«танзила нарбаева» тегли мақолалар
«Ижро органи ҳеч қачон ўз айбини ўзи айтмайди». Сенат раиси — янги ташкил этилган қўмита фаолияти ҳақида
Юқори палата раиси журналистлар билан учрашувда давлат идоралари 100 фоиз очилди деб айта олмаслиги, уларнинг воқеа ва ҳодисалар юзасидан дарҳол муносабат билдириши талаб даражасида эмаслигини қайд этди. «Ижро органи ҳеч қачон ўз айбини ўзи айтмайди. Шунинг учун, парламент назорати органи сифатида бизда янги қўмита ташкил қилинди», — деди у.
«ОАВларни ишига аралашиб, у нотўғри, бу тўғри дейиш давлатнинг иши эмас» — Танзила Нарбаева
Сенат раиси журналистлар учрашувда давлат идора ва ташкилотлари мансабдорлари цензура ўрнатиши, ОАВ ишига тўсқинлик қилиши, тазйиқ ва босим ўтказишига қарши жавобгарлик янада кучайтирилишини маълум қилди. «Сизларни фаолиятингизга аралашишга, кўрсатма, йўналиш беришга ҳеч кимнинг ҳаққи йўқ», — деди у.
Танзила Нарбаева Париждаги «Тенглик авлоди» халқаро форумида нутқ сўзлади
Олий Мажлис Сенати раиси Танзила Нарбаева Париж шаҳрида бўлиб ўтаётган гендер тенглик масалаларига бағишланган «Тенглик авлоди» халқаро форумида иштирок этди. Форумда 2030 йилгача Ўзбекистонда гендер тенгликка эришиш стратегияси тасдиқлангани таъкидланди. Тадбир доирасида 100 дан ортиқ виртуал тадбирлар ўтказилади ва якунида гендер тенгликни тезлаштириш дастури қабул қилинади.
Халқаро ташкилотлар лойиҳалари давом этиши учун норматив ҳужжат қабул қилиш керак — Танзила Нарбаева
Сенат раиси Танзила Нарбаева Ўзбекистонда халқаро ташкилотлар томонидан амалга ошириладиган лойиҳалар тугаганидан сўнг қилинадиган ишлар тўхтаб қолмаслиги учун норматив-ҳужжатлар қабул қилиш кераклигини таъкидлади. «Бу лойиҳа ютуқларини мамлакатнинг бошқа ҳудудларида ҳам тадбиқ этишга ёрдам беради», — деди у.
Пуллар халққа бориши керак, амалдорларнинг чўнтагига эмас — Танзила Норбоева
«Бюджет пули, бу — халқнинг пули. Бу халққа бориши керак, қандайдир амалдорларнинг чўнтагига боришига мутлақо йўл қўймаслик керак. Агар шундай бўлаётган бўлса, уларга аёвсиз қонуний чора кўришни таъминлашимиз керак», — деди Сенат раиси Танзила Норбоева
Ўтган йили 301 млрд сўмдан ортиқ бюджет маблағлари талон-тарож қилинган — Танзила Нарбаева
2020 йилда 2,5 мингдан зиёд бюджет муассасасида 301 млрд сўмдан ортиқ бюджет маблағлари талон-тарож қилинган. Қурилиш соҳасида 124 та, соғлиқни сақлаш соҳасида 41 та ва таълим соҳасида 81 та коррупциявий омиллар аниқланди. Карантин муассасаларини қуришда 367 млрд сўмдан зиёд молиявий хато ва камчиликларга йўл қўйилган.
Мажбурий мехнат бўйича халқ таълими ходимларига топшириқ берганларга ҳам чора кўриш керак — Шерзод Шерматов
Халқ таълими вазири Шерзод Шерматов мажбурий мехнат бўйича халқ таълими ходимларига топшириқ берганларга ҳам чора кўриш кераклигини таъкидлади. Сенат раиси Танзила Нарбаева эса мажбурий меҳнатга жалб қилиш занжирининг ортида ҳокимлар турганига ишора қилди.
«Россия, Қозоғистон, Кореяда, билмайман яна қаерда юрибди» — Танзила Нарбаева мигрант аёллар ҳақида
Сенат раиси Танзила Нарбаева хориждаги мигрант аёллар билан ишлашни ўз ҳолига ташлаб қўйиш керак эмаслигини таъкидлади. Унинг фикрича, хориждаги аёлларни оиласига қайтариш ҳамда иш билан таъминлаш чораларини кўриши керак. «Россия, Қозоғистон, Кореяда, билмайман яна қаерда юрибди аёллар», — деди раис. Бундан ташқари, у мамлакатдаги мардикор аёллар ҳақида: «улар кўчада ўз ишчи кучини таклиф қилиб туриши жуда хунук ҳолат», деди у.
«Ҳудудлардаги муаммоларни наҳотки депутатлар ва сенаторлар кўрмаяпти» — Танзила Нарбаева
Давлат раҳбари Фарғона ва Наманган вилоятларига ташрифи чоғида маҳалларга бориб, аҳоли билан мулоқот қилиб, уларни қийнаётган муаммоларни тинглаган эди. Сенатнинг навбатдаги ялпи мажлисида Танзила Нарбаева айни шу масалага эътибор қаратиб, депутат ва сенаторларни танқид қилди. «Ҳудудлардаги муаммоларни наҳотки депутатлар ва сенаторлар кўрмаяпти», — деди у.
«Ҳозир парламент батамом мустақил» — Танзила Нарбаева
«Парламент Президентнинг айтганини қилади деган гап аввалги вақт учун тўғри келар эди, аввалги вақтдаги дунёқараш бу» — дейди Сенат раиси Танзила Нарбаева. Унинг сўзларига кўра, парламент ҳозир тўлиқ мустақил ва унга ҳеч ким босим ўтказмайди.
«Аввал бир раҳбарнинг оғзига ҳамма қараб турар эди» — Танзила Нарбаева
«Аввал бир раҳбарнинг оғзига ҳамма қараб турар эди», деди Сенат раиси Танзила Нарбаева America Ovozi`га берган интервьюсида. Унинг айтишича, ҳозирга қадар ҳудудларга «бир тийин ҳам берилмас эди». Айни шу сабаб «пахтани йиғиб олишда мажбурий меҳнат бўлган». Нарбаева икки давр раҳбарларининг ўртасидаги фарқ жуда катталигини айтган.
«Баҳоналар кетмайди бу ерда» — Сенат раиси давлат дастури ижроси ҳақида
Сенатнинг ўн иккинчи ялпи мажлисида 2020 йилги давлат дастури ижроси бўйича танқидий фикрлар билдирилди. «Кечириб бўлмайдиган ҳар хил баҳоналар қилгансизлар. Баҳоналар кетмайди бу ерда» — деди Танзила Нарбаева.
Ўзбекистонда тизимли мажбурий ва болалар меҳнати йўқ — Танзила Нарбаева
Халқаро меҳнат ташкилотининг 2020 йилги «Учинчи томон мониторинги» натижаларига бағишланган давра суҳбати ўтказилди. Унда Ўзбекистонда ўтган йили тизимли мажбурий ва болалар меҳнати қайд этилмагани маълум қилинди. Бундан ташқари, ҳисобот давомида 46 та мажбурий меҳнат ҳолати аниқлангани, 42 нафар мансабдор жавобгарликка тортилгани айтилди.
«Халқ банки раисининг битта ўринбосари албатта аёл бўлади» — Танзила Нарбаева
Сенат раиси Танзила Нарбаева ҳар бир вилоятдаги халқ банки раиси ёки ўринбосарларидан бири аёллар бўлиши кераклигини таъкидлади. Ушбу лавозимга тайинланганлар аёллар тадбиркорлигига кредит ажратиш билан шуғулланади.
Боғчадан олий таълимгача — ўғил-қизларга жинсий тарбиядан таълим берилади
Сенат раиси Танзила Нарбаева жинсий тарбияни ёшликдан бошлаш зарурлигини таъкидлади. Жумладан, мактабгача таълимда ёшга мос қилиб, юқори синфлар ва олий таълимда йигит-қизларни оилага тайёрлаш, репродуктив саломатликка ўқитиш кераклиги айтилди. «Биз ёпганимиз сари интернет очиқ. У салбий оқибатларга олиб келаяпти», — деди юқори палата раиси.
10 ойда қарийб 8,5 минг хотин-қизга ҳимоя ордери берилди
10 ой мобайнида қарийб 8,5 минг хотин-қиз давлат ҳимоясига олинди. Улар орасида оилада отаси ёки онаси томонидан зўравонликка дуч келган қизлар ҳам бор. Шунингдек, ҳимоя ордери олиниши натижасида 418 та оила ажрашиб кетди.
«Ўша даврда гендер тенглиги масаласи ҳақида гапира олмасдик» — Танзила Нарбаева
«Ўзбекистонда аёллар ва эркакларга тенг имкониятлар тўғрисидаги қонунни ишлаб чиқиш керак, деб неча йиллардан бери айтсак ҳам, бизнинг гапимизга ҳеч ким қулоқ солмаган. Ўша пайтлар шунақа давр эди» — Танзила Нарбаева Вазирлар Маҳкамасида ишлаган вақтида гендер тенглиги масаласига қандай ёндашув бўлганини сўзлаб берди.
«Деярли ҳар куни бюджет маблағларининг ноўрин сарфланиши масаласи кўтарилмоқда» — Сенат раиси
Сенат раиси Танзила Нарбаева мутасаддиларда бюджетга қўшимча манбалар аниқлаш борасида ташаббускорлик, изланиш йўқлиги, айрим ҳолларда уларнинг молиявий саводхонлиги етишмаслигини танқид қилди. Шунингдек, муҳим кўрсаткичларни қўшиб ёзиш иллатига тўлиқ барҳам берилмаганига эътибор қаратди.
«Депутатлар сўровчи эмас, талаб қилувчи бўлиши керак» — Танзила Нарбаева
Сенат раҳбари Танзила Нарбаева Наманганга сафари вақтида туман ҳокимларини «яхши» рейтинг баҳоларини олган ҳудудлардан ўрнак олишга, депутатларни эса янада талабчан бўлишга чақирди.
Танзила Норбаева «темир дафтар»ни шакллантириш ва юритиш тизимини танқид қилди
Сенат раиси «темир дафтар»ни шакллантириш ва юритиш тизими айрим ҳудудларда аҳоли норозилигига олиб келаётганини айтиб ўтди. «Темир дафтар» тизими очиқ, шаффоф бўлиши ва ажратилган маблағларни тақсимлаш жараёнида инсон омилини максимал даражада кисқартириши кераклиги билдирилди. Бунинг учун тизимга замонавий ахборот технологияларини жорий этиш муҳимлиги қайд этилди.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Қисқа ёмғирдан сўнг Тошкент кўчаларини сув босди (видео)
- Дам олиш кунлари Тошкентда қаерларга бориш мумкин? (18−19 май)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Малайзия бош вазири Ўзбекистонга келди (фото)
Қўшимча имкониятларга эга булиш учун сайтда рўйхатдан ўтинг