Юнон-рум курашчиси Султонбек Элмуратов допинг туфайли 4 йилга спортдан четлатилди, бу ҳақда Миллий антидопинг агентлиги матбуот хизмати хабар бермоқда.
«Ўзбекистон Миллий антидопинг агентлиги ҳузуридаги Ахлоқ комиссиясининг қарорига кўра, спортчи Султонбек Элмуратовдан 2021 йил октябрь ойида мусобақадан ташқари даврда олинган допинг синамасидан тақиқланган Фуросемид моддаси аниқланган», дейилади хабарда.
Шу боис, Султонбек Элмуратов антидопинг кодексининг 2.1 моддасида кўзда тутилган антидопинг қоидабузарлиги учун 2021 йил 23 декабрдан бошлаб, 2025 йил 22 декабрга қадар 4 йил муддатга дисквалификация қилинган.
