Президент ҳузуридаги Статистика агентлиги маълумотларига кўра, 2023 йил якунига кўра Ўзбекистонда ялпи ички маҳсулот ҳажми жорий нархларда 1,07 квадриллион сўмни ташкил қилди.
Иқтисодий ўсиш 2022 йил даражасига нисбатан 6 фоизга етди. Ўртача доллар курси бўйича (11 741 сўм) ўтган йили номинал ЯИМ 90,8 миллиард долларни ташкил этди, бу 2022 йилга нисбатан 10,4 миллиард долларга кўпдир. ЯИМ ҳақида батафсил маълумотлар Статистика агентлигининг ЯИМ ишлаб чиқариш бўйича алоҳида ҳисоботида эълон қилинади.
Аҳоли жон бошига ялпи ички маҳсулот 28,98 миллион сўмни (2468 долларга яқин) ташкил этди. Бу кўрсаткич 4,07 миллион сўмга ёки сўм билан ифодаланганда 16,3 фоизга (9,4 фоизга ёки 213 долларга) ошди.
Саноат соҳасида ўсиш 6 фоиз — 655,8 триллион сўмни ташкил этади. Саноат ишлаб чиқаришининг умумий ҳажмида ишлаб чиқариш саноатининг улуши 84,4 фоизни, тоғ-кон саноати ва карьерларни қазиб олишнинг улуши 8,4 фоизни, электр таъминоти, газ, буғ ва ҳавони тозалаш 6,7 фоизни, сув таъминоти, канализация, чиқиндиларни йиғиш ва утилизация қилиш тармоқларида 0,5 фоизни ташкил этди.
Қишлоқ, ўрмон ва балиқ хўжалигининг ҳажми 4,1 фоизга ошиб, 426,3 триллион сўмни ташкил этди. Фермер хўжаликлари тоифалари бўйича таҳлил қилиш шуни кўрсатадики, қишлоқ хўжалиги маҳсулотлари умумий ҳажмининг 63,1 фоизи деҳқон ва ёрдамчи хўжаликлар, 29,8 фоизи шахсий фермер хўжаликлари, 7,1 фоизи қишлоқ хўжалиги ташкилотлари ҳиссасига тўғри келди.
Қурилиш соҳаси 6,4 фоизга (149,86 триллион сўмгача), хизматлар соҳаси 6,8 фоизга (470,3 триллион сўмга) ўсди.
