Жамият
Россияда мигрантлар ўтириб юришга мажбурлангани ҳолати назоратга олинди — Ташқи меҳнат миграцияси агентлиги
Ташқи меҳнат миграцияси агентлиги Екатеринбургдаги қурилиш объектларидан бирида ўтказилган рейд чоғида меҳнат патентига эга бўлмаган икки нафар Ўзбекистон фуқароси қўлга олингани ҳақида хабар берди. Уларга ҳуқуқий ва бошқа ёрдам кўрсатилиши қайд этилди.
Ўзбекистон-Хитой таълим форуми ёзувларида нега ўзбек тилидан фойдаланилмади? Вазирлик изоҳи
Пекинда ўтган Ўзбекистон-Хитой таълим форумидаги экран ва баннер ёзувларида ўзбек эмас, балки рус тилидан фойдаланилгани жамоатчиликда савол уйғотди. Олий таълим вазирлигининг «Газета.uz»га маълум қилишича, «қулайлик нуқтаи назаридан форумнинг расмий тили хитой ва рус тиллари этиб белгиланган».
Андижон тумани собиқ ҳокимининг жазоси енгиллаштирилди
Андижон туманининг собиқ ҳокими Абдужаббор Эгамбердиев бир йил аввал 2 йилга ахлоқ тузатиш ишлари жазосига ҳукм қилингани маълум бўлди. Бир ҳафта олдин суд уни муддатидан илгари (1 йилдан ортиқ) масъул лавозимларда ишлаш ҳуқуқидан маҳрум қилиш жазосидан шартли озод қилди.
Тошкентдаги боғчада қизларга тегажоғлик қилган директорнинг ўғли 6 йилга қамалди
Тошкент шаҳри Чилонзор туманидаги 230-сонли боғча директорининг ўғли 4 нафар қизчага тегажоғлик қилгани айтилаётганди. Суд унга нисбатан 6 йил озодликдан маҳрум қилиш жазосини тайинлади. Жазо тарбия колонияларида ўталади.
«Собиқ МХХ биносидаги ҳолат такрорланмайди» — Маданий мерос агентлиги директори «Шарқ» нашриёти биноси сотуви ҳақида
«Шарқ» нашриёти биноси хусусийлаштирилиши туфайли маданий мерос объектлари рўйхатидан чиқарилди. Хусусийлаштириш иши тугагач, маданий аҳамиятини сақлаб қолган бинолар (ЎзА ҳам) муҳофаза қилинади. «Шарқ» биноси тақдири унга яқин жойдаги бузиб ташланган собиқ МХХ биноси каби бўлмаслиги айтилмоқда.
23 январь куни эълон қилинган энг муҳим янгиликлар дайжести
Реконструкция қилинадиган «Шарқ» нашриёти бинолари, ҳаво сифати бўйича миллий стандартлар, транспорт вазирига юборилган сенатор сўрови, Осиё Кубоги нимчорак финалига чиққан Ўзбекистон ва бошқалар — «Газета.uz»нинг кунлик дайжестида.
Ўзбекистонлик аёл Ҳиндистонда ис газидан вафот этди
Ҳиндистоннинг Ҳарьяна штатидаги дам олиш масканларидан бирида Ўзбекистон фуқаросининг жасади топилди. Маълум бўлишича, у ис газидан заҳарланиш оқибатида вафот этган. Ҳозирда марҳумани ватанга қайтариш чоралари кўрилмоқда.
«Шарқ» биноларининг аксарияти аянчли аҳволда ва тўлиқ реконструкцияга муҳтож — Маданий мерос агентлиги
Маданий мерос агентлиги «Шарқ» нашриёти бинолари маданий мерос объектлари рўйхатидан чиқарилишини изоҳларкан, «аксарияти аянчли ҳолатида экани ва тўлиқ реконструкцияни тақозо этиши»ни билдирди. Бинолар 2023 йилнинг октябрида ДАБА ишчи гуруҳи билан бирга ўрганилган.
Тошкентда ҳаво сифати қандай яхшиланади? Экология вазирлиги — шошилинч чоралар лойиҳаси ҳақида
Экология вазирлиги «Газета.uz»га Тошкент шаҳрида ҳаво сифатини яхшилаш бўйича кечиктириб бўлмайдиган чора-тадбирлар лойиҳаси ҳақида маълумот берди. Иссиқхона ҳамда заводларда чанг-газ филтрларини ўрнатиш, Аи-80, ИЭСларда кўмир ҳамда мазутдан фойдаланишни тақиқлаш ва бошқалар шулар жумласидандир.
АҚШ Ўзбекистонга 131 тонна озиқ-овқат ёрдамини етказиб берди
АҚШ ўзининг USAID дастури орқали Ўзбекистонга қиймати 420 минг доллардан зиёд бўлган 131 тонна озиқ-овқат ёрдамини етказди. Бу орқали туберкулёз ва руҳий саломатлик муассасаларидаги беморлар, ногиронлиги бўлган болалар ва кексалар 6,5 млн порция озиқ-овқат билан таъминланади.
Ўзбекистонда болаларнинг 74 фоизи мактабгача таълим билан қамраб олинган
Ўзбекистонда 3 млн нафарга яқин 3−7 ёшли бола бор. Уларни мактабгача таълим билан қамраб олиш даражаси 74 фоизни ташкил қилмоқда. Мамлакатда бу кўрсаткични 2026 йилгача 80 фоизга, 2030 йилга бориб, 100 фоизга етказиш режа қилинган.
«Тошкент атрофида „яшил ҳалқа“ ўрнига „кулранги“ шаклланди». Экология вазирлиги — ҳаво ифлосланиши ҳақида
Тошкент атрофида кўмирдан фойдаланадиган иссиқхоналар сабаб «яшил ҳалқа» ўрнига «кулранг ҳалқа» ҳосил бўлди, деб хабар қилди Экология вазирлиги «Газета.uz»га. Вазирлик ҳаво ифлосланишининг бошқа асосий сабабларини санаб ўтди.
Президент «Соғлиқни сақлаш лойиҳалари маркази»ни очиш таклифини маъқуллади
ССВ тузилмасида «Соғлиқни сақлаш лойиҳалари маркази» лойиҳа офисини очиш режа қилинмоқда. Ташкилот давлат тиббий суғурта, кафолатланган бепул хизмат, дори пакети тизими ва бошқаларни жорий этади. Марказ давлат харидлари шаффофлигини ошириш, фармацевтика соҳасини ислоҳ қилиш кабиларга кўмаклашади.
Жамоат транспорти тизимидаги камчиликлар юзасидан транспорт вазирига сенатор сўрови юборилди
Сенатор Фарход Боқиев транспорт вазири Илҳом Маҳкамовга жамоат транспорти тизимидаги камчиликлар, жумладан, айрим ҳайдовчиларда муомала маданиятининг етарли эмаслиги, кунлик «план»дан тўлиқ воз кечилмагани ва аҳоли томонидан мурожаатлар сонининг ортгани сабаб сўров юборди.
«Шарқ» нашриёти бинолари Моддий маданий мерос объектлари рўйхатидан чиқарилди
Тошкент шаҳар Буюк Турон кўчаси 41-уйда жойлашган «Шарқ» нашриёт-матбаа корхонаси бинолари Моддий маданий мероснинг кўчмас мулк объектлари миллий рўйхатидан чиқарилди. Вазирлар Маҳкамасининг 2024 йил 15 январдаги қарори билан Миллий рўйхатга тегишли ўзгартириш киритилган.
Ўзбекистонда ҳаво сифати бўйича миллий стандартлар ишлаб чиқилади
Ўзбекистонда ҳаво сифатига оид миллий стандартлар ишлаб чиқилади. ЖССТ тавсияларига географик ва иқлимий хусусиятлар туфайли эришиш қийин, ҳеч бир мамлакатдаги кўрсаткичлар ЖССТ стандартига мувофиқ эмас, дея таъкидлади Экология вазирлиги. Ҳаво билан боғлиқ касалликлар бўйича ҳам ўрганишлар бошланди.
British Management University 2024−2025 ўқув йили учун қабул бошланганини эълон қилди
British Management University 2024−2025 ўқув йили учун ҳужжатларни қабул қилишни бошлади. Абитуриентлар молия ва банк, лойиҳаларни бошқариш, рақамли маркетинг ҳамда бошқа йўналишларни танлаши мумкин.
«Тошкентликлар хотирасининг синчларидан бири». Борис Чухович — «Шарқ» (ЎзА) биноси ҳақида
Архитектор Ричард Блезэ қурган 16 қаватли «Шарқ» нашриёти биноси 10 йил аввалги нотўғри реконструкцияга қарамай, ҳамон Тошкент рамзи бўлиб қолмоқда, дейди архитектура тарихчиси Борис Чухович. У «Газета.uz»га ёзган мақоласида «Шарқ» биноларини сақлаб қолиш нима учун зарурлигини тушунтирган.
Ўзбекистонда Jadidlar.uz платформаси ишга туширилди
Фанлар академияси Тарих институти жамоаси томонидан икки йил давомида яратилган Jadidlar.uz платформаси тест режимида иш бошлади. Лойиҳа учун 1 млрд сўмлик грант маблағи ажратилган. Унга 250 га яқин жадид ҳақида маълумотлар киритилган.
Эпицентри Хитойда бўлган зилзила Ўзбекистонда сезилди
Тошкент шаҳри ва Ўзбекистоннинг бошқа ҳудудларида 3−4 балли зилзила сезилди. Унинг эпицентри Хитойнинг Шинжон-Уйғур автоном вилоятида, Қирғизистон билан чегарада жойлашган. Зилзила эпицентрда 7 баллни ташкил қилган.
Энг кўп ўқилган хабарлар | Сўнгги янгиликлар
- Тошкентда Gentra ТАПОиЧ кўпригидан пастга қулаб тушди
- Сурхондарёда Cobalt уриб юборган икки боладан бири вафот этди
- Тошкентнинг 6 та туманидаги айрим жойларда вақтинча ичимлик суви бўлмайди
- Манфаатлар тўқнашуви тўғрисидаги қонун ва даромадлар декларацияси тўғрисидаги қонун лойиҳаси тақдири нима бўлди?
Қўшимча имкониятларга эга булиш учун сайтда рўйхатдан ўтинг