Беларусь президенти Александр Лукашенко 31 март куни халқ ва парламентга мурожаати чоғида Украинада сулҳ эълон қилишга чақирди, деб хабар берди БелТА.
«Фақат битта савол бор: нима қилиш керак? Ҳаммангиз тушунасиз ва биласизки, бу ерда фақат битта йўл бор: музокаралар. Олдиндан қўйиладиган шартлари бўлмаган музокаралар. Мен таваккал қилган ҳолда ҳарбий ҳаракатларни тўхтатишни таклиф қиламан» — дея таъкидлади Александр Лукашенко.
Унга кўра, сулҳни ҳаракат қилиш ҳуқуқисиз эълон қилиш керак, икки томон ҳам қурол ва ўқ-дорилар, тирик куч ва техникаларни топшириш ҳуқуқисиз қўшинларини қайта йиғади.
Давлат раҳбари музокараларни кейинроқ эмас, айнан ҳозир бошлаш кераклигига ишонч билдирди: «Биз буни ҳозир, кескинлик бошланишидан олдин тўхташимиз керак».
«Агар Россия ўзини ҳимоя қилиш учун (тўғрисини айтсам, биздан ҳам) қурол ва ўқ-дори сўраган бўлса, бугун ҳеч кимдан сўрагани йўқ. Нега? Чунки, буни аниқ биламанки, ҳарбий-саноат комплекси бугунги кунда Россияда тўлиқ қувват билан ривожланмоқда. Агар бу ҳарбий-саноат мажмуаси тўлиқ қувват билан ишга тушса, тинчлик ҳақида гапириш қийин бўлиб қолади. Бошқа томондан, агар Украина қурол-аслаҳа билан тўлиб-тошса, ҳарбийлар қайта тайёрлашдан ўтса, армада рўй беради», — деди давлат раҳбари.
