Жамият
Ўзбекистонда талабалар учун 15 кунлик қишки таътил берилади
Талабалар ва профессионал таълим муассасалари ўқувчилари учун 2022 йилнинг 26 декабридан 2023 йилнинг 9 январига қадар қишки таътил берилади. Мазкур белгиланган тартиб нодавлат таълим ташкилотлари учун тавсиявий характерга эга.
Андижонда мактаб стадиони ўрнида қурилаётган бино бузилади
Тармоқларда Андижон вилояти Пахтаобод туманида 13-мактаб стадиони бузилаётгани айтилган хабар тарқалди. «Ўзбекистонда мактабнинг ерига кўз олайтириш — жиноятку!», дейилади хабарда. Кейинчалик вилоят ҳокимлиги суд қарорига асосан стадиондаги қурилиши тугалланмаган бино бузилишини маълум қилди.
Ўзбекистон Қаҳрамони Муса Ерниязов таваллудининг 75 йиллиги кенг нишонланади
Ҳукумат қарори билан Ўзбекистон Қаҳрамони Муса Ерниязов таваллудининг 75 йиллиги кенг нишонланади. Декабрда унинг хотира кечаси ўтказилади, ҳаёти ва фаолияти ҳақида ҳужжатли фильм яратилади, китоб-альбом ҳам чоп этилади. Қолаверса, Муса Ерниязов яшаган хонадонда ёдгорлик лавҳаси ўрнатилади.
Автобуслар қатновида оралиқ интервал чўзилиши мумкин — Тошшаҳартрансхизмат
Пойтахтда ҳаво совуқ, қор ёғиб, автомобиль йўлларида музламалар ҳосил бўлган. «Тошшаҳартрансхизмат» АЖ ҳайдовчилардан зарур бўлмаса шахсий машинада юрмасликни сўради. Пиёдалар йўлдан кесиб ўтаётганда эҳтиёт бўлиши айтилди. Айрим автобусларнинг келиш вақти ҳам чўзилиши мумкин.
Андижон вилоятида зилзила содир бўлди
5 декабрь куни 07:07 да Андижон вилоятида ер қимирлаши содир бўлди. Зилзила эпицентри Асака туманида бўлиб, 3,4 магнитудани ташкил этди.
Нукус воқеалари бўйича суд жонли эфири вақтинча тўхтатилади
Нукус воқеалари юзасидан суд мажлисидан онлайн трансляция музокаралар жараёнига қадар тўхтатилди. Бу гувоҳлар сўроқ қилиниши билан боғлиқ, чунки гувоҳлар бир-бирининг кўрсатувларини эшитмаслиги лозим.
«Нима учун йўқ газга пул тўлаяпмиз?» Тошкентдаги маҳаллада «заправка» сабаб аҳоли хонадонларида газ босими тушиб кетди
Мирзо Улуғбек туманидаги «Темурийлар» маҳалласида «заправка» сабаб аҳоли хонадонларида газ босими тушиб кетгани айтилмоқда. Туман газ ходимлари эса газ келишини айтиб, иш вақтидан кейин қўнғироқларга жавоб бермаяпти. Тошкентдаги шохобчалар олдида эса ички ишлар ходимлари навбатчилик қилишни бошлади.
Тошкентда аҳоли хонадонларини газ билан таъминлаш учун «заправка»лар ёпилади
Ҳаво кескин пасайиши ортидан шаҳарнинг айрим ҳудудларида газ ва иссиқлик таъминотида узилишлар кузатиляпти. Коммунал хизматлар газ захирасини барча истеъмолчиларга тенг тақсимлашга уринмоқда, бироқ ресурслар етишмаяпти. Шу боис газ «заправка»лар вақтинча ёпилади, дея маълум қилди пойтахт ҳокимлиги.
«Қизил йўлакка ўтинг». Қамчиқ довонида қизил ва яшил йўлак тизими ишга туширилди
1 декабрдан бошлаб яшил ва қизил йўлак тамойили Оҳангарон туманида жойлашган «Чинор» йўл-патруль хизмати стационар постида жорий этилди. Энди тўланмаган жаримаси бор, ортиқча юкли, суғурта полиси муддати тугаган ва бошқа камчиликлари бор автомобиль ҳайдовчилари Қамчиқ довонидан ҳаракатлана олмайди.
Тошкентда Lacetti 6 пиёдани уриб юборди, 2 киши вафот этди
Тошкентнинг Учтепа туманида Lacetti катта тезликда Nexia-3 билан тўқнашиб, сўнгра 6 пиёдани уриб юборди. Оқибатда улардан 2 нафари вафот этди. Ҳолат юзасидан жиноят иши қўзғатилди.
Навоийда аномал совуқ ҳаво кузатилмоқда
Ўзгидромет Навоий вилоятнинг шимолий ҳудудларида аномал совуқ ҳаво кузатилаётганини маълум қилди. Хусусан, Учқудуқ, Томди туманлари ҳамда Зарафшон шаҳрида −11…−14 даража, Шимолий Қизилқум ҳудудларида эса −20…−23 даража совуқ ҳарорат қайд этилди.
Қашқадарёда юпун кийинган ўқувчи қизлар кечки тадбирга жалб қилинди
Шаҳрисабзда ўқувчи қизлар юпун кийинган ҳолда ҳокимиятнинг кечки тадбирига жалб қилинди. ХТВ ҳолатни ҳудуддаги ҳар бир мутасаддининг айби дея ҳисоблади. Шаҳар ҳокимлиги эса қизлар ота-оналарнинг таклифи билан тадбирда рақс тушганини билдириб, бу уларга «аччиқ сабоқ бўлганини» маълум қилди.
«Алоқабанкнинг» янгиланган Zoomrad мобил иловаси: юклаб олиш учун камида 4 та сабаб
«Алоқабанкнинг» Zoomrad иловасида сиз депозитсиз ва комиссиясиз Visa ва Humo виртуал карталарини очишингиз, харидлар ва хизматлар учун пул ўтказишингиз мумкин.
Тадбиркорни сўккан Янги Наманган ҳокимига ҳайфсан берилди
Тармоқларда Янги Наманган тумани ҳокими Жобир Абдуллаевнинг тадбиркорни сўккани акс этган аудио тарқалди. Вилоят ҳокими ўтказган одоб-ахлоқ қоидалари бўйича муҳокама йиғилишида ҳокимга «ҳайфсан» интизомий жазоси қўлланилди ва барча турдаги рағбатлантиришлардан маҳрум қилинди.
Ангренда собиқ ҳоким ёрдамчиси ўзини отиб ўлдирди
Тошкент вилояти Ангрен шаҳрида собиқ ҳоким ёрдамчиси ов қуроли билан ўзини отиб қўйди. 4 фарзанди бўлган марҳум охирги пайтларда отасининг вафоти туфайли тушкун кайфиятда юргани аниқланди. Ҳолат бўйича қўшимча суриштирув ишлари олиб борилмоқда.
У ўз ҳаётини қурбон қилиш эвазига аёлнинг ҳаётини сақлаб қолган — ИИББ ўлдириб кетилган ИИО инспектори ҳақида
Тармоқларда Олмазор туманида ўлдириб кетилган профилактика инспекторини ўз машинасида аёл киши билан суҳбатлашиб ўтирганида, аёлнинг эри рашкдан пичоқлагани ҳақида хабарлар тарқалди. ИИББ марҳум аёл чақирувига биноан боргани, қотиллик машинада эмас, таянч пунктида содир бўлганини маълум қилди.
Ўзбекистон ампутант футболчилар терма жамоаси аъзоларига Cobalt автомобиллари берилди
Октябрда ампутантлар ўртасидаги жаҳон кубогида 3-ўринни олган Ўзбекистон терма жамоаси 3 декабрь — Халқаро ногиронлиги бўлган инсонлар кунида Cobalt автомобиллари билан тақдирланди. Аввалроқ жамоа аъзолари 3-ўрин учун 10 млн сўмдан пул мукофоти берилганига норозилик билдирганди.
Тажимуратов митинг ўтказишга даъват қилгунига қадар нималар бўлгани ҳақида гапириб берди
Даулетмурат Тажимуратов суддаги кўрсатувида Қорақалпоғистон депутатлари нима учун суверенитетдан воз кечиш ҳақида қарор қабул қилганини аниқлашга қандай урингани ва митинг ўтказишга қандай чорлагани ҳақида гапириб берди.
«Қалбингизда изтироб йўқ». Шокир Шарипов ИИВ раҳбарини яна истеъфога чиқишга чақирди
Пўлат Бобожонов истеъфосини талаб қилиб Тошкентда бир кишилик пикет уюштирган публицист ва блогер Шокир Шарипов ИИВ раҳбарига янги видео мурожаат йўллади. «15 ёшли боланинг уриб, ўлдирилганини эшитгач, изтиробга тушдингизми? Агар тушмаган бўлсангиз, ўрнингизни бошқага бўшатиб қўйинг», — деди у.
«Ташаббускорликдан тизимли ёндашув томон». Мунир Мамедзаде — ногиронлиги бўлган болалар ҳаётини ўзгартириш ҳақида
Халқаро ногиронлиги бўлган инсонлар куни муносабати билан ЮНИCЭФнинг Ўзбекистондаги ваколатхонаси раҳбари Мунир Мамедзаде ўз мақоласида ногиронлиги бўлганларга нисбатан хайрия кўринишидаги ёндашувлардан воз кечиб, инсон ҳуқуқларини асосий ўринга қўядиган ҳуқуқий ёндашувга ўтишга чақирди.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг