«сенат» тегли мақолалар
Мудофаа ва ҳуқуқни муҳофаза қилувчи органлар давлат бюджетидан қўшимча 1,43 трлн сўм олади
Мудофаа ва ҳуқуқни муҳофаза қилувчи органларни сақлаш, моддий-техника базасини мустаҳкамлаш учун 1,43 трлн сўм ($133,7 млн) йўналтирилади. Сенат буни назарда тутувчи ўзгартишларни давлат бюджетига киритишни маъқуллади. Июнда сенаторлар куч ишлатар тузилмалар ходимларини моддий таъминлаш, қўшимча штатлар ажратиш ва моддий-техник базасини мустаҳкамлаш учун 1,1 трлн сўм ажратишни ҳам маъқуллаган эди.
«Қонун имконияти чекланган шахсларга тўғридан-тўғри имтиёз бермайди». Сенаторлар жамиятлар вакиллари билан учрашди
Ногиронлар, Карлар ва Кўзи ожизлар жамиятлари сенаторлар рад этган «Ижтимоий тадбиркорлик тўғрисида»ги қонунни маъқуллашни сўраб, Сенатга мурожаат қилган эди. Шундан сўнг, сенаторлар Одилжон Иминов ва Эркин Гадоев жамиятлар раҳбарлари билан учрашди. Таъкидланишича, «учрашувда қонун имконияти чекланган шахсларга тўғридан-тўғри имтиёз ва преференциялар беришни назарда тутмаслиги тушунтирилган». Қолаверса, ҳужжатни қайта ишлашда ҳамкорлик қилиш таклиф этилган.
«Қонун қабул қилинишини бир неча йиллардан бери кутаётгандик». Ногиронлар, Карлар ва Кўзи ожизлар жамиятлари Сенатга мурожаат қилди
Ногиронлар, Карлар ва Кўзи ожизлар жамиятлари сенаторлар рад этган «Ижтимоий тадбиркорлик тўғрисида»ги қонунни маъқуллашни сўраб, Сенатга мурожаат қилди. Унда имконияти чекланган шахслар ушбу қонунни бир неча йилдан бери кутаётгани, аслида «бошидан ўтказган» инсонгина ҳолат қандайлигини билиши таъкидланган. Жумладан, сўнгги 3 йилда Карлар жамияти корхоналарининг даромади 5 бараваргача тушиб кетгани, улардаги ишчилар сони эса 2000 йилдаги 4900 кишидан 2020 йилга келиб 1479 нафарга камайгани айтилган.
«Маданий мерос объектларини сақлашнинг шаффоф ҳуқуқий механизмини яратиш керак» — Танзила Нарбаева
Сенат маданий мерос объектларини сақлаш ва ҳимоясини таъминлаш бўйича давлат дастури доирасидаги ишлар тўлиқ бажарилмаётганлигини таъкидлади. Сенат қўмитаси Тошкентда маданий мерос рўйхатига киритилган айрим объектлар кўрсатилган манзилда йўқлиги, 4 та объект мавжуд эмаслигини, 56 та объектнинг кадастр ҳужжатлари бўлмаганлигини аниқлаган. Сенат раиси Танзила Нарбаева маданий мерос объектларини сақлашнинг ҳуқуқий механизмини яратиш кераклигини қайд этди.
Сенатнинг навбатдаги ялпи мажлиси 20 октябрь куни чақирилади
Сенатнинг 20-ялпи мажлиси 20 октябрь куни чақирилади. Унда ижтимоий тадбиркорлик тўғрисидаги қонун, Божхона кодекси, Сув ва сувдан фойдаланиш, Музейлар тўғрисидаги қонунларга қўшимча ва ўзгартишлар киритиш масалалари кўрилади. Қолаверса, бош вазир ўринбосари ва уй-жой коммунал хизмат кўрсатиш вазирининг ахборотлари эшитилади.
Бола асраб олиш тартиблари соддалаштирилмоқда
Фарзандликка олиш тартиблари соддалаштирилмоқда. Жумладан, унча оғир бўлмаган жиноятларни содир этиб, жазо муддатини ўтаганларга фарзандликка олиш имконияти яратилади. Ушбу жараёнга монелик қиладиган касалликларга чалинган шахслар рўйхати тасдиқланади.
5,2 млрд сўмлик ўсимликлар, португал мармари: Сенатнинг янги биноси реконструкцияси қандай кетмоқда?
Тошкент марказидаги Сенат биносини реконструкция қилиш доирасида 5,2 млрд сўмга ўсимликлар, 1 млрд сўмлик сувенирлар, португал мармаридан плиталар ва 1,1 млрд сўмлик устунли капитель ва бошқаалар сотиб олинди.
Ўзбекистонда юрак ва ўпка трансплантацияси йўлга қўйилади — Сенат
Ўзбекистонда келажакда буйрак кўчириб ўтказиш амалиётини йилига 250 тага етказиш, жигар трансплантациясини эса 50 тага етказиш режалаштирилган, маълум қилди Сенат матбуот хизмати. Шунингдек, юрак трансплантациясини жорий этиш ва йилига 50 та амалиёт ҳамда ўпка трансплантациясини йўлга қўйиш кўзда тутилмоқда.
Сенаторлар 8 та қонунни маъқуллади
18 ялпи мажлисда сенаторлар жами 8 та қонунни, шу жумладан, суғурта фаолияти, қишлоқ хўжалиги кооперативи, солиқ кодексига ўзгартиш ва қўшимчалар киритиш, давлат хавфсизлик хизмати органлари ходимлари кунини белгилаш, ҳарбий хизмат, Судьялар олий кенгаши тўғрисидаги қонунга ўзгартиш киритиш ҳақидаги ҳужжатлар маъқуллади.
ДХХ ходимлари куни 26 сентябрда нишонланади
Сенат Давлат хавфсизлик хизмати органлари ходимлари кунини 26 сентябрга белгилаш тўғрисидаги қонун лойиҳасини маъқуллади. Олдинроқ ДХХ касбий байрами 5 апрель куни нишонланар эди.
«Афғонистонда барча сиёсий кучларнинг манфаатини эътиборга оладиган коалицион ҳукумат шаклланиши тарафдоримиз» — ТИВ
Сенатнинг ялпи мажлисида Ташқи ишлар вазирининг биринчи ўринбосари Фарҳод Арзиев Афғонистон борасида Ўзбекистоннинг позициясини маълум қилди. «Энг аввало биз Афғонистонда барча сиёсий кучларни манфаатини эътиборга оладиган, уларнинг ўзаро тинчлик музокаралари натижасида эришиладиган коалицион ҳукумат шаклланиши тарафдоримиз», — деди у.
«Одамлар жарима тўлаб, яна дарахт кесишни давом эттиряпти» — Сенат раиси
2021 йилнинг 6 ойи давомида 4,5 мингдан ортиқ дарахт ноқонуний кесилган, натижада ўсимлик дунёсига 6,7 млрд сўмлик зарар етказилган. Сенат раиси Танзила Нарбаева мораторий даврида ҳам дарахтларнинг кесилишига тизимдаги сусткашликлар сабаб бўлаётганлиги таъкидлади. «Одамлар жарима тўлаб, яна дарахт кесишни давом эттиряпти», — деди у.
Ўзбекистонда 6 ойда 45 мингдан ортиқ жиноятлар содир этилган
2021 йилнинг январь-июнь ойларида Ўзбекистонда 45 мингдан ортиқ жиноятлар содир этилиб, бу кўрсаткич ўтган йилга нисбатан 111,9 фоизга ошган. 217 та қотиллик жиноятларининг ҳар учинчиси қариндошлар ёки қўшнилар ўртасида содир бўлган.
Одам савдоси икки баравардан зиёдга ошган — Танзила Нарбаева
Сенатнинг ялпи мажлисида ички ишлар вазири Пўлат Бобожонов ярим йил ичида содир этилган жиноятлар ҳақида ахборот берди. Жумладан, 99 та одам савдоси фош этилгани айтилди. Танзила Нарбаева эса ушбу жиноятлар ўтган йилга нисбатан икки баравардан кўпроққа ошгани ва 34 та ҳолат чақалоқлар савдоси билан боғлиқлигини маълум қилди.
«Соғлиқни сақлаш ходимлари уйма-уй юриб, аҳолининг кўпроқ кайси касалликлар билан оғриётганини аниқлаши керак» — Танзила Нарбаева
Сенат раиси Танзила Нарбаеванинг таъкидлашича, тиббиёт хизмат соҳасидаги кўплаб муаммолар жойларда вақтида ўрганишлар олиб борилмаганлиги сабабли келиб чиқмоқда. У аҳолининг саломатлигини таъминлашда маҳаллий кенгашлар ҳам фаол бўлиши кераклигини қайд этди.
Ўзбекистонда янги меҳрибонлик уйларини очмаслик таклиф этилмоқда
Тошкентда ноинституционллаштиришни тезлаштириш бўйича биринчи халқаро конференция ўтказилди. Тадбир иштирокчилари янги интернат муассасаларининг очилишига йўл қўймасликни ва мавжуд муассасаларни ижтимоий хизматлар марказларига айлантиришни таклиф қилишди.
Тошкент вилоятининг туман ва шаҳарлари чегараларига ўзгартиш киритиш маъқулланди
Олий Мажлис Сенати Тошкент вилоятининг умумий майдони 17,3 минг гектар бўлган туман ва шаҳарлар чегараларини ўзгартириш тўғрисидаги қарорни қабул қилди. Бу жиноятчиликка қарши самарали курашиш ва аҳолининг ижтимоий таъминотини яхшилашга ёрдам бериши таъкидланди.
Тошкент вилоятида бир ярим минг гектардан ортиқ ер ўзбошимчалик билан эгаллаб олинган
Тошкент вилоятида 9 минг 614 та ҳолатда 1618 гектар ер майдони ўзбошимчалик билан эгаллаб олинганлиги аниқланди. Бундан ташқари, ер участкалари давлат ва жамоат эҳтиёжлари учун олиб қўйилишидан олдин етказилган зарарни қоплаш чоралари кўрилмагани қайд этилди.
Сенат бир қатор қонунларни кўриб чиқади
15 ялпи мажлисда Сенат транспорт тўғрисидаги қонун, Сайлов кодексига ва бошқа қонунларга ўзгартиришлар, 2030 йилгача гендер тенглиги стратегияси тўғрисидаги масалани кўриб чиқади ва ҳукуматнинг давлат буджети ижроси тўғрисидаги ҳисобот эшитилади.
«Мингўрик» ёдгорлиги ёнидаги қурилиш ишлари рухсат олинмасдан бошланган — Сенат
Тошкент шаҳрининг Миробод туманидаги Мингўрик археология ёдгорлиги ёнида Тошкент шаҳар ИИББ Маънавият ва маърифат марказининг қурилиши тегишли рухсат олинмасдан бошланган, дея маълум қилди Сенатнинг Ёшлар, маданият ва спорт масалалари қўмитаси.
Энг кўп ўқилган хабарлар | Сўнгги янгиликлар
- Тошкентда юқори тезликдаги Kia уриб юборган пиёда вафот этди
- Олмалиқда яшаш хонадонига кириб қолган эчкиэмар табиатга қўйиб юборилди (+видео)
- Фото: Тошкентда илк бор мудофаа соҳасидаги инновацион технологиялар фестивали бўлиб ўтди
- Тошкентда 4 та автобуснинг ҳаракат йўналиши ўзгарди
- Самарқандда 15 ёшли қиз она бўлгани юзасидан жиноят иши қўзғатилди
Қўшимча имкониятларга эга булиш учун сайтда рўйхатдан ўтинг