Ўзбекистон ҳуқуқ-тартибот идоралари Миллий олимпия қўмитаси раҳбари ўринбосари лавозимида ишлаб келаётган «Салимбой» лақабли тадбиркор Салим Абдувалиевни қўлга олди.
Пойтахт халқ депутатлари кенгаши «Янги Тошкент» лойиҳасини ҳисобга олган ҳолда Тошкент шаҳрининг бош режасини ишлаб чиқиш учун биринчи босқичда 40 млрд сўм ажратилишини маъқуллади.
Ўзбекистон Экология вазирлиги ва Tadweer (БАА) компанияси COP28 доирасида қаттиқ маиший чиқиндиларни бошқариш соҳасида «яшил» технологияларни жорий этиш, шунингдек, чиқиндиларни электрга айлантириш заводини ишга туширишни назарда тутувчи меморандумни имзолади.
24 январгача Click компанияси 1 млрд сўм ўйналувчи акция ўтказмоқда. Асосий пул мукофотларидан ташқари, иштирокчиларда ҳар кунлик совринларни ютиб олиш имконияти бор.
Рекорд даражада кўп — 26 та «Оскар» ҳайкалчаси эгасига айланган Уолт Дисней таваллудига 5 декабрь куни 122 йил тўлди. У асос солган Disney студияси ўз фильмлари билан нафақат болалар, балки катталарга ҳам завқ улашишда давом этмоқда. «Газета.uz» айнан шу студия мультфильмлари ҳақида тест тайёрлади.
Ўзбекистонда 2023 йил кузи, хусусан, ноябрь ойи метеорологик кузатувларнинг барча йиллари учун энг иссиғи бўлди. Фаслнинг сўнгги ойида ҳарорат +28 даражагача кўтарилди. Республика бўйича ёғингарчилик кам ва меъёр атрофида бўлди.
Uzbekistan Airways томонидан қишки таътил муносабати билан ўрта махсус, касб-ҳунар ва олий таълим муассасаларида ўқувчи талабаларга 23 декабрдан 7 январгача 50 фоизлик чегирма берилади.
Москва — Термиз йўналишида учаётган самолёт йўловчилардан бирининг соғлиғи ёмонлашгани сабабли Қозоғистоннинг Ақтўбе шаҳри халқаро аэропортидаги муқобил аэродромга қўнди. Экипаж борт тагига тез ёрдам машинасини чақиртирган.
Адлия вазирлиги қарғиш учун жарима ва 15 суткагача қамоқ тарзидаги маъмурий жавобгарлик жорий этилиши режалаштирилаётгани ҳақидаги хабарларни рад этди. Бундай ҳужжат лойиҳаси жамоатчилик муҳокамасига қўйилмаган, деди вазирлик.
Чилонзор туманида қалбаки 20 минг долларни сотишда гумонланган шахслар ушланди. Улар фуқарога пулларни 10 минг долларга сотган.
Андижон вилоятидаги профилактик тадбирларда жиноят олами вакиллари, товламачилар, «ўзидан етакчи ясаб олганлар» ҳамда уларга яқин бўлган шахслар қўлга олинмоқда. Хусусан, безорилик, товламачилик ва гиёҳвандлик воситалари билан боғлиқ жиноятларни содир этишда гумонланиб 3 нафар шахс ҳибсга олинди.
Жиззах шаҳрида «ВАЗ-2107» ҳайдовчиси бошқарувни йўқотиб, йўл четида тўхтаб турган 5 та автомобилга бориб урилди. Оқибатда уч киши жароҳатланди.
Урганч-Хива-Урганч йўналишидаги троллейбус ҳаракати тикланди. Қатнов юқори кучланишли электр симлари ва трансформаторларида таъмирлаш ишлари олиб борилгани ҳамда электр энергияси бўйича юзага келган муаммолар сабабли 20 ноябрда тўхтатилганди.
4 декабрь куни эрталаб Урганчни қалин туман қоплади. Бундай об-ҳаво туфайли иккита авиарейс кечиктирилди. Соат 10 га келиб, туман тарқади. Фотограф Азамат Маткаримов тонгда туманли шаҳарни айланди.
Учкўприк туманида давлатга 2,8 млрд сўмдан зиёд зарар келтирган майнинг ферма фаолияти тўхтатилди.
Тошкентнинг Янгиҳаёт, Бектемир, Яшнобод туманларидаги баъзи маҳалла ва кўчаларда 5−6 декабрь кунлари табиий газ таъминоти вақтинча тўхтатилади.
Давлат ОТМларида 1-курс ва ўқишини кўчиришга тавсия этилган талабалар учун тўлов-контракт маблағларини тўлаш муддати 25 декабрга қадар узайтирилди. Юқори босқичдагиларнинг контрактни тўлаш муддати эса олийгоҳ раҳбари томонидан узайтирилиши мумкин.
Тошкент шаҳар ИИББ ходимлари томонидан жуда кўп миқдорда товламачилик моддаси бўйича қўзғатилган жиноят иши доирасида жиноий фаолиятда гумонланган яна 10 киши қўлга олинди. «Улар таҳдид ва куч ишлатиш йўли билан пул маблағларини ноқонуний қўлга киритиш билан шуғулланган», — дейилади хабарда.
Ўзбекистон ҳуқуқ-тартибот идоралари Достон Халиловни Қирғизистонга қочишга уринган вақтда қўлга олди. Унинг Бахтиёр Қудратуллаев («Бахти Ташкентский») билан яқин жиноий алоқаси бўлгани қайд этилган.
Миллий маркетплейс Uzum Market куз фаслининг уч ойи сарҳисоблар билан ўртоқлашди. Унга кўра, платформада 11 млн маҳсулот расмилаштирилди, Ўзбекистоннинг 10 та шаҳрида 100 та янги тарқатиш пункти очилди.
Қўшимча имкониятларга эга булиш учун сайтда рўйхатдан ўтинг