Иқтисодиёт
Шавкат Мирзиёев рақамлаштиришда камчиликка йўл қўйган тизимларни санади
Шавкат Мирзиёев рақамлаштириш бўйича халқни рози қиладиган тизим тўлиқ яратилмаганини танқид қилди. Аҳоли энг кўп мурожаат қиладиган ички ишлар идораларида 34 та, адлияда 32 та, соғлиқни сақлашда 11 та хизмат электрон шаклга ўтказилмаганини таъкидлади.
Январь ойида енгил автомобилларга талаб яна ортган — ИТИМ
Йилнинг биринчи ойида ўзбекистонликлар 118 минг дона автомобиль сотиб олган. Бу 2022 йил декабрь ойига нисбатан 18 фоизга кўп. Йил бошидан буён маҳаллий ишлаб чиқарилган янги автомобиллар савдоси 23,4 мингтани ташкил этиб, декабрга нисбатан 71 фоизга ошди.
Газ компанияларига солиқ имтиёзлари берилганига қарамай, газ ишлаб чиқариш камайди
Табиий газ бўйича солиқ ставкалари 3, нефть ва газ конденсати учун 2 баравар пасайтирилгани туфайли давлат бюджетига 2022 йилда ер қаъридан фойдаланганлик учун 538,1 млрд сўм солиқ тушмади. Шу билан бирга, газ қазиб олиш 4%, газ конденсати 2,8% га камайди. Нефть ишлаб чиқариш 1,8% га ошди.
Яқин, ўрта ва узоқ истиқболда бизни қандай глобал хавф-хатарлар кутмоқда?
Жаҳон иқтисодий форуми ҳисоботига кўра, яқин бир йилда энергия инқирози, яшаш харажатларининг ўсиши, озиқ-овқат тақчиллиги, узоқ ва ўрта истиқболда эса табиий офатлар, иқлим, ресурслар инқирози ҳамда улар келтириб чиқарадиган ижтимоий-иқтисодий таназзул ва беқарорлик жиддий хавф туғдириши мумкин.
Банкларда долларнинг сотиш курси 11 360 сўмгача тушди
Тижорат банклари 22 февраль куни аҳолидан 1 АҚШ долларини 11 250 — 11 310 сўмдан сотиб олмоқда, сотиш курси эса аксарият банкларда 11 360 сўм.
Январда Германия импорт бўйича Ўзбекистоннинг 1-рақамли ҳамкори бўлди
2023 йил январь ойида Германия импортда Ўзбекистоннинг биринчи рақамли ҳамкорига айланди. Литва ва Франция ҳам Топ-10 савдо ҳамкорлар рўйхатига кирди. Статистика агентлигига кўра, импортнинг асосий қисмини 6 та самолёт ташкил этди.
«Ўзбекистонга фойда келтириш учун». Алишер Усмонов бизнесни нега тарк этгани ҳақида
Алишер Усмонов журналистларга берган интервьюсида бизнесни тарк этганига изоҳ берди. «Ўзбекистонга ёрдам бериш, унга фойда келтириш учун бор имкониятларимни ишга соламан. Бу учун корпоратив активлар бошқарувидан кетдим ва ҳатто кўплаб лойиҳаларимда акциядор сифатида иштирокимни якунладим», — деди у.
Тошкентда давлат ташкилотларига қуёш панеллари ўрнатишга салкам 400 млрд сўм йўналтирилади
Тошкент шаҳридаги 1000 дан ортиқ бюджет ташкилотига қуёш батареялари ўрнатиш режалаштирилмоқда. Бунинг учун 390 млрд сўмдан ортиқ маблағ йўналтирилади.
Ўзбекистон-Миср ўртасида 1,6 млрд долларлик келишувлар имзоланди
Шавкат Мирзиёевнинг Мисрга ташрифи олдидан бўлиб ўтган бизнес форумда 1,6 млрд долларлик 20 дан зиёд битим ва шартнома юзасидан келишувларга эришилди. Шунингдек, Миср компанияси Ўзбекистонда 100 МВт қувватли шамол электр станциясини қурмоқчи экани билдирилди.
Банкларда доллар курси яна тушди
Тижорат банклари 21 февраль куни аҳолидан 1 АҚШ долларини 11 265 — 11 320 сўмдан сотиб олмоқда, сотиш курси эса аксарият банкларда 11 375 сўм.
2022 йилда Ўзбекистонда ойликлар ва ЖШОДС тўловларида қандай ўзгаришлар бўлди
2022 йилда Ўзбекистонда ойлигидан солиқ тўлаётганлар сони 215 мингга ошиб, 5 млн кишига етди. Уларнинг аксарияти ҳали ҳам 1−2 млн сўм маош олади, бироқ уларнинг улуши пасайишда давом этмоқда. Шу билан бирга, 4−5,5 млн сўм ва ундан ортиқ маошга эга бўлган солиқ тўловчилар сони кескин ошган.
Хитой ҳамкорлигида яна икки вилоятда 2000 МВтга тенг қуёш фотоэлектр станциялари қурилади
Энергетика вазирлиги Жиззах ва Тошкент вилоятларида умумий қуввати 2000 МВтга тенг бўлган қуёш фотоэлектр станцияларини қуриш бўйича Хитойнинг икки компанияси билан ҳамкорлик ҳақида келишув имзолади.
Банкларда долларнинг сотиш курси 11 400 сўмгача тушди
Тижорат банклари 20 февраль куни аҳолидан 1 АҚШ долларини 11 285 — 11 340 сўмдан сотиб олмоқда, сотиш курси эса аксарият банкларда 11 400 сўм.
2023 йилда Бухорода электр тақчиллиги ҳажми 150 млн кВт соат бўлиши кутилмоқда
Бухорода 2023 йилда йиллик электр истеъмоли 4,3 млрд кВт соатни ташкил этиб, тақчиллик 150 млн кВт соат бўлиши кутилмоқда. Президент ўтказган йиғилишда буларни қоплаш учун 740 та корхонада 22 МВтли, ижтимоий объект ва кўп қаватли уйлар устида 11 МВтли қуёш панеллари ўрнатиш мумкинлиги айтилди.
Иссиқхоналар, корхоналар, ижтимоий объектлар оммавий равишда газдан кўмирга ўтказилади
Ўзбекистонда газни тежаш мақсадида иссиқхоналар, цемент ва ғишт заводлари, болалар боғчалари, мактаб ва шифохоналарнинг бир қисми кўмир ёқилғисига ўтказилади. 2023 йилда 5407 та ижтимоий объект, 1147 та иссиқхона ва 250 та заводнинг кўмирдан фойдаланишга ўтказилиши кутилмоқда.
Ўзбекистонда йўловчи ташиш ҳажми пандемиядан олдинги йилга нисбатан 22 фоизга ошди — Uzbekistan Airports
Uzbekistan Airports раҳбари Раъно Жўраева йўловчи ташиш ҳажми пандемиядан олдинги йилга нисбатан 22 фоизга ошганини маълум қилди. 2023 йилда янги маҳаллий авиакомпаниялар ташкил этиш ва хорижий компанияларни жалб қилиш ҳисобига кўрсаткични 18 фоизга ошириш режалаштирилган.
Қайта тикланувчи энергия манбаларини ўрнатган шахслар солиқ имтиёзларига эга бўлади
Қайта тикланувчи энергия манбалари учун қуввати 100 кВтгача бўлган қурилмаларни ўрнатган жисмоний ва юридик шахслар 1 апрелдан ушбу қурилмалар бўйича мол-мулк солиғи, у эгаллаб турган участкалар учун ер солиғи ва ишлаб чиқарилган энергияни сотишдан олинган фойда солиғини тўлашдан озод қилинади.
Ўзбекистонда янги кўп қаватли уйлар томларининг камида 50 фоизи қуёш панеллари билан қопланади
Ўзбекистонда янги кўп қаватли уйлар томларининг бўш қисмининг камида 50 фоизига қуёш батареяларини ўрнатиш талаби жорий этилди. Бу ҳақда президент қарор қабул қилди.
2023 йилда 4300 МВтлик қайта тикланувчи энергия манбалари ишга туширилиши режалаштирилмоқда
Ўзбекистонда 2023 йилда умумий қуввати 4300 МВт бўлган қайта тикланувчи энергия манбалари (ҚТЭМ) ишга туширилиши режалаштирилмоқда. Бунга 15,4 млрд доллар йўналтирилади. Ижтимоий объектлар ва давлат органлари биноларига бундай қурилмаларни ўрнатиш бўйича «Яшил энергия» компанияси ташкил этилмоқда.
Ўзбекистонда қуёш панелларини ўрнатган аҳоли рағбатлантирилади
Ўзбекистонда уйларга кичик қуёш панелларини ўрнатиш бўйича «Қуёшли хонадон» дастури бошланади. 2023 йилда 37 минг аҳоли хонадонига панеллар ўрнатиш режалаштирилган. Ягона электр энергетика тизимига ўтказилган ҳар бир кВт/соат учун 1000 сўм субсидия ажратилади.
Энг кўп ўқилган хабарлар | Сўнгги янгиликлар
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- «Ҳали ҳеч нарса аниқ эмас». «Ўзатом» директори — АЭС қурилиши бўйича Россия билан музокаралар ҳақида
- Ўзбекистон ЕТТБ билан «Асакабанк»ни хусусийлаштириш битимини имзолади
Қўшимча имкониятларга эга булиш учун сайтда рўйхатдан ўтинг