«украина» тегли мақолалар
Харьков вилоятига уюштирилган ракета зарбасидан 30 дан ортиқ киши, жумладан, 10 бола жароҳатланди
Россия томонидан Украинанинг Харьков вилояти ўққа тутиши оқибатида камида 30 киши жароҳат олди. Қурбонлар орасида 10 нафар бола, жумладан, икки гўдак ҳам бор.
«Ўзбекистонда санъатга ҳеч қандай тўсиқ йўқ». Маданият вазири ўринбосари — Григорий Лепснинг концерти ҳақида
Ўзбекистонлик фаоллар Украинага қарши урушни қўллаб-қувватловчи Григорий Лепснинг концертини бекор қилишни талаб қилмоқда. Маданият вазири ўринбосари Баҳодир Аҳмедов мамлакатда санъатга ҳеч қандай тўсиқ йўқлигини айтди. «Келяпти, санъатини намойиш қиляпти, кетяпти», — деди у санъаткорлар ҳақида.
Украинанинг Краматорск шаҳрига қилинган ракета ҳужуми оқибатида 12 киши ҳалок бўлди
Россия армияси томонидан Украинанинг Краматорск шаҳри ўққа тутилиши чоғида кафега ракета келиб тушди. 12 киши, жумладан, 3 ўсмир ҳалок бўлди, 60 дан ортиқ аҳоли (улар орасида 8 ойлик чақалоқ ҳам бор) жароҳат олди.
Украина Россия Запорожье АЭСга теракт уюштирмоқчилигини даъво қилмоқда. Муҳим маълумотлар
Украина ҳукумати Россия қўшинлари Запорожье АЭСга теракт уюштиришни режалаштираётгани ва «бунинг учун ҳамма нарсани тайёрлагани»ни иддао қилмоқда. Россия бу айбловларни рад этиб, «навбатдаги ёлғон» деб атади. МАГАТЭ эса АЭСдаги вазият «ўта беқарор» эканини таъкидлади.
Владимир Путин Шавкат Мирзиёевни Россиядаги вазиятдан хабардор қилди
Владимир Путин Ўзбекистон президенти Шавкат Мирзиёев билан суҳбатда унга Россиядаги вазият ҳақида гапириб берди. Россия президенти Қозоғистон ва Беларусь раҳбарлари билан ҳам қўнғироқлашган. Украина президенти Владимир Зеленский бўлаётган воқеаларга муносабат билдирди.
«Укргидроэнерго»: Каховка ГЭСи бутунлай вайрон бўлган ва уни қайта тиклаб бўлмайди
«Укргидроэнерго»нинг хабар беришича, Каховка ГЭСи бутунлай вайрон бўлган. Сув омбори сатҳининг назоратсиз пасайиши Запороже атом электр станцияси учун қўшимча хавф ҳисобланади.
Украинанинг Днепр шаҳрида касалхона биносига ракета келиб тушди
Украинанинг Днепр шаҳридаги тиббиёт муассасасига Россия ракетаси келиб тушиши оқибатида икки киши ҳалок бўлди, 21 киши яраланди.
АҚШ F-16 самолётларида украиналик учувчиларни ўқитишга рози бўлди
АҚШ ўз иттифоқчилари билан биргаликда украиналик учувчиларни Американинг F-16 қирувчи самолётларида ўқитишни бошлашини маълум қилди. Буюк Британия ва Нидерландия Украина учун жанговар самолётлар сотиб олиш бўйича коалиция тузишга келишиб олган.
Украина МДҲ давлатлари раҳбарларининг Ғалаба парадидаги иштирокини нодўстона қадам деб атади
Украина Ташқи ишлар вазирлиги МДҲ давлатлари раҳбарларининг Москвадаги Ғалаба парадида иштирок этганини халқи «яшаб қолиш ва озодлик учун курашаётган Украинага нисбатан нодўстона қадам» деб атади.
Россия Украина ҳукуматини президент Путинга суиқасд уюштиришда айблади
Кремлнинг маълум қилишича, Украина Россия президенти Владимир Путиннинг Кремль қароргоҳига 2 та дрон билан ҳужум қилган, кейинчалик улар йўқ қилинган. Россияда бу давлат раҳбарига суиқасд сифатида баҳоланмоқда.
Ўзбекистон БМТнинг Россия тажовузкорлиги қайд этилган резолюциясига овоз беришда бетараф қолди
БМТ Бош ассамблеясининг Европа кенгаши билан ҳамкорлиги тўғрисидаги резолюция 122 та овоз билан қабул қилинди, унда Россиянинг Украинага қарши тажовузкорлиги тилга олинган. Қозоғистон, Хитой ва Туркия резолюцияни қўллаб-қувватлади, Ўзбекистон, Қирғизистон ва Тожикистон бетараф қолди.
Украинанинг Уман шаҳрида турар-жой биносига Россия ракетаси келиб тушди, 16 киши ҳалок бўлди
Украинанинг Уман шаҳрида Россия ракетаси турар-жой биносига келиб урилган. Оқибатда 16 киши ҳалок бўлди, улардан 3 нафари бола, 18 киши эса жароҳатланган.
«Ўзбекистон ўз ҳудудидан санкцияларни четлаб ўтиш учун фойдаланишга қарши эканидан миннатдормиз» — ЕИ махсус вакили
ЕИнинг санкциялар бўйича махсус вакили Дэвид О’Салливан Ўзбекистон ва Евроиттифоқ мамлакат ҳудудидан Россияга қарши санкцияларни четлаб ўтиш, хусусан, икки мақсадли товарларни қайта экспорт қилиш учун фойдаланилмаслигини таъминлаш борасида қандай ишлар олиб бораётгани ҳақида маълумот берди.
«Украина ва Марказий Осиё давлатлари ўртасида кўринганидан кўпроқ умумийлик бор» — Андрей Ермак
Украина президенти девони раҳбари Андрей Ермак Марказий Осиё давлатлари ҳақида мақола ёзди. Унинг таъкидлашича, минтақа давлатлари тарихан кўп векторлилиги билан ажралиб туради. Россия якуний танлов қилишга мажбурламагунча Украина ҳам кўп векторли бўлишга интилган, деб ёзади у.
Украинадаги ҳарбий ҳаракатлар давомида 6030 нафар ўзбекистонлик эвакуация қилинди — ТИВ
Ташқи ишлар вазири ўринбосари Баҳром Аълоевнинг маълум қилишича, Украинада ҳарбий ҳаракатлар бошланганидан буён 6030 нафар ўзбекистонлик махсус рейслар орқали эвакуация қилинди. Йил давомида хориждаги фуқаролар учун 200 мингдан ортиқ консуллик операцияси амалга оширилди.
Украинанинг «Юрия-фарм» компанияси Ўзбекистондаги фармкорхонани сотиб олди
Украинанинг «Юрия-фарм» фармкомпанияси Ўзбекистондаги «Река-Мед» корхонасини ЕТТБ кредити ҳисобига сотиб олди. «Юрия-фарм» ўз маҳсулотларининг 30 фоизини экспорт қилган бўлса, унинг 15 фоизи Ўзбекистонга йўналтирилган. Компания шундай йўл билан экспорт харажатларини камайтиради.
Александр Лукашенко Украинада сулҳ эълон қилишга чақирди
Беларусь президенти Александр Лукашенко Украинада қўшинларни кўчириш, қурол ва ўқ-дориларни икки томондан олиб ўтиш ҳуқуқисиз сулҳ тузишга чақирди.
Жаҳон банки: Украинани қайта тиклаш учун $400 млрддан кўпроқ керак бўлади
Жаҳон банки, Европа комиссияси ва БМТ ҳамкорлигида ўтказилган янги ҳисоб-китобларга кўра, Украинани урушдан кейин тиклаш учун камида 411 млрд доллар керак бўлади. Харажатларнинг энг катта қисми энергетика секторига тўғри келмоқда.
«Рус ва Ўзбекистон ҳамиша бирга бўлган ва бўлади» — Шавкат Мирзиёев
Шавкат Мирзиёев Наврўз байрами тантанасида Россия маданият маркази кўргазмаси билан танишар экан «Рус ва Ўзбекистон — улар азалдан бирга бўлган ва абадий бирга бўлади», деди. Шунингдек, у Украина ва бошқа маданият марказларининг кўргазмаларига ташриф буюрди.
Президент «Ўзбекистон қайси томонда?» саволига жавоб берди
Шавкат Мирзиёев «катта давлатлар» Ўзбекистондан қарор қабул қилиб, тараф танлашни сўраётгани ҳақида гапирди. Гап Россиянинг Украинага қарши можароси ҳақида кетмоқда. «Бир томонман. Миллатим, халқим, буюк Ўзбекистонимнинг манфаати учун ўлишга ҳам тайёрман, деб жавоб бераман», — деди президент.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Дам олиш кунлари Тошкентда қаерларга бориш мумкин? (18−19 май)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Малайзия бош вазири Ўзбекистонга келди (фото)
Қўшимча имкониятларга эга булиш учун сайтда рўйхатдан ўтинг