Ўзбекистонда энг йирик жаҳон брендлари, трансмиллий корпорациялар ва компанияларнинг мавжудлиги баъзан қонунчилик, фискал сиёсат ва иқтисодий чоралар билан қўллаб-қувватланадиган бозорнинг барқарорлигини ва шаффофлигини таъминлашнинг яққол индикатори ҳисобланади. 2019 йилда Ўзбекистонга машҳур француз концерни Lactalis`нинг кириб келиши яна бир маротаба буни таъкидлади: мамлакатнинг бозори сут маҳсулотлари соҳасида яна бир ишончли ҳамкорга эга бўлди, компания эса Марказий Осиё минтақасидаги ўзининг ўрнини мустаҳкамлади.
Янги бозорда — янги имкониятлар
Ўзбекистон истеъмолчиларини ҳалқаро бренд ва сут маҳсулотларини ишлаб чиқариш соҳасида тан олинган етакчи компания билан таништириш вазифаси Lactalis Central Asia МЧЖ ХК бош директори Кристиан Хубертга топширилди.
Lactalis компаниясининг Ўзбекистон бозорига кириб келиши ҳақида гапирар экан, Кристиан Хуберт шуни таъкидлайдики, бундай қарор инвестициялар киритиш ва ишга доир иқлимдаги сифатли ўзгаришлар ҳамда турли даражадаги бизнесни ривожлантириш учун яратилаётган иқтисодий имкониятлардан келиб чиққан ҳолда, қабул қилинган эди. Lactalis компанияси узоқ муддат давомида ва муваффақиятли равишда МДҲ ҳудудида ривожланиб келмоқда ва француз концернининг Ўзбекистон ҳудудида фаолиятини юритиши вақт масаласи бўлган эди ҳолос.
Lactalis Ўзбекистонда
Lactalis компанияси дунё бўйлаб энг таниқли бўлган озиқ-овқат маҳсулотлари линейкаларининг бирига эга, Ўзбекистон учун эса иккита энг машҳур халқаро бренд танланган эди — President ва Lactel.
President линейкаси Lactalis концернининг ташриф қоғози ҳисобланади, шу сабабли ушбу бренд остидаги маҳсулотлар дунёнинг 160 давлатида мавжуд. Ўзбекистон истеъмолчилари учун маҳсулотнинг энг оптимал ва шу билан бир пайтда турли хил ассортименти танлаб олинган: сариёғ, эритилган пишлоқлар, қаттиқ пишлоқлар, творогли пишлоқлар, лабне, творог ва қаймоқ турлари.
Lactel маҳсулоти дунё бўйлаб 50 дан ортиқ мамлакатда тақдим этилган. Ўзбекистон бозорида Lactel линейкаси сут, сутли коктейллар, сариёғ, ичимлик ва қошиқли йогуртлар, ҳамда творожоклардан иборат.
Lactalis`нинг бошқа компаниялардан фарқи
2000 йилда Lactalis компаниясининг айланмаси 4,8 млрд долларни ташкил қилар эди, 20 йил ичида сут концерни 370 фоизга ўсишни намойиш қилган ва айланмани йилига 23 млрд долларгача кўпайтирган ҳолда, Glabal Dairy Top 20 рейтинги бўйича, тўққизинчидан биринчи ўринга кўтарилди.
Ўз йўлини 1933 йилда, Лаваль номли француз шаҳридаги кичкинагина пишлоқ ишлаб чиқариш корхонасидан бошлаган бўлиб, бугунги кунда Lactalis компанияси деярли барча жаҳон давлатларида фаол ишлаб келмоқда. Бунга асосан компания асосчиси Андре Бенье томонидан асос қилиб олинган фаолият мезонлари ёрдамида эришилди.
Кўп йиллик тажрибадан келиб чиққан ҳолда, бутун дунё бўйлаб бизнес юритишнинг ягона модели ишлаб чиқилган. Компания бозорда юқори талабга эга бўлган халқаро стандартларга амал қилади. Акс ҳолда бу даражада кўп мамлакатни қамраб олишнинг имкони бўлмас эди. Маҳсулотни келгусида машҳур халқаро брендга (President, Lactel, Galbani, Parmalat, Santal ва кўплаб бошқалар) айлантириш мақсадида, унинг устида кўп йиллар давомида чуқур ишлар олиб борилмоқда. Lactalis мавжуд бўлган барча мамлакатлар билан қалин ҳамкорлик амалга оширилмоқда.
COVID-19 пандемияси: мослашувчанликка имтиҳон
COVID-19 пандемияси билан боғлиқ жиддий муаммоларга қарамасдан, барча иш жараёнларини масофадан олиб боришни йўлга қўйган ҳолда, ишлаб чиқаришни ва офис ходимларининг фаолиятини тўҳтатмаслик 2020 йилнинг муҳим масала эди. Бу биринчи навбатда ходимларнинг саломатлигини ўйлаш керак бўлган давр эди. Lactalis фаол равишда фермерлик хўжаликлари ва сут фермалари билан ҳамкорлик қилишини, ва бунинг натижасида ҳудудлардаги маҳаллий ва оилавий бизнесни қўллаб-қувватлашини ҳам эътиборсиз қолдирмаслик керак. Компанияга бавосита етказиб бериш занжирини узмаслик ҳамда оғир вазиятга тушиб қолган хусусий тадбиркорларга кўмак кўрсатиш вазифаси юкланган эди. Ўз вақтида амалга оширилган чоралар оқибатида компания 2020 йилда яхши кўрсаткичларга эриша олди.
Компания сут соҳасининг барча тоифаларида иштирок этишини режа қилиб олган. Мавжуд бўлган кенг имкониятлардан фойдаланиб, Ўзбекистонда маҳаллий ишлаб чиқаришни ривожлантириш ҳамда нафақат мамлакатда, балки бутун Марказий Осиёда биринчи рақамли сут маҳсулотларини ишлаб чикарувчи компанияга айланиш режалаштирилмоқда.
Реклама ҳуқуқлари асосида.
