Ўзбекистон терма жамоасининг биринчи мураббийи, профессор Рустам Акрамов 73 ёшида вафот этди, деб хабар берди ЎФА.
У 1948 йилда Тошкент вилоятининг Янгибозор туманида туғилган. Мураббий сифатида 1990−1992 йилларда Жазоирнинг УСМ клуби ва миллий терма жамоасида фаолият олиб борган.
Рустам Акрамов Ўзбекистон мустақилликка эришганидан сўнг, футбол бўйича миллий терма жамоани бошқарган биринчи мураббий ҳисобланади. 1992−1994 йиллар терма жамоа у билан Марказий Осиё чемпионати ва 1994 йил Хиросимада ўтган Осиё ўйинларида ғалаба қозонган.
Рустам Акрамов ундан кейинги 2 йил давомида Ҳиндистон терма жамоасини бошқарган. Кейинчалик ОФК, ФИФА ташкилотларида инструктор бўлиб фаолият олиб борган.
Шунингдек, у футболга оид 30 дан ортиқ асар, 100 га яқин илмий мақола ва 6 та китоб ҳам ёзган.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Ўзбек футболи ривожига қўшган улкан ҳиссаси учун «Шуҳрат» медали ҳамда «Ўзбекистон Республикасида хизмат кўрсатган спорт устози» фахрий унвони билан тақдирланган.
