Россияда эпидемия бошланганидан бери 1 005 000 дан ортиқ COVID-19 дан касалланганлар рўйхатга олинган. Мамлакатда коронавирусдан вафот этганлар сони эса 17 414 нафарга етган, дея хабар берди РБК.
Жонс Хопкинс университети маълумотларига қараганда, ҳозирда дунёда COVID-19 бўйича рўйхатга олинган ҳолатлар сони 25,7 млн дан ошган. Шулардан 17 млн дан ортиқ дунё аҳолиси касалликдан тузалган. Энг кўп касаллик аниқланган мамлакатлар ҳамон АҚШ (6,07 млн дан ортиқ), Бразилия (3,95 млн) ва Ҳиндистон (3,77 млн) бўлиб келмоқда. Дунё миқёсида COVID-19 дан вафот этганлар сони 857 мингга етган.
Қозоғистонда эса шу пайтга келиб коронавирус юқтирганлар сони 105 944 га етган. Шунингдек, Қирғизистонда ушбу кўрсаткич 44036, Тожикистонда 8619 ни ташкил этмоқда.
Маълумот учун, Ўзбекистонда 2 сентябрь куни соат 10:00 ҳолатига кўра, коронавирус инфекцияси қайд этилганлар сони 42370 нафарни ташкил этмоқда.
