Тошкент-Хива йўналишига Жанубий Кореянинг Hyundai Rotem компанияси тезюрар электропоезди қўйилади. У 7 та вагон ва 351 та ўриндиққа эга бўлади, шунингдек, 250 км/соат тезликда ҳаракатлана олади. Аввалроқ Ўзбекистон бу компаниядан 6 та тезюрар поезд сотиб олишни режалаштирганди.
Президент таннарх баландлиги, айрим «уддабуронлар» даромад ортидан қувиб, қадоқлашда сифатсиз маҳсулот қўшиб юбораётгани оқибатида Ўзбекистон маҳсулотлари ташқи бозорда лидерликни йўқотаётганини айтди. Унинг сўзларига кўра, биргина узум экспортидан 500 млн доллар олиш мумкин.
Президент Хитойнинг BYD компанияси билан ҳамкорликда Ўзбекистонда гибрид автомобиллар ва электромобиллар ишлаб чиқаришни ташкил этиш тўғрисидаги битимни тасдиқлади. 2024 йилда майда узелли йиғиш усулида ишлаб чиқариш қувватини 50 мингтага, кейинчалик эса 500 мингтагача етказиш режалаштирилмоқда.
Шавкат Мирзиёев Тошкентдаги қуюв-механика заводи ишини кўздан кечирди. 2023 йилда 267 млрд сўмлик маҳсулот ишлаб чиқарилган заводда 10 млн долларлик 170 та вагон ва эҳтиёт қисмлар экспорт қилинган бўлса, 2024 йилда экспорт ҳажмини 15 млн долларга етказиш режалаштирилмоқда.
«Ўзавтосаноат» билан биргаликда Жиззах вилоятида гибрид ва электромобиллар йиғишни йўлга қўйган BYD компанияси Ўзбекистон ҳукуматидан электромобилларнинг «тартибсиз» импортини чеклашни сўради. Бу сўров импорт қилинган моделларнинг маҳаллий иқлим ва йўл шароитига мослаштирилмагани билан изоҳланган.
Ўзбекистонда бош вазир раҳбарлик қиладиган мева-сабзавот ва озиқ-овқат экспорти бўйича комиссия тузилади. Президент савдо уйларини тадбиркорлар бошқарувига бериш, томорқасида мева-сабзавот етиштираётганларни ўзини ўзи банд қилган шахс сифатида кўриш ва бошқаларни қўллаб-қувватлади.
Президент яна бир бор экспорт муҳимлигини таъкидлади. «Бир ҳақиқатни аниқ тушуниб олиш зарур. Инфляцияни жиловлаш ва валюта барқарорлигини таъминлаш экспорт билан чамбарчас боғлиқ. Қанчалик кўп маҳсулот ишлаб чиқармайлик, экспорт учун керакли шарт-шароитни яратмасак, ўзгариш бўлмайди», — деди у.
Ўзбекистонда табиий ва суюлтирилган газни истеъмолчиларга етказиб бериш бўйича монополияни бекор қилиш ва паст босимли газ тақсимлаш тармоқларини бошқаришга хусусий бизнесни жалб қилиш режалаштирилмоқда.
«Ўзбекнефтгаз» 2024 йил охиригача 29,3 млрд метр куб газ қазиб олиш учун газ қудуқларини бурғилашга 320 млн доллардан ортиқ, уларни таъмирлашга 45 млн доллар сарфлаш ва 79,6 млн долларлик геологик қидирув ишларини олиб боришни режалаштирмоқда. Бу ҳажм аввалги прогнозлардан 4,8 млрд куб метрга кам.
Ўзбекистонда бюджет жараёни ва ички аудитни такомиллаштириш бўйича қонун лойиҳаси юзасидан жамоатчилик муҳокамаси давом этмоқда. Лойиҳа, жумладан, Молия вазирлиги давлат бюджети ижроси бўйича Қонунчилик палатасига ҳар чоракда эмас, ҳар ярим йилда ахборот беришини назарда тутади. Асосий маълумотлар.
Рақобат қўмитаси Humo Air 2024 йилда 284 та авиарейсни бекор қилгани ва йўловчилар чипта пулини қайтариб ололмаётганини билдирди. Оқибатда истеъмолчилар ҳуқуқлари тўғрисидаги қонун бузилган. Компания пулни қайтариш бўйича аризалар кўплиги, аммо барчаси ҳам тўғри ва тўлиқ эмаслигини айтмоқда.
«Ўзавиация» Қозоғистоннинг Qazaq Air авиакомпаниясига Ўзбекистонга парвоз қилишга рухсат берди. 15 март куни авиаташувчи Туркистон ва Самарқанд ўртасида қатновларни бошлади.
Баҳодир Бурханович Усмонов ҳаммуассиси бўлган Reach Impex компанияси McDonald’s савдо белгисини Ўзбекистонда рўйхатдан ўтказиш учун иккита ариза топширди.
Ҳукумат кунгабоқар ва ўсимлик ёғи экспортига чекловларни юмшатди. Корхоналарга импорт қилинган уруғлардан тайёрланган маҳсулотларнинг 50 фоизгача қисмини экспорт қилишга рухсат берилди.
Ҳужжатларга кўра, Тошкентдаги «Қўйлиқ» қишлоқ хўжалиги маҳсулотлари улгуржи бозори акциядорлари дастлаб бозор фаолияти тугатилишига қарши бўлган ва ҳатто 53,9 млрд сўмлик акциялар чиқариш бўйича қарор ҳам қабул қилган.
Ўзбекистонда экспортни қўллаб-қувватлаш учун давлат бераётган субсидия ва преференциялар Тарифлар ва савдо бўйича бош битим (GATT) ҳамда Субсидиялар ва компенсация чоралари тўғрисидаги битимга (ASCM) мувофиқлаштирилади. Ҳудудларда Тадбиркорларни қўллаб-қувватлаш лойиҳа офислари ташкил этилади.
Президент қарори билан Экспортни рағбатлантириш агентлиги ҳамда Экспортни қўллаб-қувватлаш жамғармаси негизида «Савдони ривожлантириш компанияси» АЖ ташкил этилди. Ундаги ва «Ўзбекэкспертиза»даги давлат улушини бошқариш функцияси Савдо-саноат палатасига берилди.
Февраль якунига кўра, Ўзбекистонда барча турдаги автомобиллар савдоси ой давомида 20,4 фоизга, йиллик ҳисобда эса 6,3 фоизга қисқарди. Енгил автомобилларга бўлган талаб 14 фоизга камайди.
Ўзбекистонда февраль ойида аҳолининг инфляцион кутилмалари пасайди. Аҳоли ва тадбиркорлар энг кўп валюта курси ўзгариши ҳамда ёқилғи ва энергетика нархи ошишидан хавфсирамоқда.
Ўш шаҳри ҳокимлиги Самарқанд автомобиль заводидан (SamAuto) 100 дона Isuzu SAZ LE-60 йўловчи автобусини харид қилади. Харид Ўзбек-қирғиз тараққиёт жамғармаси ҳисобидан молиялаштирилади.
Қўшимча имкониятларга эга булиш учун сайтда рўйхатдан ўтинг