Дунё бўйича коронавирус билан касалланганлар сони 60,4 млн га етди. COVID-19 дан тузалганлар сони 38,7 млн дан ошган бўлиб, вафот этганлар сони эса 1,4 млн дан кўпроқни ташқил қилмоқда. Энг кўп зарарланганлар АҚШ, Ҳиндистон ва Бразилия мамлакатларига тўғри келмоқда.
Қозоғистон президенти Қасим-Жомарт Тоқаевнинг маълум қилишича, COVID-19 га қарши Россия вакцинасининг ишлаб чиқарилиши Қозоғистонда ҳам йўлга қўйилади. Бунинг учун мамлакатда завод очилади.
Италия COVID-19 билан касалланганлар беморлар сони 1 миллиондан ошган ўнинчи мамлакат бўлди. Шунингдек, бу кўрсаткичга Мексика (986 минг) ва Перу (925 минг) мамлакатлари яқин турибди.
Пандемия сабабли юзага келган инқироз кўпроқ қашшоқлар, кўп болали оилалар ва меҳнат муҳожирларининг оилаларига зарар етказди. Кичик бизнес соҳасида эса инқироз сайёҳлик ва умумий овқатланиш корхоналарига катта зарба берди.
АҚШда сўнгги 24 соат давомида коронавирус юқтирганларнинг умумий сони 10 миллиондан ошиб кетди. Мамлакатда асосий инфекция тарқалиш ўчоқлари Техас, Калифорния ва Флорида штатлари бўлиб турибди.
Клиник синовлари ўтказилиши режалаштирилаётган Хитой вакцинаси Тошкентга олиб келинди. Вакцина махсус шароитларда сақланмоқда. Режага асосан улар 5000 нафар кўнгиллида синовдан ўтказилади.
Дунё бўйлаб COVID-19 билан касалланганлар сони 50 миллиондан ошди, 1,2 млн беморлар вафот этди.
Covid-19 га қарши вакцина нафақат Хитой, балки вакцина ишлаб чиқилаётган бошқа давлатлардан ҳам келтирилиши режалаштирилмоқда. Инновацион ривожланиш вазири аҳолига ҳар қандай вакцинани олиб келиш учун бир неча вакциналарнинг синовини параллель равишда ўтказиш зарурлигини таъкидлади.
Европанинг бир қатор мамлакатларида COVID-19 билан боғлиқ вазият кескин тус олмоқда. Франция, Германия, Буюк Британия ҳукуматлари карантин чораларини кучайтиришга қарор қилди. Испанияда ва Германияда ушбу чораларга қарши бир қатор намойишлар бўлиб ўтди.
Коронавирусга қарши ишлаб чиқилган Хитой вакцинаси синовининг учинчи босқичи 5 мингга яқин ўзбекистонликларда ўтказилиши режалаштирилмоқда. Синовлар муваффақиятли якунланса, Ўзбекистон вакцинани имтиёзли нархларда сотиб олиши мумкин.
Европа мамлакатларида COVID-19 билан касалланиш ҳолатлари кўпайиб бораётгани сабабли карантин чекловлари кучайтирилмоқда. Испанияда бутун бошли вилоят икки ҳафтага ёпилади, Франция ва Бельгияда фавқулодда ҳолат жорий этилди.
Тошкент транспорт бошқармаси бошлиғи Анвар Жўраев йирик автобус бекатлари ва метрога кираверишда катта ҳажмли ахлат қутилари ўрнатилишини маълум қилди. Шунингдек, у пойтахтдаги жамоат транспорти йўловчиларига бепул тарқатиладиган бир марталик қўлқопларнинг нархини ошкор қилди.
Дунё мамлакатлари бўйлаб COVID-19 инфекцияси аниқланган беморлар сони 40 млн кишидан ошди. Энг кўп беморлар АҚШ, Ҳиндистон ва Бразилияда қайд этилган. COVID-19 қурбонларининг умумий сони эса 1 млн 113 мингдан ошди.
ЖССТ таҳлилларига кўра, ремдесивир, гидроксихлорохин, лопинавир/ритонавир ва интерферон каби дори воситалари COVID-19 ни даволашда фойдаси кам ёки умуман самарасиз деб топилди. Олдинроқ, ССВ беморларни ремдесивир ёрдамида даволаётгани, ушбу дори воситаси ижобий натижалар бераётгани ҳақида айтган эди.
14 октябрдан бошлаб Нурсултонда карантин чекловлари кучайтирилди: кафе, ресторан, барларнинг иш вақти қисқартирилди, давлат хизматчиларининг катта қисми масофадан ишлаш тизимига ўтишмоқда.
Жаҳон соғлиқни сақлаш ташкилоти дунёда COVID-19 билан касалланганлар сонининг бир кунлик рекорд даражадаги ўсишини қайд этди — кунига 338 мингдан ортиқ киши. Аксарият ҳолатлар Шимолий ва Жанубий Америка ҳамда Европага тўғри келмоқда.
Наманган вилояти ҳокими ўринбосари Баҳромжон Нурматов коронавирусдан сўнг вафот этди. У 2017 йилдан буён Наманган вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида ишлаб келаётган эди.
АҚШ президенти Дональд Трамп ва унинг рафиқаси Мелания Трампда COVID-19 инфекцияси аниқланди. Аввалроқ Трампнинг маслаҳатчиларидан бири Хоуп Хикснинг коронавирус билан касаллангани маълум бўлган эди.
Дунё бўйлаб COVID-19 касаллигидан вафот этган беморларнинг сони 1 млн дан ошди. Мамлакатлар орасида энг кўп қурбон АҚШ (205 минг киши), Бразилия (142 минг) ва Ҳиндистонга (96 минг) тўғри келмоқда.
Ўзбекистонда COVID-19 нинг кенг тарқалишини олдини олиш учун Европа Иттифоқи томонидан 2 млн евродан ортиқ маблағ ажратилди. Ушбу маблағлар коронавирус инфекциясига чалинган беморлар билан ишламайдиган, бошқа соҳадаги тиббиёт ходимларини шахсий ҳимоя воситалари билан таъминлашга сарфланади.
Қўшимча имкониятларга эга булиш учун сайтда рўйхатдан ўтинг