Президент «Газета.uz» нинг «Хориждаги ўзбекистонликлар» лойиҳаси қаҳрамони Шаҳло Ходжаевани «Келажак бунёдкори» медали билан мукофотлади. У АҚШнинг Amazon компаниясида бизнес-таҳлил бўйича муҳандис сифатида фаолият юритади.
Охирги вақтлар коронавирусга чалинаётганларнинг 90 фоизи — эмланмаган кишилар. СЭС ҳозирча ниқоб режими жорий этилмагани, бироқ «саломатлик ва хавфсизлик учун» ниқоб тақиш тавсия этилишини маълум қилди. Президент иштирокидаги йиғилишларда расмийлар ниқоб кўриниш бермоқда.
Ўзбекистон компаниясининг АҚШ санкцияларига тушиши, электр таъминотидаги узилишлар, халқнинг ўзи ҳам мухолифат бўлиши мумкинлигини айтган Танзила Нарбаева, қайта тикланган ковид-поликлиникалар, ўзини осиб қўйган эркак ва бошқалар — «Газета.uz» нинг 29 июндаги хабарлари дайжестида.
Тошкентда бир неча кундан бери электр таъминотида узилишлар кузатилмоқда. Айрим ҳудудларда соатлаб ток бўлмаяпти, светофорлар ишламай қолмоқда, сув босими пасайган. Тошкент ЭТК буни аномал иссиқлик ва қиш мавсумига тайёргарлик кўриш учун тармоқлар модернизация қилинаётгани билан изоҳлади.
Ўзбекистонда барча фуқароларнинг жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар, қонун олдида тенглигини таъминлаш соҳасидаги муносабатларни тартибга солувчи қонун лойиҳаси ишлаб чиқилди.
Норин туманида яшовчи 33 ёшли фуқаро ўз уйида осилган ҳолда топилди. Унинг онлайн қимор ўйинларидаги ютқазавериши оиласида келишмовчиликларни келтириб чиқаргани ва шу сабабли ўз жонига қасд қилган бўлиши мумкинлиги айтилмоқда.
Археологлар Сурхондарёнинг Хатак ғорида неандертал одамга тегишли макон борлигини аниқлашди, у тахминан милоддан аввалги 100−40 минг йилликка оид. Ғордан Тешик-Тошдаги каби қуроллар ҳам топилди. Июндан бери маҳаллий ва Австралиянинг Гриффет университети археологлари қазишма ишларини олиб бормоқда.
Тошкентда ковидга чалинишнинг кунлик ҳолати кўпайиши ортидан 12 та туманда ковид-поликлиникалар фаолияти қайта тикланмоқда. ССВ бепул ПЗР-тест таҳлили топшириш мумкин бўлган лабораториялар манзиллари рўйхатини ҳам эълон қилди.
Тошкент шаҳар Сергели туманининг айрим ҳудудларида 29 июнь соат 22:00 дан 30 июнь куни тушлик вақтигача ерусти метроси қурилиши муносабати билан қувурларнинг кўчирилиши сабабли совуқ сув таъминоти тўхтатилади. Янгиҳаёт туманида сув босими пасаяди. Маҳаллалар рўйхати.
Ижтимоий тармоқларда Ўзбекистонда қатъий карантин қайта тикланишига оид аудиолар тарқалмоқда. СЭС бошлиғи ўринбосари Нурмат Отабеков бу хабар эскилиги ва карантин учун кунлик касалланишлар сони жуда камлигини айтди. 27 июндан эса президент иштирокидаги тадбирларда амалдорлар яна ниқоб тақа бошлади.
Қизил китобга киритилган 402 бош йўрға тувалоқ қуши Устюрт текислигига қўйиб юборилди. Арабларда ушбу қушни лочин ёрдамида овлаш анъанага айланган бўлиб, у «подшохлар ови» деб ҳам аталади. Ўзбекистонда бир дона тувалоқни овлаш учун рухсатнома хорижликларга 7 минг доллар эвазига берилади.
Бағдод туманида тадбиркор аҳолига ажратилган арзон нархдаги 151,4 тонна ун маҳсулотини белгиланган маҳаллаларга етказиб бермасдан, Марғилон шаҳрида бошқа шахсларга қиммат нархларда сотиб юборгани аниқланди. Гумондорга нисбатан жиноят иши қўзғатилди.
Ўзгидромет ҳафта охиригача Сўх ва Фарғона туманлари, қолаверса, Сўх, Шоҳимардон, Исфайрамсой дарёларида музли сел-сув тошқин ҳодисалари юзага келишидан огоҳлантирди. Аҳоли ва ҳайдовчилардан эҳтиёт чораларини кўриш сўралмоқда.
Самарқандда тўрт киши «Ҳизб ут-Таҳрир» экстремистик ташкилоти ғояларини тарғиб қилиш, мамлакатдаги конституцион тузумни ағдариб, халифалик давлатини тиклашга уринганликда гумонланмоқда. Уларни Польшада яширинган ташкилот етакчиларидан бири бошқаргани айтилмоқда. Ҳолат юзасидан жиноят иши қўзғатилди.
Енгил автомобилларни техник кўрикдан ўтказиш муддатлари ўзгариши бўйича тушунтириш: янги тартиб 1 июлдан эмас, балки 1 сентябрдан кучга киради. Бу йўловчиларни тижорий ташиш учун фойдаланиладиган транспорт воситаларига тааллуқли эмас.
Адабиётшунос олим, профессор Иброҳим Ҳаққул 73 ёшида вафот этди. У Абдулҳамид Чўлпон, Хожа Аҳмад Яссавий ва бошқа арбобларнинг асарларини ўқувчиларга етказган, қолаверса, рус тилидаги икки жилдлик «История узбекской литературы» китобининг муаллифларидан бири ҳисобланади.
Бокуда бўлиб ўтган Ислом ҳамкорлик ташкилотининг XI сессиясида Хива 2024 йил «Ислом дунёсининг туризм пойтахти» дея эълон қилинди.
1 июлдан текин бўладиган «тонировка», пахтани қайта ишлашда йилига $9 млрд йўқотаётган Ўзбекистон, ҳокимларга кластернинг ички ишига аралашиш тақиқлангани, конституциявий ислоҳотларни қўллаб-қувватлаётганлар, уксусдан вафот этган аёл ва бошқалар — «Газета.uz» нинг 28 июндаги хабарлари дайжестида.
Тошкент тўқимачилик ва енгил саноат институтига Савдо-саноат палатаси раиси Даврон Вахобов ректор этиб тайинланди. ОТМнинг 3 — 4-босқич талабалари ҳафтада уч куни Ўзбекистон-Корея тўқимачилик технопарки амалий ўқув машғулотларида қатнашадилар.
Йил бошидан бери 65 киши сувга чўкиб, ҳалок бўлди, шунинг ярмини вояга етмаганлар ташкил этмоқда. Қолаверса, 12 киши сузиш вақтида, 26 киши эса эҳтиётсизлик оқибатида чўккан. ФВВ вакили «Газета.uz» га чўкиш ҳолатлари, сабаблари ва чўкаётганларни қандай қутқариш зарурлиги ҳақида сўзлаб берди (видео).
Қўшимча имкониятларга эга булиш учун сайтда рўйхатдан ўтинг