«сенат» тегли мақолалар
Сенатнинг навбатдаги ялпи мажлиси 28 апрель куни чақирилади
Сенатнинг 25-ялпи мажлисини 28 апрель куни чақирилади. Унда 9 та қонун, шу жумладан, почта алоқаси, ичимлик суви таъминоти, қўриқлаш фаолияти, халқаро тижорат арбитражи тўғрисидаги қонунлар муҳокама қилинади. Қолаверса, Вазирлар Маҳкмаси, Ҳисоб палатаси, Марказий банк, бош прокурор ва адлия вазирининг ҳисоботлари тингланади.
Heritage Foundation`нинг айрим индексларида Ўзбекистон KPI`га эриша олмади — Танзила Нарбаева
Сенат раиси Танзила Нарбаева Heritage Foundation`нинг «Эркин савдо» кўрсаткичида Ўзбекистоннинг ўрни рекорд даражада яхшиланганини маълум қилди. Бироқ, «Иқтисодий эркинлик» индексида Ўзбекистон 117-ўринни эгаллаб, «асосан эркин бўлмаган мамлакатлар» гуруҳида қолди. Қолаверса, «Суд фаолияти самарадорлиги», «Солиқ юки», «Фискал саломатлик», «Бизнес юритиш», «Меҳнат бозори эркинлиги» индексида ҳам KPI`га эришилмагани танқид қилинди.
Ўзбекистонда аёллар 27% раҳбарлик лавозимларини эгалламоқда — парламентарий
Ўзбекистонда хотин-қизларнинг раҳбарлик лавозимларидаги улуши 27 фоизга, тадбиркорлар орасида эса 25 фоизга етди. Ўзбекистон тараққиётида хотин-қизларнинг ролига бағишланган форумда аёлларнинг сиёсатдаги иштироки муҳокама қилинди.
Коррупциявий жиноятларнинг учдан бирини соғлиқни сақлаш, таълим ва банк тизими ходимлари содир этган — Сенат раиси
Сенат раиси Танзила Нарбаева коррупциявий жиноятларнинг ҳар учтадан биттаси соғлиқни сақлаш, таълим ва банк тизими ходимлари томонидан содир этилганини маълум қилди. Шунингдек, тўғридан-тўғри порахўрлик эмас, балки фирибгарлик йўли билан ўзгалар мулкини ўзлаштириш ёки растрата йўли билан талон-торож қилиш ҳолатлари кўпайгани айтилди.
2021 йилда ҳар учинчи қотиллик оилавий муаммолар туфайли содир этилган — ИИВ
Сенатнинг ялпи мажлисида ички ишлар вазири Пўлат Бобожонов 2021 йилда ҳар учинчи қотиллик (158 таси) ва оғир тан жароҳати етказиш жиноятларининг 190 таси оилавий муаммолар туфайли содир этилганини маълум қилди. Қолаверса, ўтган йили аниқланган жиноятларнинг 89 фоизи фош этилгани, қидирувдаги 4,6 мингдан ортиқ шахс эса ушлангани айтилди.
Қашқадарёда янги туман ташкил этилди
Қашқадарёнинг Чироқчи тумани таркибида янги Кўкдала тумани ташкил этилди. Унга Чироқчидаги 420 минг нафар аҳолининг 176,3 минг нафари яшаётган 32 та маҳалла киритилади ва Еттитом шаҳарчаси туман маркази этиб белгиланди.
Қийноқ қурбонларига етказилган зарар ва бой берилган фойда қопланади
Сенатда Фуқаролик кодексига ўзгартириш киритиш тўғрисидаги Қонун лойиҳаси кўриб чиқилди. Унга кўра, қийноққа солишдан жабрланганларга ижтимоий, ҳуқуқий, психологик ва тиббий ёрдам кўрсатилади. Шунингдек, қийноқдан жабрланган шахсларга етказилган зарарлар билан бирга, бой берилган фойда ва сарфланган харажатлар ҳам тўлаб берилиши назарда тутилмоқда.
Сенаторлар янги таҳрирдаги Меҳнат кодексини маъқуллади
Сенатининг навбатдаги мажлисида сенаторлар янги таҳрирдаги Меҳнат кодексини маъқуллади. Мажлисда 1995 йилда қабул қилинган амалдаги кодекс таҳрири замонавий воқеликка мос келмаслиги таъкидланди. Сенат раиси Танзила Нарбоева эса янги кодекс «инсон қадрига асосланган"ини айтди.
Сенатнинг 24-ялпи йиғилиши 17 март куни ўз ишини бошлайди
Сенатнинг 24-ялпи йиғилишида Меҳнат кодексини тасдиқлаш, киберхавфсизлик ва реклама тўғрисидаги қонунлар кўриб чиқилади. Шунингдек, сенаторлар омбудсман, ТИВ, ИИВ ва Коррупцияга қарши курашиш агентлиги раҳбарларининг ҳисоботларини тинглайдилар.
Дори воситаларини машҳурлар ва тиббиёт ходимлари реклама қилиши тақиқланиши кутилмоқда
Янги таҳрирдаги «Реклама тўғрисида»ги қонунга мувофиқ, дори воситаларини таниқли шахслар ва тиббиёт ходимлари реклама қилиши, қолаверса, олимларнинг тавсиялари, алоҳида шахсларнинг миннатдорчилиги, дори таъсири ҳақида фикрларидан фойдаланиш тақиқланиши кутилмоқда. Шунингдек, телеканалларда 10 дақиқадан кам бўлган кўрсатувлар орасида реклама беришга йўл қўйилмаслиги мумкин. Ҳужжат сенаторлар томонидан кўриб чиқилмоқда.
4 февраль куни Ўзбекистонда содир бўлган энг муҳим хабарлар дайжести
Пекинга етиб борган Шавкат Мирзиёев, ҳайдовчилик гувоҳномаси учун имтиҳон маркази кимникилиги ва бунга Avtotest`нинг қандай алоқаси борлиги, йўллардаги носозликлар ҳақида хабар беришга мўлжалланган «Shaffof yo’l» платформаси, «прописка» сўзидан воз кечишни маъқуллаган сенаторар, уч марта суиқасд уюштирилган дарахтлар, қишда чўмилиш ҳақида Тошкент моржларидан интервью ва бошқалар — «Газета.uz» нинг 4 февралдаги энг муҳим хабарлари дайжестида.
Депутатлар ҳокимларнинг манфаатлар тўқнашувига шароит яратувчи яна бир қонунни маъқуллади
1 февраль куни Қонунчилик палатаси депутатлари ҳокимларнинг манфаатлар тўқнашувига шароит яратиб берувчи яна бир қонунни маъқуллади. Гап ер участкаларини компенсация эвазига жамоат эҳтиёжлари учун олиб қўйиш тартиби ҳақида кетмоқда. Депутат Дониёр Ғаниев ҳоким компенсация ажратишни кўриб чиқиш масаласини ўзига-ўзи киритиши ва уни яна ўзи ҳал қилишини танқид қилди. Қуйи палата спикери эса ҳокимларнинг халқ депутатлар кенгаши раиси мақоми бекор қилинсагина, бу муаммо бартараф этилишини айтди. «Унгача шу, бошқа илож йўқ», — деди Нурдинжон Исмоилов.
Сенат ҳукуматга газ баллонли транспорт воситалари хавфсизлиги бўйича сўров юборади
Сенат ҳукуматга газ баллон билан жиҳозланган транспорт воситалари хавфсизлиги бўйича парламент сўрови тайёрламоқда. 2021 йилда шу турдаги транспорт воситаларидаги 14 та портлаш ва 2 та ёнғин натижасида 14 киши ҳалок бўлган, 9 киши жароҳатланган.
«Ҳокимларнинг кенгаш раиси мақомини бекор қилиш». Ҳужжат 2,5 йил олдин тайёрланган, бироқ қабул қилинмаган
2019 йилги Давлат дастурига кўра, 6 ой ичида ҳокимларнинг халқ депутатлари кенгаши раиси мақомини бекор қилишга оид қонун лойиҳаси ишлаб чиқилган. «Газета.uz» нинг аниқлашича, Адлия вазирлиги ўшандаёқ лойиҳани ҳуқуқий экспертизадан ўтказиб, ижобий хулоса берган. Бироқ, ҳужжатнинг ундан кейинги тақдири номаълумлигича қолмоқда. Қонунчилик палатаси маълум қилишича, «ҳужжат қуйи палатага келиб тушмаган, шу сабабли муҳокама қилинмаган». Сенат эса сукут сақламоқда.
«Йил аёли» танлови ғолиблари ва гендер тенглиги учун курашган энг фаол ташкилотлар аниқланди
«Йил аёли» танловида қорақалпоғистонлик фермер хўжалиги раҳбари Палзада Салиева ғолиб бўлди. Аёллар тенглигини таъминловчи энг фаол давлат органи сифатида Мудофаа вазирлиги, гендер тенглигини таъминловчи ҳуқуқни муҳофаза қилувчи орган сифатида эса Адлия ва Ички ишлар вазирлиги танланди.
Сенатор Сенат раҳбарининг Twitter ижтимоий тармоғидан фойдаланишига изоҳ берди
Ўзбекистонда Twitter фаолияти чекланганига қарамасдан, давлат органлари ва расмий шахслар, жумладан Сенат раҳбари Танзила Нарбаева ҳамда президент матбуот хизмати мазкур ижтимоий тармоқда постлар эълон қилишда давом этмоқда. Сенатор Фарҳод Боқиев Сенат раҳбари ким учун твитлар ёзаётганини тушунтиришга ҳаракат қилди.
«Ҳозирда бозорнинг кўчирилиши ҳақида ҳеч қандай гап-сўз йўқ» — сенатор «Қўйлиқ» бозори ҳақида
Сенатор Толибжон Мадумаров «Қўйлиқ» бозори кўчирилиши бўйича ҳали бирор қонуний асос йўқлигини ҳамда бу борадаги шов-шувлар ўша ердаги бозорчиларнинг асоссиз ташвиқоти эканини таъкидлади. Аввалроқ бозор кўчирилиши ҳақида 2017 йилдаёқ қарор қилингани айтилганди.
Сенат 2022 йилги давлат бюджетини маъқуллади
Сенат 2022 йилги давлат бюджетини маъқуллади. Унга кўра, келгусида йилда мамлакат ЯИМ ўсиш суръатлари 6 фоиз, инфляция эса 9 фоиз атрофида бўлиши кутилмоқда. Давлат бюджетидан ижтимоий соҳага жами 74,6 трлн ажратилиши кўзда тутилган.
Сенаторлар «Истеъмолчилар ҳуқуқларини ҳимоя қилиш тўғрисида»ги қонунга ўзгартиришларни маъқуллади
Сенаторлар томонидан маъқулланган «Истеъмолчиларнинг ҳуқуқларини ҳимоя қилиш тўғрисида»ги қонунга киритилган ўзгартишларга кўра, сотувчига тўлов шаклига қараб товарларга турли нархлар белгилаш тақиқланади. Истеъмолчилар ҳуқуқларини ҳимоя қилиш агентлигининг ушбу соҳадаги ваколатли давлат органи сифатидаги ваколатлари қонун ҳужжатларида мустаҳкамланмоқда.
Сенат фавқулодда ҳолат тўғрисидаги конституциявий қонунни тасдиқлади
Сенат «Фавқулодда ҳолат тўғрисида»ги конституциявий қонунни тасдиқлади. Қонун фавқулодда ҳолатни жорий этиш шартлари ва тартиби, қўлланиладиган чоралар ва чеклашлар, фуқаролар ҳуқуқларининг кафолатлари, судлар фаолияти ва бошқа масалаларни тартибга солади. Қонунга кўра, мамлакат ҳудудида фавқулодда ҳолат муддати 30 суткадан ошмаслиги керак ва бу муддат фақат президент фармони билан узайтирилиши мумкин, фармон эса парламент томонидан тасдиқланиши лозим.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг