданга оғир шикаст етказиш 40, номусга тегиш ва одам ўлдиришга уриниш эса 20 фоизга кўпайди.
Январь якуни бўйича Ўзбекистонда газ қазиб олиш ҳажми 3,99 млрд куб метрни ташкил этди, бу 2023 йил январига нисбатан 9,4 фоизга кам, сўнгги ойлардаги ҳажмлардан эса юқори. Нефть, кўмир, бензин ва дизель ёнилғиси ишлаб чиқариш ҳажми ҳам пасайган. Ишлаётган саноат корхоналари 25,2 мингтага камайди.
Ўзбекистонда 2019−2023 йилларда рўйхатга олинган жиноятлар сони 2,3 баробарга — 46 мингдан 104 мингтага ошган. 2021 йилдаги кескин кўтарилишдан сўнг босқичма-босқич пасайиш кузатилмоқда. Шу билан бирга, йил давомида ўта оғир ва оғир жиноятлар сони ортган.
Ўзбекистонда жисмоний шахсларга тегишли автомобиллар сони 4 млн 20 мингтани ташкил этди. Бир йил давомида кўрсаткич салкам 400 мингтага кўпайган. Аҳолига тегишли жами автотранспорт воситаларидан 93 фоизи енгил автомобиллар ҳисобланади.
Ўзбекистонда 2023 йилда ўртача номинал иш ҳақи 17,2 фоизга ошди — 4,55 млн сўм. Ўсиш суръати 2021−2022 йилларга нисбатан пастроқ бўлди. Пойтахт ва вилоятлар ўртасидаги иш ҳақи фарқи ўсишда давом этмоқда. Энг паст иш ҳақи ҳамон соғлиқни сақлаш ва таълим соҳасида сақланиб қолмоқда.
2023 йилда Ўзбекистон 73 мингдан ортиқ автомобиль импорт қилди, бу аввалги йилга нисбатан 2,4 баробар кўп. Хитойдан автомобиль олиб келиш ҳажми эса 5,2 баробар ошди. Импорт қиймати қарийб 1,8 миллиард долларга етди.
Ўзбекистонда 2023 йилда камбағаллик даражаси 3,1 фоизга қисқариб, 11 фоизни ташкил этди. Камбағалликнинг пасайиши барча вилоятларда қайд этилгани маълум қилинди.
Ўзбекистоннинг доимий аҳолиси сони 2024 йил 1 январь ҳолатига 36 799 800 кишини ташкил этди. Статистика агентлиги 2023 йилги демографик кўрсаткичларни эълон қилди.
Ўзбекистоннинг товар айланмаси 2023 йилда 23,8 фоизга ошиб, 62,6 млрд долларни ташкил этди. Савдо тақчиллиги рекорд даража — 13,7 млрд долларга етди. Экспортнинг учдан бир қисмини рекорд даражада сотилган олтин ташкил этди. Озиқ-овқат, нефть ва газ импорти кескин ошди.
Ўзбекистон иқтисодиёти 2023 йилда 6 фоизга ўсиб, 1,07 квадриллион сўмни (90,8 миллиард долларга яқин) ташкил этди. Аҳоли жон бошига ялпи ички маҳсулот ҳажми 28,98 миллион сўмга (2468 доллар) ўсди, дея хабар бермоқда Статистика агентлиги.
2023 йил якунига кўра Ўзбекистонда 8,77 фоизли инфляция қайд этилди, бу 2016 йилдан бери энг паст кўрсаткич саналади. Йил давомида гуруч 38,7%, гўшт 9,3%, сут 13,3%, тухум 11,7%, шакар 11% га қимматлади. Бензин нархи 19,1%, пропан нархи эса 29,4% га ошди.
11 ой якунларига кўра, Ўзбекистонда 355,2 минг дона ёки 2022 йилнинг шу даврига нисбатан 25,9 фоизга кўп автомобиль ишлаб чиқарилди. Энг кўп Cobalt автомобили ишлаб чиқарилган (104,6 мингта). Шунингдек, Chery ишлаб чиқариш кескин ўсди ва автобуслар ишлаб чиқариш импортнинг кўпайиши фонида камайди.
2023 йилнинг 11 ойида Ўзбекистоннинг ташқи савдо айланмаси 57,3 млрд долларга (+26,2 фоиз) етди. Импорт экспортдан қарийб 11 млрд долларга ошди. Олтин экспорти 2,3 баравар кўпайиб, рекорд даража — 8,1 млрд долларни ташкил этди. Самолётлар, автомобиллар, нефть ва бошқа ресурслар импорти юқорилади.
Ноябрь ойи якуни бўйича Ўзбекистонда 1,1 фоизлик инфляция қайд этилди, йиллик инфляция 8,8 фоиздан пасайди — бу сўнгги 7 йилдаги энг паст кўрсаткич. Ўтган ойда тухум ва шакар нархи ошган, мол гўшти, ун ва сариёғ эса арзонлашган. Бензин ва пропан нархи ошиб бормоқда, поезд чипталари ҳам қимматлади.
Сентябрь ойида Ўзбекистон Хитойга 41,6 млн долларлик газ етказиб берди — бу апрелдан бери етказиб беришнинг минимал ҳажми бўлди. Йил бошидан буён Хитойга газ экспорти 412,2 млн долларни ташкил этди, бу ўтган йилнинг шу даврига нисбатан деярли 1,9 баробар кам.
Ўзбекистонда январь-сентябрь оралиғида ажрашганларнинг ўртача ёши эркакларда 37, аёлларда 32,9 ни ташкил этди. Никоҳланганларнинг ўртача ёши аёлларда 22,5, эркакларда 27,3 ёш бўлган. Ажрашган оилаларнинг ярмидан кўпида фарзанд бўлмаган.
Қўшимча имкониятларга эга булиш учун сайтда рўйхатдан ўтинг