Президентнинг ўз белгиси ва штандарти бўлиши, янги имзоланган қарор ва фармонлар, президент сайлови тарихида бўлиб ўтиши режалаштирилаётган биринчи теледебат — «Газета.uz»нинг 18 октябрдаги энг муҳим хабарлари дайжестида.
Кўп квартирали уйнинг ертўласидан фойдаланиш тартиби тўғрисидаги низом тасдиқланди. Ертўладад дўконлар, киоскалар, дўкончалар ва бошқа фаолият турларини амалга ошириш мумкин. Ертўлалар фақат квартира эгаларининг розилиги билан ажратилади.
10 кун оралиғида пойтахт тез ёрдам хизматига бемор болалар бўйича келиб тушган чақириқлар сони 13 минг 820 тага етди. Октябрь ойида болалар бўйича шаҳар тез ёрдамга бўлаётган кунлик мурожаатлар ўртача 1300−1500 тани ташкил қилмоқда.
Паркент тумани тиббиёт бирлашмаси мансабдорлари 1,5 млрд сўм маблағни талон-торож қилгани айтилмоқда. Уларга «қамоқ» ва «уй қамоғи» эҳтиёт чоралари қўлланилган. Прокуратура жиноят ишини судга оширди.
АҚШ ҳукумати Ўзбекистонга 526 500 доза Pfizer/BioNTech вакцинасини етказиб берди. Ой охиригача мамлакатга ушбу вакцинадан яна 274,5 минг доза олиб келинади.
Lactalis барча турдаги сут маҳсулотларини сотишни ва Ўзбекистон бозорида сут ишлаб чиқарувчи етакчи компанияларидан бирига айланишни режалаштирмоқда.
Пайшанба куни Ўзбекистонда об-ҳаво совуқлашиб, +18 даража илиқ бўлиши, дам олиш кунлари эса кундузи +13 даражача тушиши кутилмоқда. Баъзи ҳудудларда ёғингарчилик кутилмоқда, тоғли ҳудудларда эса қор ёғиб, баъзи жойларда кучли бўлади. Бундан ташқари, шамол тезлиги кучайиши, айрим вилоятларда туман тушиши ҳам мумкин.
Фарғона вилояти ҳокими Сўх туманида қурилиш ишлари якунланаётган янги аэропортни бориб кўрди. 7 гектар майдонда жойлашган аэродром лойиҳаси аввалига 12 млрд сўмга баҳоланган эди, қурилиш якуни бўйича бюджетдан 6,8 млрд сўм ажратилгани айтилмоқда.
1 октябрь ҳолатига кўра, Самарқанд вилоятида 4 млн 8 минг 843 киши яшаб келмоқда. Шунингдек, Фарғона вилоятида 3,8 млн киши, Қашқадарё вилоятида 3,3 киши истиқомат қилади. Тошкент шаҳрида 2,8 млн киши доимий яшамоқда.
2022 йил 1 октябргача Тошкент шаҳрига кириб келувчи йўловчи транспортлар учун 6 та метро бекати атрофида автотураргоҳлар ташкил этилади. Шунингдек, кейинги йилнинг 1 июлига қадар 7 та метро бекатида транспорт ўтиш боғламалари ташкиллаштирилади.
Самарқанд вилояти Пахтачи туманидаги боғчада ошпаз ва хўжалик ишлари мудири гўшт ўғирлаётганда ушланди. Улар бу ишни директорнинг топшириғи билан қилганини айтмоқда. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Президент қарори билан Ўзбекистон давлат консерваторияси ҳузуридаги Ботир Зокиров номидаги Миллий эстрада санъати институти ташкил этилади. Келгуси ўқув йилидан бошлаб ОТМда бастакор, санъатшунос ва овоз режиссёрлари тайёрланади.
Hair Boss студияси Benefit қизил карточкаси хизматларини таклиф қилади. Ушбу карта белгиланган ва бир йил давомида ўзгармайдиган нархда учта зонани лазерли эпиляция қилиш имкониятини беради.
Парламент комиссияси йиғилишида коронавирус пандемиясига қарши курашиш ва вакциналар сотиб олиш учун қўшимча 1,3 трлн сўм ажратилгани қайд этилди. 2021 йилда бу мақсадлар учун давлат бюджетида 3 трлн сўм захира шакллантирилган эди, лекин ушбу маблағ сарфлаб бўлинган.
Ўзбекистон бўйлаб 1,2 миллиондан ортиқ истеъмолчининг табиий газдан фойдаланганлик учун 501,6 млрд сўм миқдоридаги дебиторлик қарздорлиги мавжудлиги маълум қилинди.
ЙТҲ оқибатида кимдир ҳалок бўлгани ҳақидаги хабарлар кунда чиқиб турибди. Кўплаб болалар ҳам йўллардаги ҳалокатлар қурбони бўлишмоқда. Шунга қарамасдан, депутатлар тезликни оширганлик учун жарима миқдорини пасайтиришни таклиф қилишди. Оғабек Самисов ЙТҲларнинг сабаб ва оқибатларига эътибор қаратди.
Лахмажун, ясмиқли крем-шўрва, ревани ва симитлар, бурек ёки ёнғоқли пирог — Zira.uz турк ошхонасининг таомлари рецептлари рўйхатини тақдим этади.
Германия Ўзбекистонга коронавирусга ПЦР текширувини ўтказиш учун мобил лаборатория етказиб берди. Лаборатория қуввати бир кунда 1500 та таҳлил ўтказишга мўлжалланган. Ушбу лабораторияда коронавирусга бепул тест топшириш мумкин.
Рустам Азимовнинг ОАВда чиқиш қилиши, Ўзбекистон Ҳуқуқ устуворлиги индексида 14 поғонага кўтарилиши, Safia асосчисининг президентга мурожаат қилиши — «Газета.uz»нинг 15 октябрдаги энг муҳим хабарлари дайжестида.
Ҳукумат қарорига мувофиқ ҳайдовчининг ЙПХ инспекторига тақдим этилиши лозим бўлган ҳужжатлари ёнида бўлмаса улар махсус планшет қурилмаси ёрдамида идентификация ID-картаси орқали текширилади. Шунингдек, 2022 йил 1 февралгача суғурта шартномалари тўғрисидаги маълумотлар ягона ахборот тизимига тўлиқ киритилади.
Қўшимча имкониятларга эга булиш учун сайтда рўйхатдан ўтинг