Иқтисодиёт
Ўзбекистонда 1 мартдан Аи-80 бензини нархи ошади
Ўзбекистонда 1 мартдан импорт қилинадиган ва маҳаллий Аи-80 русумли бензинга акциз солиғининг «ноль» ставкаси қўлланиши муддати тугайди. Шу кундан бошлаб ушбу ёқилғи нархининг ошиши кутилмоқда.
Қозоғистон мартда «Бухоро-Урал» газ қувурининг учинчи тармоғи қурилишини бошламоқчи
Қозоғистон 2023 йилда Ўзбекистондан Қозоғистон орқали Россияга ўтувчи «Бухоро-Урал» газ қувурининг учинчи тармоғи қурилишини бошлашни режалаштирмоқда. Лойиҳа қиймати 95,6 млн долларга баҳоланган.
Солиқ иловасида кешбэк олиш учун энди Face ID талаб қилинади
Энди «Soliq» мобил иловасида кешбэк олиш учун Face ID бўйича идентификациядан ўтиш талаб қилинади. Илгари фақат 500 000 сўмдан ортиқ маблағни олиш учун фотосурат ёрдамида шахсни тасдиқлаш талаб қилинарди.
Тошкентда иқтисодчи Жеймс Робинсон билан учрашув бўлиб ўтади
17 март куни Тошкентдаги Intercontinental Hotel Tashkent меҳмонхонасида британиялик олим, Чикаго университети профессори Жеймс Робинсон билан учрашув бўлиб ўтади. Тадбирда унинг ҳаммуаллифлигидаги «Мамлакатлар таназзули сабаблари» (Why Nations Fail) китобининг тақдимоти ҳам бўлиб ўтади.
Ўзбекистон Озарбайжон билан 500 млн долларлик қўшма инвестиция жамғармасини ташкил этади
Ўзбекистон-Озарбайжон ҳудудлараро форумида ўзаро савдо ва иқтисодий ҳамкорликни ривожлантириш бўйича 11 та ҳужжат имзоланди. Томонлар лойиҳаларни ўз вақтида молиялаштириш учун $500 млнлик қўшма инвестиция жамғармасини ташкил этишга келишиб олди.
Банкларда долларнинг сотиш курси 11 405 сўмгача кўтарилди
Тижорат банклари 27 февраль куни аҳолидан 1 АҚШ долларини 11 290 — 11 355 сўмдан сотиб олмоқда, сотиш курси эса аксарият банкларда 11 405 сўм.
Украинадаги уруш глобал иқтисодиётга қандай таъсир кўрсатди?
Украинадаги уруш инсоний йўқотишларга, гуманитар инқирознинг чуқурлашишига, озиқ-овқат ва энергия шокларига сабаб бўлди, глобал ўсишни секинлаштирди. «Газета.uz» Россия Украинага бостириб кирганига бир йил тўлиши муносабати билан урушнинг жаҳон иқтисодиётига таъсирини ўрганди.
Пилла қурти уруғини ишлаб чиқарувчиларга ҳам субсидия берилади
1 мартдан пилла боқувчиларга етказиб берилган ҳар қути ипак қурти уруғи учун 120 минг сўм миқдорида субсидия ажратилади. Шунингдек, хом ипакни экспорт қилиш тартиби соддалашади.
МБ муқобил энергия учун кредит бўйича рискни вақтинча ноллаштиришни таклиф қилмоқда
Ўзбекистонда муқобил энергия объектларини ишга тушириш учун ажратилаётган кредитлар бўйича таваккалчилик даражаси 1 декабргача ноллаштирилиши мумкин. Шундай қарор қабул қилинса, муаммоли кредитлар бўйича 2 хонали рақамларга дуч келиш эҳтимоли бор, — дейди иқтисодчи Отабек Бакиров.
Пахта-ғаллага ихтисослашган фермер хўжаликлари ишчилари даромад солиғидан озод этилади
Президент қарори билан давлат бюджетидан пахта ёки ғалла етиштиришга ихтисослашган фермер хўжаликлари ишчиларининг даромад солиғи қайтариб берилади. Ушбу тартиб 1 апрелдан тажриба тариқасида жорий этилади.
Самарқанддаги меҳмонхона 7,6 млрд сўмлик электр энергиясидан ноқонуний фойдалангани айтилмоқда
Самарқанд шаҳрида 7,6 млрд сўмлик электр энергиясидан ноқонуний фойдаланган меҳмонхона аниқлангани айтилмоқда. Ушбу ҳажмдаги электр энергияси ўртача 85 мингта хонадоннинг бир ойлик истеъмолини ташкил қилади.
Ўзбекистоннинг фискал ва монетар сиёсати ташқи савдо дефицити ўсишига қандай таъсир қилмоқда?
Марказий банкнинг нисбатан қаттиқ монетар сиёсати ҳамда ҳукуматнинг рағбатлантирувчи фискал сиёсати ташқи савдо дефицитининг ўсишига ҳисса қўшиб келмоқда. Иқтисодчи Миркомил Холбоевнинг фикрича, бюджет харажатларини қисқартириш ташқи савдо дефицитининг ўсишини секинлаштириши мумкин.
Ўзбекистон Туркия билан имтиёзли савдо соҳасида ҳамкорлик қилади
Туркия президенти Режеп Таййип Эрдоғаннинг 2022 йил баҳоридаги ташрифида 2 давлат ўртасида имтиёзли савдо тўғрисидаги битим имзоланганди. Шавкат Мирзиёев шартномани тасдиқлаш бўйича қарор қабул қилди. Эндиликда имтиёзли савдо соҳасида ҳамкорлик қилинади.
Subway фастфуд тармоғи Тошкентда биринчи ресторанини очади
Американинг Subway фастфуд тармоғи Тошкентда ўзининг биринчи ресторанини очади. У янги қурилаётган Tashkent City Mall савдо-кўнгилочар марказида жойлашади.
Ўзбекистонда кўчмас мулк олди-сотдиси 19,7 фоизга ўсди — ИТИМ
Январь ойида ўзбекистонликлар орасида кўчмас мулк сотиб олишга талаб декабрга нисбатан 19,7 фоизга ошди. Шу билан бирга, иккиламчи бозорда уй-жой нархи бир йилда 20,2 фоизга кўтарилди.
Ўзбекистон январда 633,1 млн долларлик 13 та самолёт сотиб олди
Январь ойида Ўзбекистонга Германия, Литва, Франция, Сингапур ва Буюк Британиядан 13 та самолёт олиб келинди. Уларнинг нархи 633,1 млн долларни ташкил этди.
Ҳудудларда Рақамли ташқи реклама портали ишга туширилади
Президент рақамлаштиришни жадаллаштириш учун ҳудудларда Рақамли ташқи реклама портали ишга тушишини маълум қилди. Ташқи рекламадан тушган пулнинг 20 фоизи вилоятларнинг ўзида соҳани ривожлантиришга йўналтирилади.
Ўзбекистонда меҳнатга лаёқатли аҳолининг 1,3 млн нафари ишсиз қолмоқда — Беҳзод Мусаев
Бандлик вазири Беҳзод Мусаевнинг таъкидлашича, мамлакатда меҳнатга лаёқатли аҳолининг 1,3 млн нафари ишсиз. 2022 йилда қашшоқлик даражаси 17 фоиздан 14,1 фоизга тушган, 2023 йилда бу кўрсаткични 12 фоизгача камайтириш кутилмоқда. Иқтисодчи ҳамда блогер эса вазирнинг баёнотига ишончсизлик билдирди.
Банкларда доллар курси бир неча кунлик тушишдан сўнг кўтарилди
Тижорат банклари 23 февраль куни аҳолидан 1 АҚШ долларини 11 260 — 11 315 сўмдан сотиб олмоқда, сотиш курси эса аксарият банкларда 11 375 сўм.
Ўзбекистон январда 1,2 млрд долларга олтин экспорт қилди. Бу умумий экспорт ҳажмининг ярмидан кўпини ташкил этади
Январда Ўзбекистоннинг товар айирбошлаш ҳажми 42 фоизга ошиб, 5 млрд долларга етди. Экспортнинг ярмидан кўпи олтиндан иборат бўлиб, 1,18 млрд долларга қимматбаҳо металл сотилган. Тўқимачилик маҳсулотлари, газ ва ўғит етказиб бериш ҳажми камайган.
Энг кўп ўқилган хабарлар | Сўнгги янгиликлар
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- «Ҳали ҳеч нарса аниқ эмас». «Ўзатом» директори — АЭС қурилиши бўйича Россия билан музокаралар ҳақида
- Ўзбекистон ЕТТБ билан «Асакабанк»ни хусусийлаштириш битимини имзолади
Қўшимча имкониятларга эга булиш учун сайтда рўйхатдан ўтинг