Актёр ва режиссёр Аброр Турсунов вафот этди
«Кулол ва хурмача», «Чинор остидаги дуэль», «Суюнчи», «Абдуллажон» ва бошқа кўплаб фильмларда роль ижро этган актёр ва режиссёр Аброр Турсунов вафот этди.
2023 йилда Uzcard ва Humo`да амалга оширилган картадан картага пул ўтказмалари ҳажми 1,5 баравар кўпайди
2023 йилда Uzcard ва Humo тизимларида амалга оширилган картадан картага пул (P2P) ўтказмалари ҳажми 224,3 трлн сўмни ташкил этиб, 2022 йилга нисбатан 80,8 трлн сўмга ёки 56 фоизга кўпроқ бўлди. QR-кодлардан фойдаланиб амалга оширилган тўловлар суммаси 2,5 баробарга ошди.
Қамчиқ довони автомобиллар ҳаракати учун вақтинча ёпилди
Қалин қор ёққани сабабли 8 февраль куни Қамчиқ довони автомобиллар ҳаракати учун вақтинча ёпилди. Ҳудуд махсус техникалар ёрдамида қордан тозаланмоқда (видео).
ҲАМАС Ғазода 135 кунлик сулҳ тузишни таклиф қилмоқда — Reuters
ҲАМАС Исроилга Ғазо секторида 135 кунлик ўт очишни тўхтатиш режасини таклиф қилди. Бу давр мобайнида гуруҳ гаровга олинганларни озод қилади, Исроил аскарлари эса Ғазони тарк этиши керак бўлади.
«Қимор ва букмекерликни қонунийлаштириш жамиятнинг ўзида баҳсли масала» — ИЛМА
Ўзбекистонда қимор ўйинлари ва букмекерликни қонунийлаштириш масаласи жамиятнинг ўзида мунозарали, шу боис Истиқболли лойиҳалар миллий агентлиги ҳозир бу борадаги позициясини кўриб чиқмоқда, деди агентлик директорининг биринчи ўринбосари.
Футбол бўйича Осиё кубоги: Қатар ва Иордания финалда
Қатар терма жамоаси Эронни мағлубиятга учратиб, Осиё кубоги финали йўлланмасини қўлга киритди. Энди улар чемпионлик учун Иордания билан баҳслашади. Ўйин 10 февраль куни бўлиб ўтади.
Мирзиёев ва Лукашенко биргаликда Озарбайжон президентига қўнғироқ қилди
Шавкат Мирзиёев ва Беларусь президенти Александр Лукашенко озарбайжонлик ҳамкасблари Илҳом Алиевга қўнғироқ қилиб, президентлик сайлови муваффақиятли ўтгани билан табриклади. Exit-poll натижаларига кўра, у сайловда 93,9 фоиз овоз билан ғалаба қозонмоқда.
Э️нди ахборот технологиялари соҳасидаги хотин-қизларга ҳам Зулфия мукофоти берилади
Президент фармони билан Зулфия номидаги давлат мукофотини бериш тартибига ўзгартириш киритилди. Эндиликда ахборот технологиялари йўналишида ютуқларга эришган иқтидорли хотин-қизлар ҳам мукофот билан тақдирланади. Шунингдек, мукофот комиссияси жамоатчилик асосида фаолият олиб бориши белгиланди.
Алишер Усмоновга нисбатан қўлланган санкциялар бекор қилинмайди — ЕИ суди
Европа суди миллиардер Алишер Усмоновнинг ўзига Россиянинг Украинага босқини сабабли ЕИ томонидан қўйилган санкцияларни бекор қилиш ҳақидаги апелляциясини рад этди. Усмоновнинг адвокатлари санкциялар учун асослар ноаниқ эканини таъкидлади, бироқ суд бу фикрга қўшилмади.
Ўзбекистон терма жамоасининг икки нафар футболчиси клубларини ўзгартирди
Ўзбекистон миллий терма жамоаси ярим ҳимоячиси Ҳожимат Эркинов фаолиятини БААнинг «Ал-Ваҳда» клубида давом эттиради, бошқа бир ярим ҳимоячи Остон Ўрунов эса Эроннинг амалдаги чемпиони «Персеполис»га ўтди.
Ўзбекистон ва Беларусь президентлари Humo Arena`даги хоккей учрашувига ташриф буюрди
Ўзбекистон ва Беларусь президентлари Шавкат Мирзиёев ва Александр Лукашенко Тошкентдаги Humo Arena муз саройида бўлиб ўтган хоккей бўйича норасмий учрашувга ташриф буюрди.
Маҳаллалардаги эълон тахталарига айбдор деб топилганларнинг сурати ва маълумотини жойлаштириш инсон ҳуқуқларига зид — омбудсман
Навоий вилоятидаги маҳаллаларда «Шарманда доскаси» жорий этилиб, уларда жиноят содир этганларнинг суратлари илиниши ҳақида хабарлар тарқалди. Ҳукумат қарорида бу турдаги эълонларни жойлаштириш белгиланган. Инсон ҳуқуқлари бўйича омбудсман бундай амалиёт инсон ҳуқуқларига зид эканини таъкидлади.
2023 йилда IELTS топширган ёшларнинг 8,2 мингдан ортиғига имтиҳон харажати қайтариб берилди
Ёшлар ишлари агентлиги бир йилда 12,3 минг нафар халқаро имтиҳон тизимлари бўйича юқори балл (даража) олган ёшларга 21,7 млрд сўм маблағни компенсация қилди. Имтиҳон топшириш харажатларини қайтариб олган ёшларнинг энг кўпи IELTS`дан юқори балл олган.
Россия Украина бўйлаб яна кенг кўламли ракета зарбаларини йўллади
7 февраль куни эрталаб Украина яна ўққа тутилди, бир қанча ҳудудларда портлаш овозлари эшитилди. Киевда ҳужум туфайли 18 қаватли турар жой биноси ёниб кетди, камида уч киши ҳалок бўлди, 20 дан ортиқ киши жароҳатланди.
Тошкентда иккита электробус тўқнашди
Яшнобод туманидаги бекатда 28- ва 44-сонли автобуслар тўқнашиб кетди. Оқибатда бирининг ўрта эшик қисми, бошқасининг эса чап томон орқани кўриш ойнаси корпус қисми шикастланди.
Беларусь президенти Ўзбекистонга келмоқда
Беларусь президенти расмий ташриф билан Тошкентга келмоқда. Кеча шаҳарда икки давлат байроқлари илинди, чоршанба куни эрталабдан кўча экранларида Александр Лукашенкога аталган қутловлар пайдо бўлди. Беларусь бош вазири ўринбосари ва қатор вазирлар етиб келган, форумлар, музокаралар бўлмоқда.
Ўзбекистон суд орқали Binance`дан лицензиясиз ишлаганлик учун жарима тўлашни талаб қилмоқда
Ўзбекистонда лицензиясиз фаолият юритгани учун Истиқболли лойиҳалар миллий агентлиги томонидан 102 млн сўм жаримага тортилган Binance криптобиржаси буни тўлашдан бош тортди. Эндиликда сумма суд орқали ундирилиши, суд қарори криптобиржа рўйхатдан ўтган юрисдикцияга юборилиши айтилди.
Шухрат Cадиков бош вазир котибияти раҳбари бўлди
Шухрат Cадиков Ўзбекистон бош вазири котибияти раҳбари лавозимига тайинланди. У 2023 йилнинг февралидан буён котибият раҳбарининг ўринбосари сифатида ишлаб келаётганди.
Умра хизматларини реклама қилган лицензиясиз турфирмалар жавобгарликка тортилди
Қорақалпоғистонда тегишли лицензияга эга бўлмай туриб, ижтимоий тармоқларда Умра хизматларини кўрсатишга қаратилган ноқонуний рекламалар жойлаштириб борган икки компания жавобгарликка тортилди.
Тошкентда пиёдаларга халал бераётган ноқонуний қурилма ва иншоотларни демонтаж қилиш бошланмоқда
Тошкент шаҳри ҳокимияти пиёдаларга халақит бераётган ноқонуний қурилма ва иншоотларни демонтаж қилиш ишлари бошланаётганини маълум қилди. Йўл бўйида рухсатсиз қурилган биноларнинг аксариятида тўхташ жойлари йўқлиги ва улар пиёдалар йўлакларига чиқиб кетган тарзда ташкил этилгани таъкидланди.
Қўшимча имкониятларга эга булиш учун сайтда рўйхатдан ўтинг