Жаҳон соғлиқни сақлаш ташкилоти COVID-19 юқтириш ҳолатлари бўйича ҳафталик рекорд ўрнатилганини эълон қилди — бир ҳафтада 2 млн киши инфекция юқтирган. Касалланганларнинг катта қисми Шимолий ва Жанубий Америкага тўғри келади.
Globus Relief хайрия ташкилоти (АҚШ) Ўзбекистонга коронавирусга курашишга кўмаклашиш мақсадида 800 минг долларлик тиббий препаратлар ва маҳсулотларни етказиб берди. Гуманитар ёрдам чекка ҳудудлардаги тиббиёт муассасаларига юборилади.
Буюк Британия ҳукумати коронавирус ҳолатлари сони кўпайгани сабабли олти кишидан ортиқ ҳолда гуруҳ бўлиб тўпланишни тақиқлади. Тақиқни бузганлар 100 фунтдан 3200 фунтгача жаримага тортилади.
Россияда эпидемия бошланганидан бери 1 млн дан ортиқ COVID-19 ҳолатлари рўйхатга олинган. Дунё бўйича эса ушбу кўрсаткич 25,7 млн дан ошган. Россия рўйхатга олинган ҳолатлар бўйича АҚШ, Бразилия ва Ҳиндистон мамлакатларидан кейин тўртинчи ўринда турибди.
27 август куни Туркиядан 16 нафар тажрибали мутахассислардан иборат тиббий гуруҳ, коронавирусга қарши курашаётган шифокорларга ёрдам бериш ва тажриба алмашиш мақсадида Ўзбекистонга йўл олишди.
Гонконг университети олимлари коронавирус билан қайта касалланиш ҳолатини тасдиқлашди. Коронавирусдан даволаниб чиққан йигитга бир неча ойдан кейин яна COVID-19 ташхиси қўйилган.
5 ёшгача бўлган болаларга коронавирус пандемияси даврида тиббий ниқоб тақиш шарт эмас, дея хулоса қилди ЖССТ экспертлари. 6−11 ёшда вазиятга қараб ниқоблар тақиш керак, масалан, яшаш жойида инфекциянинг оммавий тарқалиши ёки хавф остида бўлган одамлар билан доимий алоқада бўлганда. 12 ёшдан бошлаб ниқобларни мунтазам равишда тақиш тавсия этилади.
Дунёда рўйхатга олинган коронавирус ҳолатлари сони 22 млн дан ошди, 780 мингдан ортиқ одам вафот этди. Энг кўп касалланиш ҳолатлари АҚШ, Бразилия ва Ҳиндистонда кузатилмоқда.
Россия президенти Владимир Путин COVID-19 га қарши илк вакцина рўйхатдан ўтказилганини, тез орада вакцина катта миқдорда ишлаб чиқарила бошланишини маълум қилди. Кўплаб фармкомпаниялар Россия соғлиқни сақлаш вазирлигини ушбу вакцинани рўйхатдан ўтказишга шошмасликка чақираётган эди.
Дунё бўйлаб аниқланган коронавирус ҳолатлари 20 млндан ошди. Бунда, 12,35 млн нафар бемор COVID-19 инфекциясидан соғайган ва 736 минг нафари эса ҳаётдан кўз юмган. Ҳозиргача АҚШ, Бразилия ва Ҳиндистонда энг кўп коронавирус билан зарарланиш ҳолатлари қайд этилган.
Тошкент ҳокимияти sogboling.uz сайтини ишга туширди. Сайт ёрдамида коронавирус билан оғриган беморлар тиббий хизматлар сифатини баҳолашлари, муаммолар юзага келган тақдирда, шикоят қилишлари мумкин.
COVID-19 беморлари сони 274 нафарга ортиб, жами 28809 кишини ташкил этмоқда. Янги ҳолатларнинг 36 нафари Тошкент шаҳрида, 130 нафари Тошкент вилоятида ҳамда 8 нафари Қорақалпоғистонда қайд этилди. Шу юилан бирга, икки нафар COVID-19 бемори вафот этди.
Twitter Дональд Трампнинг саҳифасида COVID-19 ҳақида ёлғон маълумотларни ўз ичига олган видео пайдо бўлганидан кейин АҚШ президентининг аккаунти орқали пост ёзиш имкониятини чеклашга қарор қилди. Шунингдек, Facebook ҳам АҚШ президентининг жойлаган постини ижтимоий тармоқдан ўчириб юборди.
Коронавирус беморлари сони 289 нафарга ортиб, жами 20820 кишини ташкил этмоқда. Янги ҳолатлар Тошкент шаҳрида, Бухоро, Сирдарё, Наманган, Андижон, Жиззах ва Навоий вилоятларида қайд этилди. Шу билан бирга, яна бир коронавирус бемори вафот этди.
Тошкент шаҳри туманлари ҳокимлари COVID-19 пандемияси оқибатлари ва охирги пайтда туманда қилинаётган ҳаракатлар ҳақида маълумотлар бериш, аҳолини ҳамжиҳатликка чақириш мақсадида эфир орқали ҳалққа юзланишди. Айрим ҳокимлар COVID-19 оқибатлари учун халқдан узр сўрашди.
Ўзбекистонда коронавирусга чалингани расман тасдиқланган беморлар сони 165 нафарга ошиб, умумий кўрсаткич 17 755 тага етди. Янги касалланиш ҳолатларининг асосий қисми — 104 таси Тошкентда, 54 таси эса Андижонда аниқланди.
Хитойнинг Sinopharm Group компанияси коронавирус вакцинаси синовларининг якуний босқичини Ўзбекистонда ўтказиш таклифини билдирди. Янги вакцина БААда ҳам синовдан ўтказилади.
Тошкент шаҳар ҳокимлиги ва Соғлиқни сақлаш вазирлиги 40 та СЎВ ва 200 та СИПАП аппаратларини харид қилишди. Тез тиббий ёрдам ва СЭОМлар учун 50 дона Damas русумли автомобиллар сотиб олинган.
Ҳиндистон коронавирус билан касалланганларнинг умумий сони 1 миллиондан ошган учинчи давлатга айланиб, АҚШ (3,5 млн дан ортиқ) ва Бразилия (2 млн дан ортиқ) мамлакатларидан кейинги ўринда кетмоқда.
Ёшлар иттифоқининг икки нафар ходимида коронавирус ҳолати аниқлангани сабабли марказий кенгаш биноси карантинга ёпилди. Бундан ташқари, Ёшлар ишлари агентлиги раисининг ўринбосари Дилноза Каттахонова ўзида коронавирус аломатлари сезилганлигини маълум қилди.
Қўшимча имкониятларга эга булиш учун сайтда рўйхатдан ўтинг