Жаҳон соғлиқни сақлаш ташкилоти (ЖССТ) 5, 6−11 ва 12 ёшдан кичик болалар учун шахсий ҳимоя воситаларини тақиш бўйича кўрсатмаларни эълон қилди.
Беш ёшгача бўлган болалар ниқоб тақишлари шарт эмас. Ушбу тавсия боланинг хавфсизлиги ва умумий қизиқишига, шунингдек минимал фойда билан ниқобни тўғри кийиш қобилиятига асосланади, дея таъкидлайди ЖССТ.
6 ёшдан 11 ёшгача бўлган болалар томонидан ниқобнининг тақилишида қуйидаги омиллар эътиборга олиниши керак: боланинг яшаш жойида инфекциянинг кенг тарқалиши, ниқобларнинг етарли бўлиши, ниқоб тақишнинг бола тарбияси ва руҳий-ижтимоий ривожланишига таъсири, шунингдек, боланинг хавф остида бўлган одамлар билан, айниқса кексалар ва сурункали касалликлардан азият чекаётган инсонлар билан ўзаро алоқаси.
ЖССТ ва ЮНИСEФ мутахассислари 12 ва ундан катта ёшдаги болаларга ниқоб тақишни катталар билан бир хил шароитда тавсия қилишади: тақишдан олдин қўлларини ювинг ёки антисептик билан тозаланг, фақат боғловчаларни ёки қулоқларни ушланг ва уларни бурун остидан туширманг. Сиз уни сумкада ёки идишда сақлашингиз керак.
Ногирон болалар муқобил равишда юз қалқонини кийишлари мумкин, аммо бу уларни атрофидаги одамлардаги вируслардан самарали ҳимоя қила олмайди. Умуман олганда, ЖССТ таъкидлашича, ривожланишида нуқсонлари бўлган ёки ногирон бўлган болалар учун ниқоблардан фойдаланиш мажбурий бўлмаслиги керак. Мутахассисларнинг таъкидлашича, оғир когнитив нуқсони бўлган ёки нафас олиш тизими касалликлари бўлган болалардан ниқоб тақишларини талаб қилмаслик керак.
