Спорт
Ўзбекистон ўсмирлар терма жамоаси бокс бўйича Осиё чемпионатида биринчи ўринни эгаллади
Иорданияда бокс бўйича ўтказилган Осиё чемпионатида Ўзбекистон терма жамоаси 11 та олтин, 6 та кумуш ва 6 та бронза медалини қўлга киритиб, биринчи ўринни эгаллади.
Осиё чемпионатида ўзбекистонлик боксчи протест туфайли финалга чиқди
Ёшлар ўртасида бокс бўйича Осиё чемпионатининг ярим финалида ҳакамлар аввалига ҳиндистонлик Ананд Ядав ўзбекистонлик Абдували Бўрибоев устидан ғалаба қозонганини қайд этди. Ўзбекистон бокс федерациясининг «протестидан» сўнг, ҳакамлар қарорини ўзгартирди. Финал йўлланмасини Абдували Бўрибоев билан бирга яна 9 нафар боксчи қўлга киритди.
Фото: Олимпия шаҳарчаси лойиҳаси тақдим этилди
Пойтахтнинг Яшнобод туманидаги 100 гектар майдонда Олимпия шаҳарчаси қурилади. Унинг марказида олимпия стадиони, ёпиқ спорт мажмуалари, сув спорти саройи, машғулот майдончалари, эшкак эшиш ҳавзаси барпо этилади. Мусобақалар бўлмаган вақтда эса шаҳарчада Олий спорт маҳорати институти, спорт федерациялари фаолият олиб боради. Янги Ўзбекистон кўчасида дарахтлар экилиб, сайилгоҳ ташкил этилади (фото).
Ўткирбек Тўрабоев дзюдо бўйича Европа очиқ чемпионатида ғалаба қозонди
Прагада ўтган дзюдо бўйича Европа очиқ чемпионатида энг оғир вазн тоифасида 19 ёшли Ўткирбек Тўрабоев олтин медални қўлга киритди. Раҳимжон Субҳонов (-66 кг) бронза медалига эга чиқди.
Оксана Чусовитина Дохада олтин медални қўлга киритди
Дохада ўтказилган бадиий гимнастика бўйича жаҳон кубогида Оксана Чусовитина таяниб сакрашда олтин медални қўлга киритди.
Роман Абрамович «Челси» клубини сотишга қарор қилди
Россиялик тадбиркор Роман Абрамович Лондоннинг «Челси» жамоасини сотишга қарор қилди. Келишувдан тушадиган барча маблағлар Украинадаги урушда жабрланганларни қўллаб-қувватлайдиган хайрия жамғармасига йўналтирилади. Ҳозирда клубга асосий даъвогар сифатида швейцариялик миллардер Хансйорг Висс эътироф этилмоқда.
Алишер Усмонов Халқаро қиличбозлик федерациясига раҳбарлик қилишни тўхтатди
Россиялик тадбиркор Алишер Усмонов Европа Иттифоқи санкциялари туфайли Халқаро қиличбозлик федерациясига раҳбарликни «адолат тикланмагунча» тўхтатиб туришга қарор қилди. ЕИ ҳужжатида унинг Қрим аннекцияси ва Украинадаги беқарорлик учун масъул бўлган Россия расмийларини қўллаб-қувватлагани айтилди. Тадбиркор ўз шаъни ва обрўсини ҳимоя қилишини билдирди.
«Велосипедда оёғим битта эканини унутаман». Бир спортчи ҳикояси
2010 йилда 11 ёшли Аброр Артиковни поезд уриб юборди. Боланинг оёғини сон қисмидан кесиб ташлашди. У янги реалликни қабул қилишга ҳаракат қиларди ва бир марта велосипедга миниб кўрди. Бир неча маротаба йиқилиб, кўкариб, мувозанатини маромига келтирди. Аброр учиб кетди. Кўп ўтмай у велоспорт бўйича мураббий билан танишиб, профессионал тарзда шуғуллана бошлади. Бу ҳикоя Ўзбекистон терма жамоаси параспортчиларидан бирининг енгилмас руҳияти ҳақида. Аброрнинг устози бу унга Париж-2024 Паралимпия ўйинлари шоҳсупасига кўтарилишига ёрдам беришига ишонади.
Украинадаги можаро ортидан Россияга спорт бўйича қандай чекловлар қўйилмоқда?
Россиянинг Украинага қарши «махсус ҳарбий операциялари» оқибатида мамлакат спортда ҳам кўплаб санкцияларга учради. УЕФА Чемпионлар Лигаси финалини Санкт-Петербургда эмас, Парижда ўтказишга қарор қилди. ФИФА ҳам Россия ҳудудида ҳеч қандай халқаро мусобақа ўтказилмаслигини маълум қилди, энди мамлакат вакиллари Россия байроғи ёки мадҳиясидан фойдалана олмайди. Бундан ташқари, Владимир Путин Халқаро дзюдо федерациясининг «фахрий президенти ва элчиси» мақомидан маҳрум этилди. Сочида ўтиши кутилаётган «Формула-1» гран-приси эса бекор қилинди.
УЕФА Чемпионлар Лигаси финалини Парижга кўчирди
УЕФА Европадаги хавфсизлик билан боғлиқ вазият жиддий тус олгани туфайли бу йилги Чемпионлар лигаси финалини Санкт-Петербургда эмас, Парижда ўтказиш тўғрисида қарор қабул қилди.
УЕФА Чемпионлар Лигаси финалини Санкт-Петербургда ўтказмасликка қарор қилди
УЕФА Украинадаги вазият туфайли Чемпионлар лигаси финалини Россияда ўтказмасликка қарор қилди. Бу 25 февраль куни ўтадиган УЕФА Ижроия қўмитасининг навбатдан ташқари йиғилишида тасдиқланади.
«Ўзавтосаноат» раиси Ўзбекистон гимнастика федерациясига ҳам раҳбар бўлди
«Ўзавтосаноат» АЖ компанияси бошқарув раиси Шавкат Умурзоқов энди Ўзбекистон гимнастика федерациясига ҳам раҳбарлик қилади. У федерация йиғилишида ўзбек гимнастикаси эски анъаналарини қайта тиклашини маълум қилди.
2021 йилда допинг туфайли 14 нафар спортчи дисквалификация қилинган — ЎзМАДА
Допинг истеъмол қилиш ҳолатлари асосан оғир ва енгил атлетика, дзюдо, аёллар кураши, самбо, баскетбол, сув полоси, муай-тай ва пауэрлифтинг спорт турларида аниқланган.
Сабрим туфайли муваффақиятга эришдим — Элдор Шомуродов
Футболчи Элдор Шомуродов УЕФАга берган интервьюсида Италиягача бўлган йўли, Ўзбекистон терма жамоаси сардорлиги қандай кечаётгани, Европа футболи ва менталитетининг фарқи ҳақида гапирди. Интервьюнинг ўзбек тилидаги тўлиқ матни.
Ўзбекистон тентпеггинг федерацияси рўйхатдан ўтказилди
Ўзбекистон тентпеггинг федерацияси Адлия вазирлиги томонидан давлат рўйхатидан ўтказилди. Ушбу ташкилотнинг асосий вазифаси мазкур спорт турини оммалаштиришдан иборат.
Юнон-рум курашчиси Султонбек Элмуратов допинг туфайли 4 йилга спортдан четлатилди
Юнон-рум курашчиси Султонбек Элмуратовдан 2021 йил октябрь ойида мусобақадан ташқари даврда олинган допинг синамасидан тақиқланган Фуросемид моддаси аниқланган. Спортчи 2025 йил 22 декабрга қадар спортдан четлатилди.
Ўзбекистон Марказий Осиёнинг энг қиммат терма жамоаси, Шомуродов энг қиммат футболчи бўлди
Германиянинг Transfermarkt сайти Марказий Осиё мамлакатлари футбол терма жамоалари рейтингида Ўзбекистон терма жамоаси 31,80 млн еврога баҳоланиб, минтақа рейтингида пешқадам бўлди. Элдор Шомуродов (12 млн евро) эса ушбу минтақанинг энг қиммат футболчиси дея қайд этилган. Рейтингда охирги ўринни Туркманистон жамоаси эгаллаган.
Шахматчи Нодирбек Абдусатторов Чемпионлар турида иштирок этади
Тезкор шахмат бўйича жаҳон чемпиони Нодирбек Абдусатторов Meltwater Чемпионлар турида илк ўйинини ўтказади. У биринчи бўлиб голландиялик гроссмейстер Аниш Гирига қарши ўйнайди, шунингдек, Магнус Карлсен, Динь Лижэн, Ян Непомнящий, Левон Аронян ва бошқа шахматчилар билан ҳам беллашади.
Ўзбекистон терма жамоасининг биринчи мураббийи вафот этди
Футбол бўйича Ўзбекистон миллий терма жамоасининг биринчи мураббийи Рустам Акрамов 73 ёшида вафот этди. У 1992−1994 йиллардаги фаолияти давомида жамоа билан Марказий Осиё чемпионати ва 1994 йил Хиросимада ўтган Осиё ўйинларида ғалаба қозонган. Кейинги икки йилда эса Ҳиндистон терма жамоасини бошқарган.
Париж-2024 Олимпия ва Паралимпия ўйинлари ғолибига $200 минг мукофот пули берилади
Президент қарори билан Париж-2024 ёзги Олимпия ва Паралимпия ўйинларида совриндор бўлган ўзбекистонлик спортчилар олтин медаль учун — 200 минг доллар, кумуш медаль учун — 100 минг доллар, бронза медаль учун — 50 минг доллар миқдоридаги пул билан мукофотланади.
Энг кўп ўқилган хабарлар | Сўнгги янгиликлар
- Ўзбекистон футболчилари U-23 Осиё кубогида Индонезияни мағлуб этиб, тарихда илк бор Олимпиада йўлланмасини қўлга киритди (+ видео)
- Ўзбекистонлик гимнастикачи қизлар Тошкентда ўтган Жаҳон кубогида еттита медаль олди
- Президент футбол бўйича ёшлар терма жамоасини Париждаги Олимпиадага йўлланма олгани билан табриклади
- Ўзбекистонлик ҳоккейчилар U-18 Осиё ва Океания кубоги чемпиони бўлди (видео)
Қўшимча имкониятларга эга булиш учун сайтда рўйхатдан ўтинг