Украинанинг Днепр шаҳри Россия томонидан ўққа тутилган вақтда тиббиёт муассасаси биносига ракета келиб тушди. Натижада 21 киши жабрланган, улардан уч нафари оғир аҳволда, икки нафар бола. Икки киши ҳалок бўлди, дея маълум қилди Днепропетровск вилояти раҳбари Сергей Лисак.
Вилоят раҳбари, шунингдек, ракета зарбасидан иккита бино ёниб кетгани, ёнғин майдони 1000 квадрат метрни ташкил этганини, бинолардан бири, уч қаватлиси қисман вайрон қилинганини қўшимча қилди. У, шунингдек, ҳодиса жойидан бир нечта видеоларни жойлаштирди.
Украина президенти Владимир Зеленскийнинг айтишича, ҳозирда ўққа тутилиши оқибатларини бартараф этиш ва жабрланганларни қутқариш ишлари олиб борилмоқда.
«Биз бу ноинсонийларни қайтмайдиган қилиб имкон қадар тезроқ мағлуб этишимиз керак. Чунки бизнинг фурсатимиз — бизнинг халқимиз. Бизнинг одамларимиз эса Украинадаги энг қимматли нарсадир», — деб ёзди у.
