«танзила нарбаева» тегли мақолалар
«„Аризангни қайтиб ол“, „Оилада бўлади-ку“, дейишмасин». Сенат раиси — оиладаги зўравонликлар ҳақида
Сенат раиси Танзила Нарбаева оиладаги зўравонлар жиноий жавобгарликка тортилиши, қонуний жазосини олиши шартлигини таъкидлади. «Маҳаллалардаги фаолларингиз ҳеч қачон: „аризангни қайтиб ол“, „оилада бўлади-ку“ дейишмасин. Ўша зўравон жазосини олиши шарт», — деди у Хотин-қизлар қўмитаси раҳбарига.
МО давлатларининг етакчи аёллари Остонада инновациялар ва технологияларни муҳокама қилди
Остона шаҳрида бўлиб ўтган Марказий Осиё етакчи аёллари мулоқотининг навбатдаги йиғилишида инновациялар ва технологияларни ривожлантиришга алоҳида эътибор қаратилди. Ўзбекистон делегациясига Сенат раиси Танзила Нарбаева бошчилик қилди.
Ҳокимлар 2024 йилдан бошлаб маҳаллий кенгашларга раис бўлолмайди
Ҳокимларга маҳаллий кенгаш раиси лавозимини эгаллаши тақиқланмоқда. Тошкент шаҳри ва вилоятлар миқёсида бу жараён 2024 йилдан, туман ва шаҳарларда эса 2026 йилдан бошланади. Бунда вазифалар такрорланишининг олди олиниши, ҳокимлар устидан таъсирчан назорат ўрнатилиши кўзда тутилган.
Танзила Нарбаева: Болалар ва аёлларни зўравонликдан ҳимоя қилишга оид қонун халқаро стандартларга жавоб беради
Танзила Нарбаева болалар ва аёлларни зўравонликдан ҳимоя қилиш тўғрисидаги қонунни илғор деб атади, уни қабул қилишдаги қийинчиликларни қайд этиб, фаолларга миннатдорлик билдирди. 2021−2022 йилларда аёл-қизларга нисбатан 72 мингта зўравонлик ҳолатлари бўлган, уларнинг 85 фоизи оилада содир этилган.
Хоразмда қизларнинг зўрлангани ҳақида расмийларга 2 ой олдин хабар берилган — Ирина Матвиенко
Танзила Нарбаева Хоразмда қизларнинг зўрлангани билан боғлиқ вазиятга «давлат ва жамиятнинг муросасиз жавоби бўлиши шарт»лигини билдирди. Саида Мирзиёева прокуратурадан ҳолатга ҳуқуқий баҳо беришни сўради. Ирина Матвиенко эса вазият ҳақида расмийларга 2 ой олдин хабар берганини таъкидлади.
Танзила Нарбаева тўртта вазирликка аёллар масаласи бўйича қатъий талаблар қўйди
Сенат раиси Танзила Нарбаева тўртта вазирлик, Хотин-қизлар қўмитаси ва Маҳалла агентлигига аёллар масаласи бўйича қатъий талаблар қўйди. У масъул раҳбарлардан зўравонлик қурбони бўлганлар, муҳожир аёллар ва жазони ўтаб қайтган аёлларга кўмак бериш бўйича алоҳида дастурлар ишлаб чиқишни сўради.
Марказий Осиё давлатлари аёлларга нисбатан зўравонликка қарши ҳамкорликни ривожлантиради
Сенат раиси Танзила Нарбаева бошчилигидаги делегация Туркманистоннинг Ашхобод шаҳрида ўтказилган Марказий Осиё етакчи аёллар мулоқотининг йиллик йиғилишида қатнашди. Мажлисда қўшни давлатлар аёлларга нисбатан зўравонликка қарши ҳамкорликни ривожлантириш борасида қатор ҳужжатлар қабул қилди.
Ўзбекистон COP27`да Минтақавий иқлим кенгашини тузишни таклиф қилди
Сенат раиси Танзила Нарбаева Шарм ал-Шайхда бўлиб ўтган БМТнинг иқлим бўйича конференцияси (COP27)да нутқ сўзлади. У Минтақавий иқлим кенгашини тузишни таклиф қилди ва Ўзбекистон «яшил» иқтисодиёт тамойилларини жорий этиш орқали иқтисодий тараққиётга эришишни мақсад қилганини таъкидлади.
Маҳаллалар инфратузилмасини яхшилаш орқали 20 млн аҳоли учун қулай шарт-шароитлар яратилади — Танзила Нарбаева
Сенат Кенгашининг навбатдаги мажлисида маҳаллалар инфратузилмасини ривожлантириш бўйича тадбирларнинг ўз вақтида ва сифатли амалга ошириш муҳимлиги таъкидланди. «Мазкур вазифаларни амалга ошириш орқали ўрта ҳисобда 20 млн аҳоли учун янада қулай шарт-шароитлар яратилади», — деди Сенат раиси
«Ногиронлар учун шароит яратиш ислоҳотга кирмайди, бу — бизнинг мажбуриятимиз» — Танзила Нарбаева
Сенат раиси Танзила Нарбаева транспорт, овқатланиш шохобчалари, хизмат кўрсатиш объектлари, маданий-кўнгилочар муассасаларда ногиронлиги бор шахслар учун шароитлар яратилмаганини тан олди. «Аслида ногиронлар учун шароитлар яратиш ислоҳотга кирмайди, бу — бизнинг мажбуриятимиз», — деди у.
Аёллар ва болалар бўйича ўтказилган сўров натижалари якунига кўра қонунлар ўзгариши мумкин — Танзила Нарбаева
Сенат раиси аёллар ва болалар бўйича ўтказилган сўров натижалари асосида амалдаги қонунлар янгиланиши мумкинлигини таъкидлади. ЮНИСЕФнинг Ўзбекистондаги ваколатхонаси раҳбари Мунир Мамедзаде бу борада нафақат ҳокимият, балки жамиятнинг ўзи ҳам иштирок этиши муҳимлигини қайд этди.
Тошкентда «Better Cotton Initiative» ННТнинг ваколатхонаси очилади
Танзила Нарбаева «Better Cotton Initiative» (BCI) нодавлат нотижорат ташкилоти менежери Рэйчел Бэккет билан учрашди. Унда BCI`нинг Тошкентдаги ваколатхонасини тез кунларда таъсис этиш юзасидан келишувга эришилди.
Зўравонлик учун жазо кучайтирилади, қонунларга эса ўзгартишлар киритилади — Танзила Нарбаева
Сенат раиси зўравонлик ҳолатларига қарши курашиш учун қонунларга ўзгартиш ва қўшимчалар киритиш бўйича ҳужжатлар пакети тайёрлангани ва яқинда президентга ахборот берилишини маълум қилди. «Жамоатчилик вакиллари „Ҳамма жим ўтирибди“, деган фикрда бўлмаслиги керак», — дея таъкидлади Танзила Нарбаева.
«Қандай қилиб битта фирма 20 тадан объектни ютиб олиши мумкин?» Сенат раиси Шаффоф қурилиш тизимини танқид қилди
Сенат раиси Танзила Нарбаева Шаффоф қурилиш платформасидаги камчиликларни танқид қилди. «Қандай қилиб битта фирма 15 тадан, 20 тадан объектни ютиб олиши мумкин?», — дея савол берди у. Қурилиш вазири ўринбосари эса пудратчиларга объект олиш бўйича лимит ўрнатмоқчилигини маълум қилди.
«Бу аудиторияга текширилган рақамлар олиб чиқилади». Танзила Нарбаева — ССВ раҳбари ўринбосарига танбеҳ берди
Сенат ялпи мажлисида сенатор чақалоқлар учун зарур бўлган икки дори мавжуд эҳтиёжнинг 50 фоизини ҳам қамраб олмаётганини танқид қилди. ССВ раҳбари ўринбосари у келтирган рақамларга шубҳа билан қаради. Сенат раиси Танзила Нарбаева унга танбеҳ бериб, рақамлар таҳлил асосида тайёрланганини айтди.
«Сенат „ади-бади“ айтишиб ўтирадиган жой эмас». Танзила Нарбаева агентлик директори ва вазир дебати ҳақида
Сенатда Антикоррупция агентлиги раҳбари Акмал Бурхонов 2021 йилда соғлиқни сақлаш тизими энг коррупциялашган соҳа бўлганини маълум қилди. ССВ раҳбари эса буни «катта рақамлар ортидан қувиш» деб атади ва судда ўз тасдиғини топганини шубҳа остига олди. Танзила Нарбаева баҳсга аралашишга мажбур бўлди.
«Кичик деб қаралган масала катта муаммога айланади» — Танзила Нарбаева
Қорақалпоғистондаги фожеали воқеалар барча муаммолар халқ билан мулоқотда, ўз вақтида ҳал этилиши зарурлигини кўрсатди, деди Сенат раиси Танзила Нарбаева. У бундай ҳолатларнинг олдини олишда халқ вакиллари масъул эканини ва уларнинг ишини қайта кўриб чиқиш зарурлигини таъкидлади.
Ўзбекистон ва Озарбайжон ишбилармон аёллари $54 млнлик келишувга эришди
Бокуда Ўзбекистон ва Озарбайжон ишбилармон аёлларининг биринчи бизнес-форуми бўлиб ўтди. Унда икки томон вакиллари ўртасида 54 млн доллардан ортиқ миқдорда 19 та шартнома ва меморандум имзоланди.
Танзила Нарбаева АҚШ расмийлари билан учрашди
Сенат раиси Танзила Нарбаева АҚШ давлат котибининг фуқаролик хавфсизлиги, демократия ва инсон ҳуқуқлари бўйича ўринбосари Узра Зея, Демократлар партиясидан конгрессмен Ами Бера ва АҚШнинг Европада хавфсизлик ва ҳамкорлик бўйича комиссиясининг катта сиёсий маслаҳатчиси Женис Хелвиг билан учрашди.
«Ижтимоий сиёсат кейинги ўринга қўйилмайди». Сенат — бозор муносабатларига ўтиш ҳақида
Сенат раиси Танзила Нарбаева бозор механизмлари жорий этилишига қарамасдан, Ўзбекистон ижтимоий давлат бўлиб қолаверишини таъкидлади. Бозордаги нархлар билан боғлиқ вазиятни изоҳлар экан, у бунга ташқи омиллар таъсир қилаётганини айтди.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Қисқа ёмғирдан сўнг Тошкент кўчаларини сув босди (видео)
- Дам олиш кунлари Тошкентда қаерларга бориш мумкин? (18−19 май)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Малайзия бош вазири Ўзбекистонга келди (фото)
Қўшимча имкониятларга эга булиш учун сайтда рўйхатдан ўтинг