Иқтисодиёт
Самарқандда электр энергияси ҳисобини сунъий камайтириб, давлатга 1,8 млрд сўм зарар етказган тадбиркор аниқланди
Тойлоқ туманида тадбиркор электр таъминоти корхонасига фойдаланган электр энергиясининг сунъий камайтирган ҳисоботларини тақдим этиб келгани аниқланди. Унга белгиланган тартибда чоралар кўрилиб, тегишли ҳужжатлар ҳуқуқни муҳофаза қилувчи органларга тақдим этилди.
Тайёр мебель ясаб, экспорт қилувчи тадбиркорларга ижара ҳақининг бир қисми қоплаб берилади
Февралдан бошлаб тайёр мебелларни экспорт қилувчи тадбиркорларга хориждаги иш жойлари ижара харажатларининг бир қисми тўлаб берилади. Аввал майдоннинг 100 кв метрига тенг миқдордаги қисми қоплаб бериларди, энди бу меъёр 250 кв мертга етди.
Ўзбекистонда айрим тадбиркорларга мол-мулкни суғурта қилиш харажатларининг бир қисми қоплаб берилади
Президент фармони билан 1 йилда бир маротаба ўрта тадбиркорлик субъектларига мол-мулкни суғурта қилиш харажатларининг 50 фоизигача, бироқ БҲМнинг 20 бараваридан ошмаган қисми қоплаб берилади. Даромади 10 млрд сўмдан кам бўлмаган тадбиркорлар учун давлат харидларида 20 фоизлик квота жорий этилади.
Open Budget`нинг 1-мавсумига жами 1,7 трлн сўм ажратилади
2023 йилда «Ташаббусли бюджет»нинг 1-мавсумига 1 трлн сўм йўналтирилади. Унга қўшимча тарзда маҳаллий бюджетлар ўзида йиғилган эркин қолдиқ маблағларининг 30 фоизини ҳам қўшади. Қўшимча пуллар ҳисобига жами 1,7 трлн сўм маблағ Фуқаролар ташаббуси жамғармаларига йўналтирилиши прогноз қилинмоқда.
Ўзбекистон ва Қозоғистон энергетика вазирлари «Газпром» раҳбари билан учрашув ўтказди
Ўзбекистон ва Қозоғистон энергетика вазирлари ҳамда «Газпром» раҳбари Санкт-Петербургда йиғилиш ўтказиб, газ соҳасида уч томонлама ҳамкорликни муҳокама қилди.
Ўзбекистоннинг 2022 йилги ипотека бозори: асосий ўзгаришлар
2022 йилда Ўзбекистон банклари 14,4 трлн сўмлик (ўсиш 46,9 фоиз) ипотека кредитлари ажратди. Давлат дастури доирасида молиялаштириш 75 фоизга, банклар ҳисобидан эса 4,4 баробарга ошди. Маблағларнинг катта қисми янги уй-жой сотиб олишга йўналтирилган. Асосий кредитлар Тошкентда берилган.
Иқтисодиёт ва молия вазирлиги январнинг биринчи ярмидаги давлат бюджети тақчиллигига изоҳ берди
Январнинг биринчи ярмида давлат бюджети дефицитининг 5,5 трлн сўмга етиши совуқдан жабр кўрган 30 минг тадбиркорнинг солиқ қарздорлиги ўсиши ҳамда иш ҳақи, пенсия ва нафақаларнинг молиялаштирилиши билан изоҳланди. Умуман олганда, январда даромадлар ошди, дея қайд этди Иқтисодиёт ва молия вазирлиги.
ОТБ Ўзбекистонга иқтисодий бошқарувни яхшилаш учун $150 млн кредит ажратди
Осиё тараққиёт банки Ўзбекистонга 150 млн доллар миқдоридаги янги кредит ажратди. Бу маблағ фискал хавф ва давлат қарзини бошқаришни кучайтириш, шунингдек, аҳолини ижтимоий ҳимоя қилишни кенгайтириш ҳамда коррупцияга қарши курашиш, аудит тизимлари самарадорлигини оширишга қаратилган.
Банкларида долларнинг сотиш курси яна кўтарлиб, 11 425 сўмга етди
Тижорат банклари 9 февраль куни аҳолидан 1 АҚШ долларини 11 315 — 11 405 сўмдан сотиб олмоқда, сотиш курси эса аксарият банкларда 11 425 сўм.
Давлат қуёш панели ўрнатган тадбиркорлардан электрни кафолатли сотиб олади — президент
Шавкат Мирзиёев Тошкент шаҳрида ўтказган йиғилишда аҳоли ўз хонадонида қуёш панелини ўрнатса, эҳтиёжидан ортиқ энергияни тармоққа сотишни таклиф қилди. Бунда аҳоли сотган электр энергиясининг ҳар бир киловатти учун минг сўмдан берилади.
Май ойида электр энергияси ва газ нархларининг эркинлаштирилиши кутилмоқда — Марказий банк
Ўзбекистон Марказий банки раиси ўринбосари Беҳзод Ҳамроев май ойида электр энергияси ва газ нархларининг эркинлаштирилиши мумкинлигини маълум қилди. Бу чора бир неча йилдан бери кечиктириб келинади.
«Ўзкимёсаноат» АЖ ва тармоқ корхоналарига 28,3 млрд сўмлик зарар етказилгани аниқланди
2022 йилда «Ўзкимёсаноат» ва тармоқдаги корхоналарда коррупцион ҳаракатлар, маблағларнинг талон-торож қилиниши ва қўшиб ёзишлар ҳисобига 28,3 млрд сўмлик зарар етказилди. 57 та ҳолатда манфаатлар тўқнашуви аниқланди. Тизимдаги 28 киши жиноий жавобгарликка тортилди, 25 нафари эса ишдан олинди.
«Бу йил қарзни жалб қилиш қийинлашади, бу эса ҳукуматни харажатлардан тийиб туриши мумкин» — МБ
Ўзбекистон қарзни жалб қилиш қимматга тушиши сабабли катта эҳтимол билан биринчи яримйилликда еврооблигациялар чиқармайди, деди Марказий банк раҳбари ўринбосари Беҳзод Ҳамроев. Унга кўра, қарз олиш нархининг ошиши ҳукуматни ортиқча харажатлардан қайтарувчи омил бўлиши мумкин.
Қорақалпоғистонда 50 ва 110 МВт кучланишга эга қуёш ҳамда шамол электр станцияси қурилади
Қораўзак туманида 161 миллион долларлик янги 2 катта инвестициявий лойиҳа, жумладан 50 МВт кучланишга эга қуёш электр станцияси ва 110 МВт кучланишга эга шамол электр станцияси қурилади. Натижада 200 фуқаронинг доимий равишда бандлиги таъминланади.
Ўзбекистонга газ етказишда кузатилган узилишлар сабаб «Туркмангаз»да бир неча киши ҳибсга олингани айтилмоқда
Туркманистондаги «Галкиниш» конида юз берган авария ва Ўзбекистонга газ етказиб беришда кузатилган узилишлар сабаб «Туркмангаз» концернида бир неча киши ҳибсга олингани хабар қилинди. Ўзбекистон Энергетика вазирлиги узилиш учун Туркманистондан компенсация талаб қилингани ҳақидаги хабарни рад этди.
Банкларда долларнинг сотиш курси 11 405 сўмгача кўтарилди
Тижорат банклари 8 февраль куни аҳолидан 1 АҚШ долларини 11 285 — 11 385 сўмдан сотиб олмоқда, сотиш курси эса аксарият банкларда 11 405 сўм.
Президент инфляция даражасини пасайтириш масалаларига бағишланган йиғилиш ўтказди
2023 йилда Ўзбекистон барча иқтисодий механизмларни қўллаган ҳолда инфляция даражасини 10 фоиздан пастга туширишни режалаштирмоқда. Президент озиқ-овқат маҳсулотлари ишлаб чиқариш ҳажмини ошириш, уларни «даладан дастурхонгача» етказиб беришдаги харажатларни қисқартириш бўйича топшириқлар берди.
Январда Ўзбекистонда 85 млрд сўмлик газдан ноқонуний фойдаланилган
Январда Ўзбекистонда улгуржи истеъмолчилар томонидан 85 млрд сўмлик табиий газдан ноқонуний фойдаланиш билан боғлиқ 614 та ҳолат аниқланди, деб хабар қилди Энергетика вазирлиги. Хусусан, АГТКСларда 20 та ҳолат қайд этилган бўлиб, уларда 76,8 млрд сўмлик газдан фойдаланилган.
Январнинг 8 кунида бюджет тақчиллиги 5,5 трлн сўмга етди. Бу кутилаётган йиллик дефицитнинг бешдан бирига тенг
Январнинг 8 кунида давлат бюджети харажатлари даромаддан 2,3 баравар ортиб, дефицит 5,5 трлн сўмга етди. Бу 2023 йил учун дефицит кутилмасининг бешдан бир қисмидан кўпроқ дегани (25,1 трлн сўм). Шундан сўнг Иқтисодиёт ва молия вазирлиги даромад ва харажатлар бўйича маълумот беришни тўхтатди.
Коллеж ва техникум педагоглари ойлиги мактаб ўқитувчилари маошига тенглаштирилиши мумкин
2023 йилги давлат дастури лойиҳасига кўра, 1 апрелдан бошлаб профессионал таълим муассасаси (коллеж ва техникум) ўқитувчиларининг маоши мактаб ўқитувчилариники билан тенглаштирилиши мумкин.
Энг кўп ўқилган хабарлар | Сўнгги янгиликлар
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- «Ҳали ҳеч нарса аниқ эмас». «Ўзатом» директори — АЭС қурилиши бўйича Россия билан музокаралар ҳақида
- Ўзбекистон ЕТТБ билан «Асакабанк»ни хусусийлаштириш битимини имзолади
Қўшимча имкониятларга эга булиш учун сайтда рўйхатдан ўтинг