Сиёсат
Андижонда йигирмата 7 қаватли, иккита 16 қаватли уй барпо этилди
Шавкат Мирзиёев Андижон шаҳрида барпо этилган йигирмата 7 қаватли, иккита 16 қаватли уйларни кўздан кечирди. Давлат раҳбари Андижон аҳолисининг зичлигини ҳисобга олиб, бу ҳудудда ҳамёнбоп кўп-қаватли уйлар қурилиши камбағалликдан чиқишга замин яратишини таъкидлаб ўтди.
Ўзбекистон сайлов қонунчилигида жиддий ўзгаришлар бўлиши кутилмоқда
Ўзбекистонда сайлов қонунчилигига жиддий ўзгаришлар киритилиши кутилмоқда. Жумладан, сайловларни ўтказиш санаси декабрь ойидан мартга кўчирилиши режалаштирилмоқда. Сиёсий партияларнинг сайловолди ташвиқотини молиялаштиришда хусусий маблағларни жалб қилишга ҳам рухсат берилиши мумкин. Бундан ташқари, бир номзод фақат битта вакиллик органига депутат этиб сайланишига рухсат берилади.
Президент Андижонга жўнаб кетди
Шавкат Мирзиёев ижтимоий-иқтисодий ислоҳотларнинг бориши, одамлар ҳаёти билан танишиш мақсадида Андижонга жўнаб кетди.
Тошкентда Марказий Осиёда ягона Болалар миллий тиббиёт маркази фойдаланишга топширилди
Президент Шавкат Мирзиёев Тошкентда фойдаланишга топширилган Болалар миллий тиббиёт марказини бориб кўрди. Марказ, жумладан, онкологик касалликларни бир неча йил олдин аниқлайдиган замонавий технологиялар билан жиҳозланган.
Адлия вазирлиги тузилмасида иккита янги бошқарма ташкил этилди
Адлия вазирлиги тузилмасида Фуқаролик-ҳуқуқий муносабатларни ривожлантириш бошқармаси ва Маъмурий тартиб-таомилларни такомиллаштириш ва мониторингини юритиш бошқармаси ташкил этилди. Шунингдек, Наманган ва Қаршида синов тариқасида юридик хизматлар кўрсатиш марказлари ташкил этилади.
Тошкентда Адиблар хиёбони очилди
Президент Шавкат Мирзиёев Тошкентда барпо этилган Адиблар хиёбони, хиёбон ёнида ташкил этилган кутубхонага ташриф буюрди. Давлат раҳбари «Адиблар хиёбони» деб номланган интернет портали ташкил этиш таклифини билдирди.
1 январгача идоравий қонун ҳужжатларини қабул қилиш тўхтатилади
Идоравий қонун ҳужжатлари лойиҳаларини ишлаб чиқиш, келишиш, қабул қилиш, ҳуқуқий экспертиза ва давлат рўйхатидан ўтказиш 2020 йил 1 июлдан бошлаб синов тариқасида, 2020 йил 1 октябрдан бошлаб эса тўлиқ ягона электрон тизим орқали амалга оширилади.
Адлия вазирлиги ваколатлари кенгайтирилмоқда
Адлия вазирлиги зиммасига қўшимча вазифалар юклатилди. 2018−2019 йилларда янги (қайта) ташкил қилинган 8 та вазирлик ва идоралар фаолиятини ўрганиш, аҳолига Давлат хизматлари марказлари томонидан кўрсатиладиган янги хизматлар сонини 15 тага ошириш шулар жумласидан.
Қозоғистон президенти ЕОИИ ривожланиш стратегиясини қабул қилмади
Қозоғистон президенти Қосим-Жомарт Тоқаев ЕОИИнинг 2025 йилгача бўлган ривожланиш стратегиясини қабул қилмади. У стратегия ҳозирги ҳолатида жамоатчилик томонидан рад этилиши, шунингдек, ҳукумат ва парламентнинг суверен ҳуқуқларини чеклашини таъкидлади.
Бухоро вилояти ҳокимига янги ўринбосар тайинланди
Мирали Ҳамроев Бухоро вилояти ҳокими ўринбосари лавозимига тайинланди.
«Ҳоким фақат ишдан кетиш билан қутулмайди» — президент тадбиркорлар мулкини олиб қўйиш ҳолатлари ҳақида
«Бирорта тадбиркорнинг мулки ноқонуний олиб қўйилса, ҳоким фақат ишдан кетиш билан қутулмайди, балки қонун олдида жавоб беради», — дея таъкидлади Шавкат Мирзиёев. Бизнес-омбудсман тадбиркорлар ҳуқуқи ва мулк дахлсизлигини бузган туман ва шаҳар ҳокимлари тўғрисида ҳукуматга маълумот киритиб боради.
Ўзини ўзи банд қилган аҳоли даромад солиғидан озод қилинади — Шавкат Мирзиёев
Шавкат Мирзиёев раислигидаги видеоселектор йиғилишида ўзини ўзи банд қилган 60 дан зиёд касб эгалари даромад солиғидан озод қилиниши ҳақида маълумот берилди. Мазкур имтиёздан фойдаланиш учун телефон орқали солиқ идораларини хабардор қилиш кифоя.
Янги таҳрирдаги «Таълим тўғрисида"ги қонунга «инклюзив таълим» тушунчаси киритилади
Янги таҳрирдаги «Таълим тўғрисида"ги қонун лойиҳаси иккинчи ўқишда қабул қилинди. Қонунга ҳар бир боланинг таълим олишдаги тенг ҳуқуқлилигини таъминлаш, ҳар қандай дискриминация ва камситишларнинг олдини олишга қаратилган «инклюзив таълим» тушунчаси ҳам киритилди.
ТИВ: «Давлат тилини тартибга солишга ҳар қандай аралашув асло мақбул эмас»
Ўзбекистон ТИВ давлат тилини тартибга солиш давлатнинг мутлақ ички сиёсатига дахлдор бўлиб, ҳар қандай аралашув асло мақбул эмаслигини маълум қилди. Аввалроқ Россия ТИВ вакили Ўзбекистонда давлат тилида иш юритиш тўғрисидаги қонун лойиҳаси бўйича муносабат билдирган эди.
ТИВ: Афғонистондаги келишув музокараларга ва узоқ муддатли тинчликка йўл очади
Ўзбекистон Афғонистоннинг сиёсий етакчилари томонидан инклюзив ҳукумат ва Миллий ярашув бўйича Олий кенгашни ташкил этиш тўғрисидаги келишувга эришилганини қўллаб-қувватлайди. Афғонистон сиёсий етакчиларининг келишуви музокараларга ва узоқ муддатли тинчликка йўл очади, дейилади вазирлик баёнотида.
Афғонистонда сиёсий инқирозга барҳам берилди
Афғонистонда сиёсий инқирозга президент Ашраф Ғани ва унинг сиёсий рақиби Абдуллоҳ Абдуллоҳ келишуви билан барҳам берилди. Унга кўра, Ашраф Ғани президент мақомини сақлаб қолади ва Абдуллоҳ Абдуллоҳ эса Афғонистон Олий миллий ярашув кенгаши раиси бўлади. Шунингдек, собиқ вице-президент генерал Абдулрашид Дўстумга маршал унвони берилиши келишилган.
Тўғон ўпирилганда Қозоғистонга сув етиб бормаслиги айтилгани тасдиқланди
Ўзбекистон сув хўжалиги вазири ўринбосари Воҳиджон Аҳмаджонов 1 май куни Сардоба сув омборида тўғони ўпирилиши оқибатида Қозоғистон сўровига жавобан сув омборида тезроқ сув ёпилади ва сув хавфсиз йўналтирилади деб айтилганини «Газета.uz»га тасдиқлади.
Прокуратура: Сардоба сув омбори бўйича 4 та асосий тергов тахмини мавжуд
Прокуратура Сардоба сув омбори тўғонининг бузилиши юзасидан олиб борилаётган жиноий иш бўйича 4 та асосий тергов тахминини текширмоқда. Улар — лойиҳалашдаги хатоликлар, қурилиш меъёрларига риоя этмаслик, эксплуатация жараёнидаги хатоликлар ва табиий офат тахминлари. Жами 170 нафардан зиёд киши сўроқ қилинди.
Президент Мирзаобод туманида амалга оширилаётган ишларни кўздан кечирди
Шавкат Мирзиёев Мирзаобод туманида бўлиб, фавқулодда ҳолатдан талофат кўрган жойларда амалга оширилаётган ишларни кўздан кечирди. Мирзаободликлар билан учрашув давомида давлат раҳбари мазкур ҳудудда 360 квартирали 9 та кўп қаватли уй барпо этилиши ва 616 та коттеж таъмирланиши ҳамда 15 мингга яқин иш ўрни яратилиши режалаштирилганини маълум қилди.
Сув тошқинидан жабр кўрган ҳар бир хонадон эгасига 40 миллион сўмлик моддий ёрдам кўрсатилади
Шавкат Мирзиёев Сардоба туманида маҳаллий аҳоли вакиллари билан учрашув ўтказди. Давлат раҳбари сув тошқинидан зарар кўрган 4,5 мингдан зиёд хонадон эгаларининг ҳар бирига 40 миллион сўмлик моддий ёрдам кўрсатилади. Шунингдек, таъмирланадиган ва янги қуриладиган уйлар давлат томонидан бепул қуриб-таъмирлаб берилади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг