Тошкентда об-ҳавонинг кескин ўзгаргани, қор ёғиши ва автомобиль йўлларида музламалар ҳосил бўлгани сабабли йўлларда ҳаракатланиш қийинлашди. Пойтахтда қор ёғишда давом этмоқда, ҳаво ҳарорати -5 даража.

Тунда коммунал хизмат ходимлари асосий кўчаларга қум-туз аралашмасини сепиб чиқди. Автомобиллар музлаган кўчаларда секин ҳаракатланмоқда. «Газета.uz» мухбири машиналарнинг бир нечта кичик тўқнашувларига ҳам гувоҳ бўлди.

«Тошшаҳартрансхизмат» АЖ бундай шароитда барча ҳайдовчилардан транспортни бошқаришда мураккаб об-ҳаво шароитини ҳисобга олишларини, зарурат бўлмаганда шахсий автомобилларида, айниқса қишга мўлжалланган шиналарга эга бўлмаган транспорт воситаларида ҳаракатланмасликни сўрамоқда.

Шунингдек, тезлик талабларига қатъий амал қилиш, пиёдалардан йўлни кесиб ўтишда ўта ҳушёр бўлиш, катталардан йўлларда болаларнинг ҳаракатини назоратга олиш талаб этилади.

Қолаверса, кўча-йўлларда ҳаракатланишида ноқулайликлар юзага келиши сабабли, айрим автобус йўналишларидаги қатнов ва оралиқ интервал вақтларининг белгиланган вақтлардан ортиши мумкин.