«толибон» тегли мақолалар
Жаҳон янгиликлари дайжести
COVID-19 инфекциясига чалиниш ҳолатлари бўйича жаҳон рекорди ўрнатилгани, 2021 йилда 10 та табиий офатнинг дунё иқтисодиётига 170 млрд доллардан ортиқ зарар етказгани, «Толибон»нинг Кобулда намойишчи аёлларга қарата ўқ узгани, Исроил декабрь ойида Сурия портига иккинчи марта зарба бергани ва бошқа янгиликлар — «Газета.uz»нинг жаҳон янгиликлари дайжестида.
Жаҳон янгиликлари дайжести
«Толибон»нинг Афғонистон университетлари маблағ етишмаслиги сабабли ёпиқлигича қолишини маълум қилгани, Ҳиндистоннинг январдан 15 ёшдан ошган ўсмирларни эмлашни бошлаши, Ямандаги исёнчиларнинг Саудия Арабистонига 400 дан ортиқ ракеталар учиргани, Таиланд пойтахтида янги йил тадбирлари коронавирус сабабли бекор қилингани ва бошқа янгиликлар — «Газета.uz»нинг жаҳон янгиликлари дайжестида.
Афғонистонда ҳайдовчиларга машинада мусиқа қўйиш ва аёлларни ҳижобсиз олиб юриш тақиқланди
Афғонистон ҳукумати ҳайдовчиларга машинада мусиқа ёқмаслик, шунингдек, аёлларни ҳижобсиз олиб юрмаслик ҳақида ёзма кўрсатма берди. Бундан ташқари, аёлларни узоқ масофага ҳамроҳсиз олиб юриш ҳам тақиқланади.
«Толибон» ўз вазирларига хорижлик дипломатлар билан учрашишни тақиқлади
«Толибон» ҳаракати вазирлар ва бошқа расмий шахсларга Ташқи ишлар вазирлиги рухсатисиз хорижий дипломатлар билан учрашишни тақиқлади.
Жаҳон янгиликлари дайжести
COVID-19 омикрон штаммининг 38 та давлатда аниқлангани, АҚШнинг авторитар режимлар кузатув ва репрессия учун фойдаланиши мумкин бўлган технологиялар экспортини чеклаётгани, «Толибон»нинг аёллар ҳуқуқлари бўйича махсус фармон чиқаргани, Садир Жапаровнинг депутатлар ойлигини пасайтириб, хизмат машиналаридан маҳрум қилгани ва бошқа янгиликлар — «Газета.uz»нинг жаҳон янгиликлари дайжестида.
«Қашшоқлик ва чорасизлик афғонларни вояга етмаган қизларини сотишга мажбур қилмоқда» — ОАВ
Афғонистонда қашшоқлик ва очарчиликдан азият чекаётган аҳоли орасида жон сақлаб қолиш илинжида вояга етмаган қизларини турмушга сотиш ҳолатлари сони ортиб бормоқда. «Толибон» расмийси эрта никоҳ ҳолатларини иқтисодий муаммолар билан изоҳлаб, бунга амирлик ёки шариат қоидаларининг алоқаси йўқлигини таъкидлади.
«„Толибон“ воқеликни яхши англамоқда ва ижобий қадамлар қўйишга тайёр» — Ўзбекистон ТИВ раҳбари
Ўзбекистон ташқи ишлар вазири Абдулазиз Камилов Афғонистон муваққат ҳукумати билан учрашувлари ҳақида гапирди. Унинг сўзларига кўра, толиблар воқеликни тўлиқ англамоқда, янги ҳукумат халқаро ҳамжамиятга қўшилишни истайди ва «баъзи ижобий қадамлар» қўйишга тайёр. Масалан, унинг сўзларига кўра, Ўзбекистон делегациясининг Кобулдаги ташрифидан сўнг чегарага туташ Балҳ провинциясида эртаси куни барча қизлар мактабга чиққан.
Кобулда аҳолини буғдой эвазига иш билан таъминлаш дастури ишга туширилди — ОАВ
«Толибон» ҳукумати Кобул тепаликларида ариқлар қазишга аҳолини жалб қилиб, иш ҳақи сифатида буғдой тарқатишини маълум қилди. Дастур доирасида 40 мингдан ортиқ одам иш билан таъминланади ва келгуси икки ой ичида мазкур ташаббус бошқа вилоятларда ҳам жорий қилиниши режалаштирилган.
«Толибон мафкурасини Ўзбекистонга олиб кириш умуман имконсиз» — Абдулазиз Камилов
Ташқи ишлар вазири Абдулазиз Камилов Ўзбекистон ҳукумати мамлакатга толиблар мафкурасининг кириб келишидан хавфсирамаслигини таъкидлади. «Толиблар қандайдир мафкурани экспорт қилишни бошлашига жуда кўп вақт талаб этилади», деди у. Вазир ҳаракат ва унинг раҳбарларининг дунёқараши ўзгариб бориши мумкинлигини ҳам қайд этди.
«Толибон» Тожикистон билан чегарада мунтазам бўлинмаларни жойлаштиради — ОАВ
Толиблар 150 га яқин жангчиларини тожик-афғон чегарасини қўриқлаш учун тайёргарликдан ўтказди. Таъкидланишича, улар Тахор аҳолисининг хавфсизлигини ҳам таъминлашади. «Биз ҳаракат аъзоларидан ва собиқ ҳукумат армияси ҳарбийларидан ташкил топган мунтазам армия тузмоқдамиз ва бошқа давлатнинг бостириб киришига йўл қўймаймиз», — деди «Толибон» бўлинмаларининг Мозори Шариф шаҳридаги қўмондони Мавлави Атаулла Омарий.
Исматулла Иргашев Афғонистонда толиблар ҳукуматини тан олиш шартларини маълум қилди
Ўзбекистон ҳозирча толиблар тузган афғон ҳукуматини тан олиш учун ҳеч қандай сабаб кўрмаяпти, деди Ўзбекистон президентининг Афғонистон бўйича махсус вакили Исматулла Иргашев. Унинг сўзларига кўра, бу қарор халқаро ҳамжамият билан келишилган ҳолда қабул қилиниши керак.
Термизда Афғонистон делегацияси билан музокаралар бошланди
Афғонистон муваққат ҳукумати раҳбари ўринбосари Абдул Салам Ҳанафий бошчилигидаги делегациянинг Термизга ташрифи кутилмоқда. Шанба куни у бош вазир ўринбосари Сардор Умурзоқов билан учрашади.
«Афғонистон нафақат хавф-хатар ва таҳдидлар, балки янги имкониятлар манбаси ҳамдир» — Абдулазиз Камилов
Ўзбекистон ТИВ раҳбари Абдулазиз Камилов «Янги Ўзбекистон» газетасига берган интервьюсида Афғонистондаги вазият минтақадаги кескинлик омили бўлиб қолаётганлигини таъкидлади. У бунга мамлакат ҳудудида айрим террорчилик гуруҳлари борлигини мисол қилиб кўрсатди. «Шундай бўлсада, Афғонистоннинг нафақат хавф-хатар ва таҳдидлар, балки минтақавий конструктив ва яратувчан лойиҳаларга асос бўладиган янги имкониятлар манбаси эканини назарда тутиш лозим», — деди вазир.
«Толибон» ўзбек тили мақоми ва Ўзбекистон хавфсизлиги бўйича аниқ кафолат берди — Абдулазиз Камилов
Ташқи ишлар вазири Абдулазиз Камилов Кобулга ташрифи давомида Афғонистоннинг муваққат ҳукумати мамлакат «заминидан Ўзбекистонга қандайдир таҳдид ёки хавф чиқишига йўл қўймаслиги» бўйича «кучли ва аниқ кафолат» берганлигини маълум қилди. Шунингдек, Камилов ўзбек тили ва маданияти «толибон» ҳукумати даврида ҳам ривожланишда давом этишини таъкидлади. У яқин орада Термизда иккала давлатнинг ишчи гуруҳлари музокаралари ўтказишини ҳам маълум қилди.
ОАВ: Афғонистоннинг собиқ президенти Ашраф Ғани Ўзбекистон орқали қочган
Афғонистоннинг Hasht e Subh Daily газетаси мамлакатнинг собиқ президенти Ашраф Ғанининг қочиш тафсилотларини ёритди. Нашрнинг ёзишича, у ва унинг атрофидагилар аввал Ўзбекистонга бориб, Термиз аэропортида бир кундан кўпроқ қолишган, сўнгра Қозоғистон авиакомпанияси самолёти билан БААга учишган.
Ўзбекистон элчиси Афғонистон ТИВ раҳбари билан авиақатновларни тиклашни муҳокама қилди
«Толибон» вақтинчалик ҳукуматда ТИВ раҳбари этиб тайинлаган Мавлави Амир Хон Моттакий Ўзбекистон элчиси Ёдгорхўжа Шодмоновни қабул қилди. Томонлар давлатлар ўртасидаги парвозларни қайта тиклаш, Мозори Шариф аэропортини реконструкция қилиш масалаларини муҳокама қилдилар.
«Толибон» Афғонистонда аёллар ва эркаклар таълимига тенг ёндашувни ваъда қилди
«Толибон» ҳаракати вакили Забиҳулла Мужоҳид Афғонистонда аёлларнинг таълим олиши учун «шароит тайёрланаётгани» ва аёллар эркаклар билан бир хил фанларни ўқишини маълум қилди. «Жинсига қараб алоҳида дастурлар бўлмайди ва дипломлар дунёда тан олинади», — деди у.
«Толибон» қизларнинг таълим олишини чекламоқда, Кобулда давлат хизматидаги аёллар ишга чиқиши тақиқланди
«Толибон» ўрта таълимдаги қизларнинг мактабга боришини чеклади. Кобулда давлат хизматида ишловчи аёлларга ишга чиқиш тақиқланиб, фақат айрим касб эгаларига ишлашга рухсат берилди. «Толибон» расмийлари бу ҳолатларни «хавфсизлик нуқтаи назаридан» дея изоҳламоқда. «Касбим бўлмаса, ўқишимга рухсат беришмаса, хавфсизликнинг мен учун ҳеч қандай аҳамияти йўқ. Бу хавфсизлик фақат «Толибон»га керак», — дейди тиббиёт соҳасида таълим олувчи афғон қизи. «Толибон» матбуот хизмати вакили ҳукуматда аёлларга зарурат йўқлигини, уларнинг вазифаси болаларни дунёга келтириш ва тарбиялаш эканлигини таъкидлади.
Гуантанамо маҳбуслари, собиқ вазир ва қўмондонлар — Афғонистон муваққат ҳукумати кимлардан тузилган?
«Толибон» томонидан тузилган Афғонистоннинг вақтинчалик ҳукумат таркиби 33 кишидан иборат бўлди. Улар орасида Лавозимларнинг аксарият қисмини пуштунлар эгаллагани ҳолда, бошқа этник гуруҳларга бор-йўғи уч ёки тўртта ўрин ажратилди. Афғонистондаги муваққат ҳукумат таркиби кимлардан иборат ва улар ҳақида нималар маълум?
Фото: Ўзбекистон делегациясининг толиблар билан учрашуви қандай ўтди
14 сентябрь куни Ўзбекистон афғон халқига 25 та вагонда зарур маҳсулотлардан иборат инсонпарварлик ёрдамини юборди. Ўзбекистон делагацияси «Толибон» вакиллари билан учрашиб, мамлакатлар ўртасидаги ҳамкорликни муҳокама қилди ва эсдалик совғаларини топширди.
Энг кўп ўқилган хабарлар | Сўнгги янгиликлар
- 1 майдан пенсия ва нафақанинг энг кам миқдорлари оширилади
- «Финал учун режамиз бор». Тимур Кападзе — Осиё кубоги финалида Японияга қарши ўйин ҳақида
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- АҚШ суди Binance асосчисини 4 ойлик қамоқ жазосига ҳукм қилди
Қўшимча имкониятларга эга булиш учун сайтда рўйхатдан ўтинг